Yoꞌoꞌ kaꞌán a̱ ña̱ kuní a̱ sa̱kaꞌnuꞌ e̱ꞌ Ndiosí xiinꞌ ñuu̱ꞌ ña̱ xandaaꞌ te̱ yivi̱ꞌ
Kaꞌnuꞌ va̱ ña̱ nduuꞌ Ndiosí.
150
Na sa̱kaꞌnuꞌ e̱ꞌ Ndiosí ti̱xi̱n yu̱kunꞌ a̱.
Na sa̱kaꞌnuꞌ ña̱ꞌaꞌ e̱ꞌ nde̱e̱ ndi̱viꞌ kaꞌnuꞌ miiꞌ nduꞌu̱ꞌ a̱.
2 Na sa̱kaꞌnuꞌ ña̱ꞌaꞌ e̱ꞌ xaꞌa̱ꞌ sa̱kuuꞌ tyu̱u̱n kaꞌnuꞌ va̱ ña̱ xaaꞌ a̱.
Te̱ na sa̱kaꞌnuꞌ tu̱ ña̱ꞌaꞌ e̱ꞌ xaꞌa̱ꞌ a̱ ña̱ tyiee̱ xa̱va̱ꞌa̱ ña̱ nduuꞌ a̱.
3 Na sa̱kaꞌnuꞌ ña̱ꞌaꞌ e̱ꞌ xiinꞌ nda̱tyuunꞌ tunꞌ nityiꞌ.
Na sa̱kaꞌnuꞌ ña̱ꞌaꞌ e̱ꞌ xiinꞌ ñuu̱ꞌ ña̱ naniꞌ salterio xiinꞌ ñuu̱ꞌ ña̱ naniꞌ arpa.
4 Na sa̱kaꞌnuꞌ ña̱ꞌaꞌ e̱ꞌ xiinꞌ ti̱ko̱ko̱,
te̱ ta̱xaꞌaꞌ tu̱ e̱ꞌ nuu̱ꞌ a̱.
Na sa̱kaꞌnuꞌ ña̱ꞌaꞌ e̱ꞌ xiinꞌ tu̱nyoo̱ꞌ xiinꞌ kiꞌinꞌ ñuu̱ꞌ ña̱ ndisoꞌ tu̱tyi̱.
5 Na sa̱kaꞌnuꞌ ña̱ꞌaꞌ e̱ꞌ xiinꞌ ka̱a̱ tisó.
Na sa̱kaꞌnuꞌ ña̱ꞌaꞌ e̱ꞌ xiinꞌ ñuu̱ꞌ kaña.
6 Sa̱kuuꞌ ña̱ naꞌiꞌ tatyi̱ꞌ na sa̱kaꞌnuꞌ a̱ Yahvé.
Kaꞌnuꞌ va̱ ña̱ nduuꞌ Ndiosí.