Yoꞌoꞌ ku̱a̱xi̱ kivi̱ꞌ ne̱ Israel, ne̱ ni̱ tyi̱ndi̱e̱e̱ nuu̱ꞌ nda̱ꞌaꞌ nuu̱ꞌ tu̱tu̱ miiꞌ taxiꞌ ni̱a̱ kuento ni̱a̱ nuu̱ꞌ Ndiosí ña̱ sa̱xinu̱ ni̱a̱ tu̱ꞌu̱n nde̱iꞌ a̱
10
Ña̱ yo̱ꞌo̱ꞌ nduuꞌ kivi̱ꞌ sa̱kuuꞌ te̱ ni̱ tyi̱ndi̱e̱e̱ nuu̱ꞌ nda̱ꞌaꞌ nuu̱ꞌ tu̱tu̱ ña̱ ni̱ ke̱ꞌi̱ ra̱:
Nehemías,
te̱ xaꞌndia tyuunꞌ,
siꞌe̱ Hacalías,
xiinꞌ Sedequías,
2 xiinꞌ Seraías,
xiinꞌ Azarías,
xiinꞌ Jeremías,
3 xiinꞌ Pasur,
xiinꞌ Amarías,
xiinꞌ Malquías,
4 xiinꞌ Hatús,
xiinꞌ Sebanías,
xiinꞌ Maluc,
5 xiinꞌ Harim,
xiinꞌ Meremot,
xiinꞌ Obadías,
6 xiinꞌ Daniel,
xiinꞌ Ginetón,
xiinꞌ Baruc,
7 xiinꞌ Mesulam,
xiinꞌ Abías,
xiinꞌ Mijamín,
8 xiinꞌ Maazías,
xiinꞌ Bilgai,
xiinꞌ Semaías.
Te̱ sa̱kuuꞌ te̱ ja̱a̱nꞌ ni̱ nduu̱ sutu̱.
9 Te̱ ña̱ yo̱ꞌo̱ꞌ nduuꞌ kivi̱ꞌ sa̱kuuꞌ te̱ tyindieeꞌ taꞌanꞌ xiinꞌ sutu̱:
Jesúa,
siꞌe̱ Azanías,
xiinꞌ Binúi,
si̱a̱niꞌ xikaꞌ Henadad,
xiinꞌ Cadmiel,
10 xiinꞌ sa̱kuuꞌ ña̱ni̱ ra̱,
te̱ nduuꞌ Sebanías,
xiinꞌ Hodías,
xiinꞌ Kelita,
xiinꞌ Pelaías,
xiinꞌ Hanán,
11 xiinꞌ Micaía,
xiinꞌ Rehob,
xiinꞌ Hasabías,
12 xiinꞌ Zacur,
xiinꞌ Serebías,
xiinꞌ Sebanías,
13 xiinꞌ Hodías,
xiinꞌ Bani,
xiinꞌ Beninu.
14 Ña̱ yo̱ꞌo̱ꞌ nduuꞌ kivi̱ꞌ sa̱kuuꞌ te̱ kuuꞌ nu̱uꞌ nuu̱ꞌ sa̱kuuꞌ ne̱ ñu̱u̱ ja̱a̱nꞌ,
te̱ ni̱ tyi̱ndi̱e̱e̱ nuu̱ꞌ nda̱ꞌaꞌ nuu̱ꞌ tu̱tu̱ ña̱ ni̱ ke̱ꞌi̱ ra̱:
Paros,
xiinꞌ Pahat-moab,
xiinꞌ Elam,
xiinꞌ Zatu,
xiinꞌ Bani,
15 xiinꞌ Buni,
xiinꞌ Azgad,
xiinꞌ Bebai,
16 xiinꞌ Adonías,
xiinꞌ Bigvai,
xiinꞌ Adín,
17 xiinꞌ Ater,
xiinꞌ Ezequías,
xiinꞌ Azur,
18 xiinꞌ Hodías,
xiinꞌ Hasum,
xiinꞌ Bezai,
19 xiinꞌ Harif,
xiinꞌ Anatot,
xiinꞌ Nebai,
20 xiinꞌ Magpías,
xiinꞌ Mesulam,
xiinꞌ Hezir,
21 xiinꞌ Mesezabeel,
xiinꞌ Sadoc,
xiinꞌ Jadúa,
22 xiinꞌ Pelatías,
xiinꞌ Hanán,
xiinꞌ Anaías,
23 xiinꞌ Oseas,
xiinꞌ Hananías,
xiinꞌ Hasub,
24 xiinꞌ Halohes,
xiinꞌ Pilha,
xiinꞌ Sobec,
25 xiinꞌ Rehum,
xiinꞌ Hasabna,
xiinꞌ Maasías,
26 xiinꞌ Ahías,
xiinꞌ Hanán,
xiinꞌ Anán,
27 xiinꞌ Maluc,
xiinꞌ Harim,
xiinꞌ Baana.
