Neyemi
Nkotolo
Dibuku ya Neyemi ke na kulandila mambu yina kele na kati ya dibuku ya Ezela. Neyemi vwandaka mu-Zwife yina ba katulaka na Yuda samu na kunata yandi na yinsi ya Pelese. Yandi vwandaka sadila Aletazelezese, ntinu ya Pelese. Ntangu Neyemi kuwaka ti bibaka ya Yelusalemi vwandaka ya kubeba, yandi lombaka ti ntinu pesa yandi muswa ya kuvutuka na Yelusalemi. Ntangu yandi kumaka mfumu ya kizunga, Neyemi twadisaka bisalu ya ntungulu ya bibaka ya Yelusalemi.
Ndambu ya ntete ya dibuku yayi ke na kuzonzila mvutukulu ya Neyemi na yinsi ya Yuda. Ndambu ya zole, ke na kuzonzila wapi mutindu bantu ya Isayeli vwandaka tunga dyaka bibaka ya mbanza ata ti ba vwandaka kabikisa bawu. Na ndambu ya tatu, ke na kuzonzila wapi mutindu bantu ya mbanza vukanaka samu na kuwa mambu ya Nzambi, na ntangu yina Ezela vwandaka tanga Musiku ya Nzambi. Ba-Levite bangulaka mambu ya Musiku yina, samu ti bayina nyonso vwandaka kuna kuvisa yawu, mpe bawu sambilaka Nzambi. Bawu bakaka lukanu ya kusadila Musiku ya Nzambi. Neyemi tulaka bansobolo mingi ya mbote na yina me tadila kisalu ya Nzambi.
Na dibuku yayi, Neyemi talanaka mutindu muntu ya kiminu, yandi vwandaka mpe muntu ya bisalu. Yandi bwanaka mambu ya mutindu na mutindu, mpe yandi vwandaka tatamana na kisalu ya yandi.
Dibuku yayi kele ya kukabuka mutindu yayi:
- Neyemi vutukaka na Yelusalemi (Ney. 1-2).
- Ba tungaka dyaka bibaka ya Yelusalemi (Ney. 3-7)
- Ezela tangaka Musiku ya Nzambi. (Ney. 8)
- Bantu fungulaka masumu ya bawu (Ney. 9.1-37) Bantu vutulaka dyaka ngwisani ya bawu na Nzambi (Ney. 9.38-10.40) Ney. salaka bansobolo mingi (Ney. 11-13)