1 Pitor
Pitorké Adgotpoːnam Doːjíg
Lugot
Pitorké adgotpoːnam doːjíksém kiristannoːpé attak, sido kiristaném "Ruːnék balennam tani" émna lutag, séːkobulu Esia Mainordok pékípé dukpitsuka. Doːjíksém adnamdok lagipagya:nam légaːdé ponékídíːdém lusaːlígnamdé, séːkobulu buluk méːjíksunamdok légaːpé ipusireyém pa:la duːgémdola dungngan. Pitorbí sémbulum bík ponékídíːdém méːpaːmodungku, Jisuk tatpon lutaddé, bík sibinamdé, lékod-turkunamdé, odokké gíladyeku émna pesubinamdé bulum akangém bidag. Édém kinna bulu buluk duːgém toríksula oijosupé lagidag, odokké édé buluk aro méːjíksunamdok ankangé émna odokké édílo Jisu Kiristomé léngkanyén odo longédo bulum amaném biyé émna bulum kinmotag.
Ngasodné ayírro:sin bík lusang agom lunam léddílo, Pitorbí doːjík ponékídíːdém Kiristok taniːkísapé duːdodagdopé lutag.
Tarungkídíng
Lugotpoːnam (1.1-2)
Ruːnék Moturbinamdém Méːpaːmokunam (1.3-12)
Angunna Duːdopé Lusanam (1.13-2.10)
Ngasod Ayírro Kiristannok ipénamkídíng (2.11-4.19)
Kiristannok Ajjisunaméla Agergernam (5.1-11)
Attér (5.12-14)