Bantu ya ndwenga kwizaka tala Yesu
2
Yesu butukaka na mbanza Betelemi na kizunga ya Zude,
ntangu Elode vwandaka ntinu.
Na manima ya mbutukulu ya yandi,
bantu ya ndwenga katukaka na esete mpe kwizaka na Yelusalemi.
2 Bawu yufulaka:
"Wapi sika kele ntinu ya ba-Zwife yina me butaka?
Beto me tala mbwetete ya yandi me basika na esete,
mpe beto me kwiza samu na kusiika yandi."
3 Ntangu ntinu Elode kuwaka mambu yina,
ntima ya yandi vwandaka dyaka ve na kizunu,
mutindu mosi mpe bantu nyonso ya Yelusalemi.
4 Yandi vukisaka bamfumu ya banganga-Nzambi* na milongisi ya Misiku*,
mpe yufulaka bawu:
"Wapi sika Masiya* fwana kubutuka?"
5 Bawu vutulaka:
"Masiya fwana kubutuka na Betelemi na kizunga ya Zude samu ti na dibuku ya mimbikudi* ba sonikaka mutindu yayi:
6 'Nge Betelemi,
mbanza ya Zude.
Nge kele ve mbanza yina me lutila fyoti
na kati ya bambanza ya Zude,
samu ti nge ke basisa mfumu
yina ke twadisa dikanda ya munu,
bantu ya yinsi ya Isayelia.' "
7 Na yina,
Elode bokilaka bantu ya ndwenga yina na mansweki,
mpe yufulaka bawu samu na kuzaba mbote wapi ntangu mbwetete talanaka.
8 Na manima,
yandi fidisaka bawu na Betelemi,
mpe zabisaka bawu:
"Beno kwenda mpe beno sosa na kuzaba mbote mambu me tadila mwana yina.
Ntangu beno ke tala yandi,
beno kwiza kuzabisa munu yawu samu ti munu mpe,
mu kwenda kusiika yandi."
9 Na manima ya kuwa mambu ya ntinu,
bawu kwendaka.
Bawu talaka mbwetete yina bawu talaka ntete na esete.
Yawu vwandaka kwenda na mantwala ya bawu,
mpe ntangu yawu kumaka na kisika yina vwandaka mwana,
yawu kangamaka.
10 Bawu kumaka na nsayi ya kulutila na kutala mbwetete yina kuna.
11 Bawu kotaka na yinzo,
mpe talaka mwana na mama ya yandi,
Maliya.
Bawu fukamaka samu na kusiika yandi.
Na manima,
bawu zibulaka bankutu ya bawu,
mpe pesaka yandi makabu yayi:
wolo,
maaka ya nsunga* ya mbote,
mpe mananasi ya mile*.
Bantu ya ndwenga ke na kupesa makabu na Yesu
12 Na manima,
Nzambi lwengisaka bawu na ndosi na kuvutuka ve na sika ya Elode.
Na yina,
bawu bakaka nzila ya nkaka samu na kuvutuka na yinsi ya bawu.
Yosefi na Maliya kimaka na mwana na yinsi ya Ngipiti
13 Ntangu bantu ya ndwenga kwendaka,
mbazi* mosi ya Mfumu* talanaka na Yosefi na ndosi,
mpe zabisaka yandi:
"Telama,
baka mwana na mama ya yandi,
mpe beno kima na yinsi ya Ngipiti.
Vwanda kuna tii ntangu mu ke zabisa nge na kuvutuka samu ti Elode ke na kusosa mwana samu na kufwa yandi."
14 Yosefi telamaka mpe bakaka mwana na mama yandi,
mpe kwendaka na bawu na yinsi ya Ngipiti na mpimpa.
15 Yandi zingaka kuna tii ntangu Elode kufwaka.
Ni mutindu yina salamaka mambu yina Mfumu zabisaka na dibuku ya mimbikudi*:
"Mu me bokila Mwana ya munu na kubasika na yinsi ya Ngipitib."
16 Ntangu Elode zabaka ti bantu ya ndwenga vunaka yandi,
yandi kumaka na nkele ya kulutila.
Na yina,
yandi pesaka muswa na kufwa na Betelemi mpe na bambanza ya pene-pene,
bana nyonso ya babakala yina vwandaka me luta ntete ve bamvula zole.
Yandi zengaka bamvula zole samu ti yawu fwananaka na ntangu yina lutaka katuka mbwetete basikaka mutindu bantu ya ndwenga zabisaka yandi.
17 Na yina,
mambu yina mumbikudi Yelemi zabisaka salamaka.
Mambu ya yandi vwandaka tuba:
18 "Bantu me kuwa makelele na mbanza Lama.
Ya ke bidilu mpe manyongo ya kulutila ya Lasele
yina ke na kudila bana ya yandi.
Yandi ke na kuzola ve ti ba bomba yandi,
samu ti bawu me kufwac."
Yosefi na Maliya vutukaka na mwana na yinsi ya Isayeli
19 Na manima ya lufwa ya Elode,
mbazi* mosi ya Mfumu* talanaka na Yosefi na ndosi na yinsi ya Ngipiti,
20 mpe tubaka na Yosefi:
"Telama,
baka mwana na mama ya yandi,
mpe vutuka na yinsi ya Isayeli samu ti bayina vwandaka sosa kufwa mwana me kufwa."
21 Na yina,
Yosefi telamaka.
Yandi bakaka mwana na mama ya yandi,
mpe vutukaka na yinsi ya Isayeli.
22 Kasi yandi kuwaka ti Akeluse kumaka ntinu ya Zude na kisika ya tata ya yandi Elode.
Na yina,
Yosefi vwandaka na boma ya kukwenda na Zude.
Mfumu lwengisaka yandi na ndosi,
mpe Yosefi kwendaka na kizunga ya Ngalili.
23 Yandi kwendaka zinga na mbanza Nazaleti.
Na yina,
mambu nyonso salamaka mutindu mimbikudi* zabisaka:
"Bantu ke bokila yandi muntu ya Nazaleti."