28 Te̱ sa̱kuuꞌ i̱nga̱ te̱ yivi̱ꞌ,
te̱ nduu sutu̱,
xiinꞌ te̱ tyindieeꞌ taꞌanꞌ xiinꞌ sutu̱ ja̱a̱nꞌ,
xiinꞌ te̱ xíinꞌ,
te̱ xitoꞌ yiꞌeꞌ ñu̱u̱,
xiinꞌ te̱ xitaꞌ ya̱a̱ ti̱xi̱n yu̱kunꞌ,
xiinꞌ sa̱kuuꞌ te̱ xatyuunꞌ ti̱xi̱n yu̱kunꞌ kaꞌnuꞌ,
xiinꞌ sa̱kuuꞌ te̱ ni̱ ku̱xi̱o̱o̱ nuu̱ꞌ te̱ yivi̱ꞌ,
te̱ ndieeꞌ nuu̱ꞌ ñu̱ꞌuꞌ ja̱a̱nꞌ te̱ sa̱a̱ ra̱ ña̱ kaꞌán tu̱ꞌu̱n nde̱iꞌ Ndiosí,
xiinꞌ ñaꞌ siꞌi sa̱kuuꞌ ra̱,
xiinꞌ sa̱kuuꞌ tiaa̱ siꞌe̱ ra̱,
xiinꞌ sa̱kuuꞌ ña̱ꞌaꞌ siꞌe̱ ra̱,
xiinꞌ sa̱kuuꞌ ne̱ xa̱ tiꞌe̱ꞌ,
ne̱ xa̱ ku̱vi̱ kundani̱ kaxiꞌ ndii,
29 ni̱ ndu̱i̱i̱n sa̱kuu ni̱a̱ ja̱a̱nꞌ xiinꞌ ne̱ i̱i̱n kuuꞌ xiinꞌ ni̱a̱,
ne̱ ndisoꞌ tyuunꞌ vie̱,
te̱ ta̱xi̱ ni̱a̱ kuento ni̱a̱ tiinꞌ ndiaa ni̱a̱ kivi̱ꞌ Ndiosí ña̱ sa̱xinu̱ ni̱a̱ sa̱kuuꞌ ña̱ kaꞌán tyuunꞌ tu̱ꞌu̱n nde̱iꞌ a̱ ña̱ ni̱ ta̱xi̱ a̱ nda̱ꞌaꞌ Moisés,
te̱ ni̱ xika̱ nuuꞌ nuu̱ꞌ a̱,
te̱ sa̱a̱ tu̱ ni̱a̱ ña̱ tyituní a̱,
xiinꞌ ña̱ kaaꞌ va̱ꞌa̱ ña̱ kaꞌán a̱,
xiinꞌ ña̱ kande̱iꞌ ña̱ kaꞌán Yahvé,
Xto̱ꞌo̱ e̱ꞌ Ndiosí.
30 “Te̱ sa̱kanꞌ tu̱ sa̱kuuꞌ ndu̱ taxiꞌ kuento ndu̱ ña̱ nde̱e̱ i̱i̱n ndu̱ tä̱xi̱ ña̱ꞌaꞌ siꞌe̱ ndu̱ tu̱ndaꞌa̱ꞌ xiinꞌ tiaa̱ siꞌe̱ ne̱ ndieeꞌ nuu̱ꞌ ñu̱ꞌuꞌ yoꞌoꞌ,
ni̱ nde̱e̱ nä̱ti̱i̱n tu̱ ndu̱ ña̱ꞌaꞌ siꞌe̱ ni̱a̱ tu̱ndaꞌa̱ꞌ xiinꞌ tiaa̱ siꞌe̱ ndu̱.
