Surano
Yahya
da meri'ou
Tulurano rasulu dadaano haratia da mompokontora
1
1 Hapa da da'amo mebinta iso-iso, da ari pinodeamami, da ari inontoakono matamami, da ari pinekokaanimami ronga da ari hinenderiakono limamami mekona hai haratia da mompokontora, koiemo da nileleakomami. 2 Koie toraaha ariomo inonto. Ronga aricamimo ontoo, ronga saksii'o naamo leleakoakomiu'o dadaano tora ngkaidaaha, da pono-ponohaakono Apu Alla Tamanto, da ari popo'ontoniakami'o. 3 Hapa da ari inontomami ronga da pinodeamami, dakamisi mo'awaakokomiu, nangkua dahamiu nta boboto'akokami. Ronga boboto'anto yahoo boboto'akondo i Ama naamo Yesus Kristus Anano. 4 Luwuo die koburiakomiu'o, kai mondo mohende'anto.Koie Apu Alla molinyaaho
5 Diemo haratia da ari pinodeamami hai Apu Yesus ronga da pinokodungkumami hai comiu: Koie Apu Alla molinyaaho, ronga dahanomo sai hina mpiha da rondoma. 6 Kito kanahi dakita boboto'akono, sawali dakitasi tora hai dahano rondoma, dakitamo mekulepi ronga nato da'a moweweu da menona. 7 Sawali kito tora dahano molinyaa, kana Apu Alla da da'a dahano molinyaa, nangkuamo kato boboto mponoha ronga reano Yesus Anano da uwohiakita'o pera dosanto.
8 Kito kanahi nato madosa, dakitamo kulepio wotolunto ronga da menona nahina hai pelaroanto. 9 Sawali kito akui'o dosanto hai Apu Alla, Iaamo da konianto'u hi pedandi ronga da mongkote, danta ampuniakita'o pera sinalakinto ronga uwohiakita'o pera da mosa'o. 10 Kito kanahi nato madosa, kanamo hito daa mekule-kule'io Apu Alla, ronga haratiano nai da'amo moo'iahicita.