1 Tisolonia
Tisolonia Taniːkídíːdoːpé Polké Adgotpoːnam Doːjíg
Lugot
Tisolonika nogordé Ruman mongké Mesodoniaːdok rajdaniːai. Pilipidém mépagla gínam lédupé Polbí odo kumgoko laːlento. Émpigeːla odo bím kaːlímaːné Jiudi taniːlokké bík tayéːlo ipusireyé angkang, kapilaːné Polbí Jisuk doːyingém Jiudipé ilíːné taniyém kíbinammé bulu kiristanpé angkang. Polmé Tisolonikadokké Beriadoːpé bolbodapé mélíkto. Odokké Tisolonika kumgodok doːyíngém Polbí bík gerjon Timotikolok Korin nogordo paːto.
Édémpila Tisolonikadoːpé Polké atpoːnam doːjíkso Polbí kiristan taniːkídíːdém kínggíla duːdopé lusang agomsém adlíktag. Bí kiristan taniːkídíːdém buluk aikampopé duːnamdém luyitsutag odokké bulum Jisuk gílatkunamdém kangkanpé lusarbitag.
Tarungkídíng
Lugotpo:nam (1.1)
Aipai bila Luyitsunam (1.2-3.13)
Kiristané kapé Duːdodagdoji édém Lusang Agomki Lubinam (4.1-12)
Kiristoké Gílatkunamdém Luyírbinam (4.13-5.11)
Lutérdok Lusang Agom Lubinam (5.12-22)
Attér (5.23-28)