ABAKUKE
NKOTOLO
Dibuku yayi ya Abakuke ke na kulakisa kizizi ya mumbikudi na kati ya bantangu ya mpasi ya kulutila. Yandi vwandaka tala mpasi mingi samu na bampangi mpe vwandaka zabisa na bantu ti ba bika kusadila mambu ya yimbi. Yandi vwandaka lomba na bantu na kwiza na sika ya Nzambi mpe yandi vwandaka yangalala ntangu Nzambi vwandaka pesa yandi bamvutu.
Dibuku yayi, ba sonikaka yawu keba ve na kati-kati ya bamvula 699 mpe 587 ntete mbutukulu ya Yesu-Klisto, na ntangu yina bantu ya yinsi ya Babilone vwandaka yala bayinsi ya esete.
Na kati ya dibuku yayi, Nzambi ke na kupesa mvutu na mumbikudi ya yandi na zila ya nsangu yina me tadila bantu ya ntangu ya Abakuke mpe bantu ya bantangu nyonso. Nsangu yango ni yayi: Muntu yina ke na mabanza ya yimbi ke kufwa, kasi muntu ya kudedama ke zinga samu na kiminu ya yandi mpe kuvingila na kivuvu nyonso lusalusu ya Nzambi.
Na kati ya bantangu ya mpasi, ba ke vwandaka mingi na nsatu ya dibuku yayi ya Abakuke samu na kubambukaka-moyo na dyambu ya lukwikulu.
Dibuku yayi kele ya kukabuka mutindu yayi:
- Abk 1: Abakuke lombaka na sika ya Nzambi mpe Nzambi pesaka yandi mvutu.
- Abk 2: Musendo ya bantu ya mambu ya mboto mpe musendo ya bantu ya mambu ya yimbi.
- Abk 3: Lusambulu ya Abakuke.