31 Te̱ taxiꞌ tu̱ ndu̱ kuento ndu̱ ña̱ naaꞌ ku̱a̱xi̱ ne̱ yivi̱ꞌ,
ne̱ ndieeꞌ ñu̱u̱ yoꞌoꞌ,
te̱ xi̱ko̱ꞌ ni̱a̱ ña̱ꞌa̱,
uun ña̱ xaxi̱ꞌ kivi̱ꞌ ña̱ xinandiee̱ꞌ ndu̱ ndii,
sä̱ta̱ꞌ nde̱e̱ i̱i̱n ndu̱ a̱ nuu̱ꞌ ni̱a̱ kivi̱ꞌ ja̱a̱nꞌ,
uun ndiaa ka̱ i̱nga̱ kivi̱ꞌ kaꞌnuꞌ.
Te̱ sa̱kanꞌ tu̱ sa̱a̱ uxa̱ kuiya̱ ndii,
tyï̱ꞌi̱ ka̱ ndu̱ nuu̱ꞌ ñu̱ꞌuꞌ ndu̱ te̱ na̱ndiee̱ꞌ a̱,
te̱ sa̱kanꞌ tu̱ ko̱o̱ kaꞌnuꞌ i̱ni̱ ndu̱ xaꞌa̱ꞌ sa̱kuuꞌ ña̱ ndisoꞌ ikaꞌ ne̱ yivi̱ꞌ ndu̱.
32 Taxiꞌ tu̱ ndu̱ kuento ndu̱ ña̱ kande̱iꞌ ta̱xi̱ ndu̱ tyaaꞌ xu̱ꞌunꞌ plata kuenta xu̱ꞌunꞌ xaniꞌ i̱ꞌi̱n kuiya̱,
te̱ sa̱ta̱ꞌ te̱ yivi̱ꞌ ña̱ kuní ti̱xi̱n yu̱kunꞌ Ndiosí,
ña̱ xakaꞌnuꞌ e̱ꞌ.
33 Xiinꞌ xu̱ꞌunꞌ ja̱a̱nꞌ sa̱ta̱ꞌ ra̱ xita̱ꞌ va̱ꞌa̱ ña̱ kuaꞌa̱n nuu̱ꞌ Ndiosí,
xiinꞌ ña̱ nasoko̱ꞌ ne̱ yivi̱ꞌ sa̱a̱ kivi̱ꞌ,
xiinꞌ ki̱tiꞌ,
tiꞌ xaꞌni̱ꞌ sutu̱ sa̱a̱ kivi̱ꞌ,
xiinꞌ tiꞌ nasoko̱ꞌ sutu̱ kivi̱ꞌ ña̱ xinandiee̱ꞌ e̱ꞌ,
xiinꞌ kii̱ꞌ nduxa̱aꞌ yoo̱ꞌ,
xiinꞌ kivi̱ꞌ ña̱ yoo vi̱koꞌ,
xiinꞌ ña̱ su̱ꞌu̱n ña̱ nasoko̱ꞌ ne̱ yivi̱ꞌ,
xiinꞌ ña̱ nasoko̱ꞌ sutu̱ xaꞌa̱ꞌ ku̱a̱tyi̱ sa̱kuuꞌ yooꞌ,
ne̱ Israel,
xiinꞌ sa̱kuuꞌ ña̱ kuní ti̱xi̱n yu̱kunꞌ Ndiosí,
ña̱ xakaꞌnuꞌ e̱ꞌ.
34 ’Sa̱kanꞌ tu̱ ni̱ ka̱ti̱n ndu̱,
te̱ nduuꞌ sutu̱ xiinꞌ te̱ tyindieeꞌ taꞌanꞌ xiinꞌ sutu̱ ja̱a̱nꞌ,
xiinꞌ sa̱kuuꞌ ne̱ yivi̱ꞌ,
te̱ ku̱ni̱ ndu̱ yo̱o̱ nduuꞌ ndu̱ kuní a̱ na̱soko̱ꞌ tu̱tunꞌ,
tunꞌ xaꞌmiꞌ sutu̱ ti̱xi̱n yu̱kunꞌ Ndiosí,
ña̱ xakaꞌnuꞌ e̱ꞌ,
te̱ ka̱ꞌmi̱ sutu̱ nu̱ꞌ nuu̱ꞌ altar sa̱a̱ niiꞌ kaꞌán tyuunꞌ tu̱ꞌu̱n nde̱iꞌ Ndiosí.
