Lumoni ya tanu: Kisika yina ba ke tentikaka minda mpe bayinti zola ya olive
4
Mbazi yina vwandaka zonza na munu vutukaka mpe pamusaka munu mutindu ba ke vumbulaka muntu yina kele ya kulala. 2 Yandi yufulaka munu: «Yinki nge ke na kutala?» Mu vutulaka: «Mu ke na kutala kitentokolo ya ya minda, ya wolo. Kitentokolo yango kele na minda sambwadi na zulu ya yawu, mpe na mwa ndonga ya kutudilaka mafuta, na mwa bima sambwadi yina ke lutisaka mafuta na minda nyonso sambwadi. 3 Pene-pene ya yawu, ya kele na bayinti zole ya olive, mosi na lweka ya bakala ya ndonga yina ba ke tudilaka mafuta mpe ya nkaka na lweka ya kento.» 4 Mpe mu yufulaka na mbazi yina vwandaka solola na munu: «Mfumu ya munu, yinki yawu zola kutuba?» 5 Mbazi vutulaka: «Nge zaba ve yinki yawu zola kutuba?» Mu vutulaka: «Ve Mfumu ya munu, mu zaba ve.»Nsilulu samu na Zolobabele
6 Mbazi vutulaka na munu,
tala mambu yina Yave ke na kutuba
samu na Zolobabele:
«Ya kele ve samu na kibakala
to ngolo ya beno,
kasi na Mpeve ya munu,
ni Yave, Nzambi ya binwani me
tuba yawu
7 «Nge mongo ya nene, nani nge kele
na mantwala ya Zolobabele?
Yandi ke mwangisa nge mpe yandi
ke katula ditadi ya nge ya mfunu
mpe ke kulooka na nsayi na kutuba:
“Matondo, matondo”
samu na ditadi yayi.»
8 Na manima, mambu ya Yave
kuminaka munu mutindu yayi:
9 «Ni Zolobabele me tunga lufulu
ya Yinzo ya munu, mpe ni yandi
ke manisa na kutunga yawu.»
Mpe beno ke ndima ti ni Yave, Nzambi
ya binwani tumisaka munu na sika ya beno.
10 «Samu ti bayina vwandaka tala
ntonono ya kisalu mutindu kima ya
mpamba ke yangalala na ntangu
bawu ke tala kitezolo na maboko
ya Zolobabele.
Minda sambwadi kele kidimbu
ya meso ya Yave yina ke talaka
yinza nyonso.»
11 Mu yufulaka Mbazi: «Yinki zola kutuba bayinti zole ya olive yina kele pene-pene ya kitentokolo ya minda?» 12 Mu yufulaka dyaka yandi: «Yinki zola kutuba bintala zole ya olive yina kele pene-pene ya mwa bima zole ya wolo yina ke basisaka mafuta ya nsunga ya mbote?» 13 Na yina, Mbazi vutulaka: «Nge zaba ve yinki yawu zola kutuba?» Mu tubaka ve mfumu ya munu mu zaba ve. 14 Mpe mbazi tubaka: «Ni bantu zole yina Yave soolaka samu na mafuta, ni bawu ke na mantwala ya Mfumu ya yinza nyonso.»