Nsangu ya Mbote ya
MATAYI
Bankoko ya Yesu
1
Yayi ni mukanda ya bankumbu ya bankoko ya Yesu-Klisto*:
Davidi kele nkoko ya Yesu-Klisto,
mpe Abalami kele nkoko ya Davidi.
2 Abalami butaka Izaki.
Izaki butaka Yakobi,
mpe Yakobi butaka Yuda na baleki ya Yuda.
3 Yuda butaka Falese mpe Zada (mama ya bawu vwandaka Tamale).
Falese butaka Esomi,
mpe Esomi butaka Alami.
4 Alami butaka Aminada.
Aminada butaka Nasone,
mpe Nasone butaka Salama.
5 Salama butaka Boze,
mpe Layabi vwandaka mama ya Boze.
Boze butaka Obedi,
mpe Luti vwandaka mama ya Obedi.
Obedi butaka Yese,
6 mpe Yese butaka ntinu Davidi.
Davidi butaka Salomoni.
(Ni mama ya yandi vwandaka ntete kento ya Yuli).
7 Salomoni butaka Lobwami.
Lobwami butaka Abya,
mpe Abya butaka Azafe.
8 Azafe butaka Yosafate.
Yosafate butaka Yolame,
mpe Yolame butaka Ozyase.
9 Ozyase butaka Yotami.
Yotami butaka Akaze,
mpe Akaze butaka Ezekyase.
10 Ezekyase butaka Manase.
Manase butaka Amoni,
mpe Amoni butaka Yozyase.
11 Yozyase butaka Yekonya na baleki ya yandi na ntangu ba nataka bantu ya yinsi ya Isayeli na mbanza Babiloni.
12 Ntangu bawu vwandaka bankole na mbanza Babiloni,
Yekonya butaka Salatyele,
mpe Salatyele butaka Zolobabe.
13 Zolobabe butaka Abyude.
Abyude butaka Elyakime,
mpe Elyakime butaka Azole.
14 Azole butaka Sadoke.
Sadoke butaka Akime,
mpe Akime butaka Elyude.
15 Elyude butaka Elyazale.
Elyazale butaka Matani,
mpe Matani butaka Yakobi.
16 Yakobi butaka Yosefi bakala ya Maliya.
Maliya kele mama ya Yesu yina ba ke bokilaka Masiya*.
17 Bambandu kumi na yiya lutaka katuka mbutukulu ya Abalami tii na mbutukulu ya Davidi.
Bambandu kumi na yiya lutaka mpe katuka mbutukulu ya Davidi tii na ntangu yina ba nataka bantu ya Isayeli samu na kuvwanda bankole na mbanza Babiloni,
mpe dyaka,
bambandu kumi na yiya lutaka katuka ntangu yina bantu ya Isayeli vwandaka bankole na mbanza Babiloni tii na mbutukulu ya Masiya.
Mbutukulu ya Yesu-Klisto
18 Yesu-Klisto* butukaka mutindu yayi:
Maliya,
mama ya yandi kuzwaka nsilulu ya makwela na sika ya Yosefi.
Kasi ntete bawu zinga kintwadi,
Maliya vwandaka me kuma na kivumu na lulendo ya Mpeve ya Longo.
19 Yosefi yina pesaka yandi nsilulu ya makwela,
vwandaka muntu ya kudedama*,
mpe zolaka ve na kutalisa yandi nsoni na meso ya bantu.
Na yina,
yandi bakaka lukanu ya kukabikisa makwela na mansweki.
20 Ntangu yandi vwandaka banza mambu yina,
mbazi* mosi ya Mfumu* talanaka na yandi na ndosi,
mpe tubaka:
"Yosefi,
mwana ya dikanda ya Davidi,
kutala boma ve na kukwela Maliya samu ti yandi me kuzwa kivumu na lulendo ya Mpeve ya Longo.
21 Yandi ke buta mwana ya bakala yina nge ke pesa nkumbu Yesua.
Ya tsyelika,
ni yandi ke vuukisa bantu ya yandi na masumu ya bawu."
22 Mambu nyonso yayi me salama mutindu Mfumu zabisaka yawu na yinwa ya mumbikudi* ya yandi:
23 "Ndumba yina me zaba ntete ve babakala ke kuzwa kivumu,
mpe ke buta mwana ya bakala yina ba ke bokila Emanwele.
Nkumbu yayi zola kutuba:
Nzambi ke na betob."