Sofoni
Nkotolo
Mumbikudi Sofoni vwandaka lwengisa bantu na ntangu yina Zozyase vwandaka ntinu ya Yuda (na bamvula 640-609) ntete mbutukulu ya Masiya. Na ntangu yina bantu ya Isayeli vwandaka na kati ya bampasi, mingi na kati ya bawu vwandaka kukiyufula kana luzingu ya bantu kele mfunu na mesu ya Nzambi mpe kana ya tsyelika ni Nzambi kele na lulendo ya kutwadisa mambu nyonso na yinza.
Sofoni pesaka mvutu ti, Nzambi ke manisa yimbi yina bantu ke salaka mpe na manima ya kupesa bawu kitumbu, bawu ke kuluka, ke looka na Nzambi mpe yandi ke lakisa bawu bumbote ya yandi. Mutindu Nzambi kele Mfumu, yandi lenda bika ve ti mambu ya yimbi kuyaala samu na kukabikisa luzolo ya yandi.
Dibuku yayi kele ya kukabuka mutindu yayi: Sof.1.1-2.3: Kilumbu yina Yave ke pesa kitumbu Sof.2.4-15: Bampassi yina bambeni ya Isayeli ke tala Sof.3.1-20: Yimbi ya bantu ya Yelusalemi mpe luzolo ya Nzambi.