Lute
NKOTOLO
Nongo yayi salamaka na ntangu yina bazuzi vwandaka twadisa yinsi ya Isayeli, kasi ya kele mpasi na kuzaba na wapi mvula ba sonikaka yawu. Lute, kele ndumba yina ba ke na kuzonzila mingi na kati ya dibuku yayi. Yandi vwandaka ndumba ya yinsi yina ba ke bokilaka mwabe.
Yandi kwelaka muntu ya Isayeli mpe na ntangu yina bakala ya yandi kufwaka, yandi lakisaka bumbote mpe kukwikama ya yandi na sika ya bokilo ya yandi ya kento. Mpe na manima, yandi kwelaka muntu ya dikanda ya bakala ya yandi yina kufwaka mpe yandi butilaka bakala yango mwana ya bakala yina kumaka nkonko ya Davidi, mfumu ya nene ya bantu ya Isayeli. Nkadulu ya Lute, ke na kulakisa beto kukwikama ya kento ya yinsi ya nzenza na sika ya Nzambi ya Isayeli. Samu na mwana yina yandi butaka, Lute kumaka muntu ya dikanda ya Davidi. Na yina, ba sonikaka nkumbu ya yandi na kati ya lutangu ya bankoko ya Yesu (MAT 1.5). Mosi na kati ya mambu ya mfunu ya dibuku yayi, ni kulakisa beto, wapi mutindu nkento ya yinsi ya nzenza kumaka muntu ya dikanda ya Nzambi ya Isayeli.
Dibuku yayi kele ya kukabuka mutindu yayi:
- Lute 1: Nkwizulu ya Elimeleke na dikanda ya yandi na yinsi ya Mowabe. Lufwa ya Elimeleke, ya bana ya yandi zole ya babakala mpe mvutukulu ya Nawomi mpe Lute na Betelemi.
- Lute 2-3: Lute me bwabana na Bowaze
- Lute 4: Makwela ya Bowaze na Lute