Nawume
NKOTOLO
Dibuku ya mumbikudi Nawume ke na kuzonzila na bambikululu yina me tadila kubwa ya mbanza Ninive. Mumbikudi Nawume ke na kulakisa kumwangana yayi mutindu mfundusu ya Nzambi samu na mbanza yayi ya lunangu, ya mivondi mpe ya muvusu. Ninive kele kidimbu ya lutumu ya kimuntu yina Nzambi ke ndimaka ve. Na ntangu ya Nawume, bantu ya Asili kwizaka mwangisa kimfumu ya Isayeli, mpe bawu nwanisaka kimfumu ya Yuda. Dibuku yayi sonamaka na manima ya kubwa ya mbanza Tebese na maboko ya bantu ya Asili na bamvula bankama sambanu na makumi sambanu na tatu (663) ntete bantu ya babilone kumwangisa mbanza Ninive na bamvula bankama sambanu na kumi na zole (612) ntete Yesu Klisto butuka.
Dibuku yayi kele ya kukabuka na bandambu tatu: Ndambu ya ntete ke na kulakisa lulendo ya Nzambi yina ke na kuyala bima nyonso yina yandi yidikaka mpe mutindu ya yandi ya kufundisa yinza: Naw 1.1-8. Ndambu ya zole ke na kulakisa wapi mutindu lulendo ya Nzambi ke sala na ntangu ya mumbikudi Nawume, na yina me tadila kumwangana ya mbanza Ninive, mpe samu na kimpwanza ya bantu ya Yuda: Naw 1.9-2.3. Ndambu ya tatu ke na kulakisa kubwa ya kimfumu ya Ninive: Naw 2.4-3.19.