Kolosia
Kolosia Taniːkídíːdoːpé Polké Adnam Doːjíg
Lugot
Kolosi:dé Esia Mainordok oaːpé airuːpé bottén nogorkai, édé Ipisia nogordok sanggapé dungngai. Polbí édíloːsin Kolosiːpé gíkímangngai, émpigeːla Kolosiːdok méngkésunékídíːdé méːjíksunamdok kínggíːdag émna tatpaːsula Polbí méːyumsudagai. Kolosi taniːkídíːdé Epaparaskolok tatpon lutaddém tattag odokké édílo Polbí séː doːjíksém atkan odo Epaparasbíːsin bím makanaːdo duːjonsula dungngai.
Kolosiːdok bojéyangko méngkésunné Jiudimangngai, édémpila bulukkodok akke kangkímaːnam yelam agerém gerdagai. Bulu méːdagai Ruːnéké agomém-taddumílo asin méːbonammém mépakpé lagiyé, tayéng-yaːmeyémna yalolok tornékídíːdém kumpaːyé. Édémpila Polbí bulum kinmolíːdung Kiristobí Ruːnéké lédílo tayéng-amoːto dung odokké moːpísok appíːloi bí migom dola dung émnamdém. Édémpila bulu okkomsin kumma:pé Kiristomé kumpé lagidag.
Séː doːjíksém Taikikasbí Polké légaːpé Kolosidoːpé bombika odokké Onesimasbí bík lédílo gíjonsuka, Onesimasbí pagbokai sék légaːpé Polbí Pilemonkoloːpé doːjíkko adlígbika.
Tarungkídíng
Lugotpoːnam (1.1-2)
Kiristobí Taniːpé Badnamdéːlang Bík Ager (1.9-2.19)
Kiristokolo Anupé Turnam (2.20-4.6)
Attér (4.7-18)