Aze
Nkotolo
Dibuku yayi ke na kuzonzila mambu ya mumbikudi Aze, samu na ntungulu ya zole ya Yinzo ya nene ya Nzambi na Yelusalemi. Aze vwandaka mumbikudi kati na lutangu ya bantu ya Yuda yina katukaka na bundongo na yinsi ya Babilone. Bawu bakaka lukanu ya kutunga dyaka Yinzo ya nene ya Nzambi, kasi bawu kwizaka lemba na manima ya bamvula kumi na nana (18). Na mvula 520 ntete mbutukulu ya masiya, yandi tubaka: Kana bantu ke na kuzinga na bumputu mpe madya ke na kubuta mbote ve, yawu kele samu ti Yinzo ya Nzambi kele ya kumwangana. Aze kwizaka kindisaka bawu na kutuba na bawu ti Nzambi ke lakisa bawu bumbote ya yandi kana bawu kukipesa na kisalu ya yandi, mpe yandi bikulaka mutindu yayi: Yinzo ya nene ya Nzambi ya malu-malu ke lutila Yinzo ya nene ya ntama na kitoko (Aze 2.1-9). Mpe ntungulu ya Yinzo ya nene ya Nzambi ke sala ti bumputu kumanisa mpe bantu kuvwanda na luzingu ya kuvedila (Az. 2.10-19)
Dibuku yayi kele ya kukabuka mutindu yayi: Aze 1.1-15: Nzambi me loomba na bantu ya Isayeli samu ti bawu tunga dyaka yinzo ya yandi Aze 2.1-23: Nzambi ke na kindisa bantu ya yandi mpe yandi ke na zabisa bawu mambu ya kivuvu.