Esedase
NKOTOLO
Na mbandukulu, dibuku ya Esedase vwandaka ya kuvukana na dibuku ya Neyemi mpe na manima ya mwa bamvulu, ba kwizaka kabula yawu.
Dibuku yayi ya Esedase ke na kuzabisa mambu yina me tadila kubasika ya bantu ya Isayeli na kati ya bundongo mpe mvutukulu ya bawu na yinsi ya Isayeli. Kubasika yango salamaka na bandambu zole.
Na mbala ya ntete, bantu mingi basikaka na bundongo na muswa ya Siluse ntinu ya Pelese mpe na mbala ya zole, bantu ya nkaka basikaka na bundongo na lutwadusu ya nganga-Nzambi Esedase na ntangu Atazekezese vwandaka ntinu.
Dibuku yayi ke na kulakisa mfunu ya kukwikila na Nzambi mpe ya kuvwanda na luzingu ya kuvedila. Yawu ke na kuzabisa mpe wapi mutindu nganga-Nzambi Esedase pesaka nzutu mpe luzingu ya yandi nyonso samu na kuvutula misiku mpe wapi mutindu yandi twadisaka bantu ya Isayeli na kutumama mpe kusadila mambu ya Nzambi. Ni Esedase salaka ti dibuundu ya bantu ya Yuda kuyidama mbote.
Dibuku yayi kele ya kukabuka mutindu yayi:
- Musiku ya ntinu Siluse yina ke na kupesa muswa na bantu ya Isayeli na kwenda kutunga dyaka Yinzo ya Nzambi na Yelusalemi (Esedase 1).
- Lutangu ya bayina katukaka na bundongo (Esedase 2).
- Bantu ya Isayeli ntungaka dyaka kisika ya kuyokilaka minkayilu mpe bandaka dyaka lusambulu. Kukubama ya ntungulu ya yinzo ya Nzambi. Bankwamusu ya bambeni samu na kukabisa ntungulu ya Yinzo ya Nzambi. Ntugulu ya Yinzo ya Nzambi. (Esedase 3-6).
- Esedase vutulaka mpe me sungikaka ndyatulu ya dibuundu ya Yelusalemi (Esedase7-10).