Lékod-Turkunamdé
(Moti 28.1-8; Luk 24.1-12; Jon 20.1-10)
16
Édílo Yoddí longédé gíbatkaːji, Meri Magdolonibí, Jemské ané Meriːbíːla Salomiːbí nampon yonsunamko Jisuké simaːdo yonníkpé émna réto. 2 Loːníddok anggotpon longédo, roːrokompé, doːnyidé líːsaːdannaméi, bulu agodoːpé gíkang. 3 Odokké bulu akoné akoném taumínsuto, ''Ngoluk légaːpé séːko ago yabgodok ílí:dém pérpagbiyyan?" 4 Émpigeːla édílo bulu bérsaːla kaːton, airuːpé pítané édé ílíːdém pérpagla léːdopé kaːto. 5 Odokké bulu agodo:pé gía:nammé, bulu kampon galuk géné ya:me taniːko lagbíkpé tedla duːdopé kaːto. Édémpila bulu pésokang.6 Bí bulum luto, ''Nolu pésoyok; nolu kuruslok pítkenam, Najarot Jisum madung. Bí turkangku; bí séː kamang; bulu bím okolo kédmola léngkaji édém kangkítaːka. 7 Émpigeːla gíkang bíkkol luyírsunékídíːdémnaː Pitormé lubitaːku bí nolumyang gípoyaːla Galiliːpé gídag; kapé bí nolum lubikaːji, édémarpé nolu bím olo kaːpaːyé."a
8 Bulu gílennangkula agodokké dukkangku; kapéné péssolaː méngaksunamé bulukkolo angkang; bulu pésobatsula séːkomsin okkomsin lubitokumang.
Jisubí Magdolonimé Léngkansunam
(Moti 28.9,10; Jon 20.11-18)
9 Édílo Jisubí loːníddok anggotpon longédo turkangkun, bí Meri Magdolonimé léngkansugotpoːto; séːkkolokkém bí kínítko buttom ménnenbika. 10 Odokké bí gíla poːpélo bík lédílo duːmínnékídíːdém, séːkobulu méːdír-méːsola kabla dungngaji bulum lubitoku. 11 Émpigeːla édílo Jisubí turra dung odokké bí bím kaːto émnamdém bulu tatton, bulu bík lunamdém arro émna méngkésutomang.
Jisubí Gímínné Annyikoném Léngkansunam
12 Odok lédupé Jisubí angula bulukkolok annyikoném édílo bínyí doːlungkoloːpé gíla dungngan, odo léngkansuto. 13 Bínyi gíladlangkula akonkídíːdém lubitoku; émpigeːla bulu bínyík lubikunamdémsin arro émna méngkésutomang.
Jisubí Yíːlangkodém Léngkansukunam
(Moti 28.16-20; Luk 24.36-49; Jon 20.19-23; Ager 1.6-8)
14 Odok lédupé yíːlangkoːdé doladuːdodém bí bulum léngkansuto. Odokké bík lékod-turkunam lédupé, séːkobulum bí léngkansuton buluk lubikunamdém méngkésumaːnam légaːpéla méngkésulíːman asin kanam légaːpé Jisubí bulum ge:to. 15 Odokké bí bulum luto, ''Moːpísok appí:lo:pé gíla ru:nam takamém tatpon lutaddém lugoːbita. 16 Séːkobí méngkésugeːla baptisém laːyéji bím moturbiyé; émpige:la séːkobí méngkésumaːyéji bím imurnép-sappagyé. 17 Odokké méngkésunékíːdíːdok lédílo séː kanggotkídíːsém kaːpaːyéː Ngok aminno bulu buttom ménnenyé; bulu angun gomukpé agom luyé. 18 Bulu buluk alakki tabbém gaksa:yé; odokké bulu yogmom tínggom; édé bulum atíkosintílaːmaːyé; bulu kila-duːnékídíːdém buluk alakki riːyidbiyé; odo bulu ésangamyéku."
Jisum Tayéng-Amo:pé Gísabokunam
(Luk 24.50-53; Ager 1.9-11)