Zakali
Nkotolo
Dibuku yayi ya mumbikudi Zakali, ba lenda kubokila yawu mpe dibuku ya kivuvu. Yawu ke na kulakisa wapi mutindu na ntangu ya mumbikudi Zakali bantu ya Isayeli vwandaka sala kiminu ya bawu na Nzambi. Mambu yayi salamaka na bamvula 520 mpe 518 ntete nkwizulu ya Yesu klisto samu na ndambu ya ntete mpe samu na ndambu ya zole yawu salamaka na bamvula yina vwandaka landa.
Dibuku yayi kele ya kukabuka na bandambu zole: Zak 1-8 Ndambu ya ntete ke na kuzonzila mambu yina mumbikudi Zakali talaka na lumoni. Yawu ke na kuzonzila mingi na mambu yina me tadila ntungulu ya mbanza Yelusalemi mpe ntungulu ya zole ya Yinzo ya nene ya Nzambi. Yawu ke na kuzonzila mpe mambu yina me tadila nkwizulu ya masiya. Zak 9-14 Ndambu ya zole ke na kulakisa wapi mutindu Nzambi ke yala ntoto nyonso mpe wapi mutindu yandi ke fidisa muntu ya kukuluka yina ke vwanda kivuukisi ya bantu, kasi ba ke kufwa yandi.