Te̱ ki̱xi̱n ndi̱a̱ka̱ ndu̱ nu̱ꞌ a̱ma̱ toká i̱ꞌi̱n ti̱ꞌvi̱ ndu̱ i̱ꞌi̱n kuiya̱.
35 Te̱ taxiꞌ tu̱ ndu̱ kuento ndu̱ ña̱ ki̱xi̱n ndi̱a̱ka̱ ndu̱ ña̱ saviꞌ ti̱xi̱n yu̱kunꞌ Yahvé,
sa̱kanꞌ tu̱ nduu̱ꞌ ña̱ kuunꞌ nda̱ꞌaꞌ i̱tunꞌ ta̱ta̱ ndu̱.
36 Sa̱kanꞌ tu̱ sa̱na̱kuaꞌa ndu̱ tiaa̱ siꞌe̱ nu̱uꞌ ndu̱ nda̱ꞌaꞌ Ndiosí,
xiinꞌ siꞌe̱ nu̱uꞌ si̱ndiki̱ꞌ sana̱ ndu̱,
xiinꞌ siꞌe̱ nu̱uꞌ mbe̱e̱ nuu̱ꞌ sutu̱,
te̱ xatyuunꞌ ti̱xi̱n yu̱kunꞌ,
sa̱a̱ niiꞌ yoso̱ꞌ a̱ nuu̱ꞌ tu̱ꞌu̱n nde̱iꞌ Ndiosí.
37 ’Ndoó tu̱ ndu̱ kuento ña̱ kuꞌu̱n ndi̱a̱ka̱ ndu̱ i̱xanꞌ harina ña̱ ndi̱ko̱ nu̱uꞌ ndu̱,
yaka̱ ña̱ yoo ti̱xi̱n yu̱kunꞌ kaꞌnuꞌ,
ki̱xi̱n ndi̱a̱ka̱ tu̱ ndu̱ nduu̱ꞌ nu̱uꞌ ña̱ kuunꞌ nda̱ꞌaꞌ tunꞌ ta̱ta̱ ndu̱,
ki̱xi̱n ndi̱a̱ka̱ tu̱ ndu̱ vino nu̱uꞌ teꞌ ta̱va̱ꞌ ndu̱,
xiinꞌ xa̱ꞌa̱n oliva nu̱uꞌ ña̱ ta̱va̱ꞌ ndu̱,
te̱ ti̱i̱n sutu̱ a̱ ti̱xi̱n yu̱kunꞌ kaꞌnuꞌ.
Ni̱ ndoo̱ tu̱ ndu̱ kuento ña̱ ki̱xi̱n ndi̱a̱ka̱ ndu̱ uxi̱ taꞌan sa̱kuuꞌ ña̱ saviꞌ ja̱a̱nꞌ xata̱ꞌ i̱ꞌi̱n siento ña̱ na̱ka̱ya̱ ndu̱ nda̱ꞌaꞌ te̱ tyindieeꞌ taꞌanꞌ xiinꞌ sutu̱,
sa̱kanꞌ ña̱ te̱ ja̱a̱nꞌ nduuꞌ te̱ na̱ka̱ya̱ sa̱kuuꞌ ña̱ ja̱a̱nꞌ nda̱ꞌaꞌ sa̱kuuꞌ ne̱ yivi̱ꞌ miiꞌ ndieeꞌ ni̱a̱ xatyuunꞌ ni̱a̱.
38 ’Te̱ kii̱ꞌ kuꞌu̱n te̱ ja̱a̱nꞌ na̱ka̱ya̱ ra̱ sa̱kuuꞌ ña̱ uxi̱ xata̱ꞌ i̱ꞌi̱n ña̱ siento ja̱a̱nꞌ ndii,
kuní a̱ kuꞌu̱n i̱i̱n sutu̱ te̱ vi̱ꞌe̱ Aarón xiinꞌ ra̱,
ndi̱ꞌi̱ ja̱a̱nꞌ te̱ kuní a̱ kuꞌu̱n ndi̱a̱ka̱ ra̱ uxi̱ taꞌan ña̱ꞌa̱ xata̱ꞌ i̱ꞌi̱n siento sa̱kuuꞌ ña̱ ni̱ na̱ka̱ya̱ ra̱ nda̱ꞌaꞌ ne̱ yivi̱ꞌ ja̱a̱nꞌ ti̱xi̱n yaka̱ ña̱ yoo ti̱xi̱n yu̱kunꞌ kaꞌnuꞌ miiꞌ xakaꞌnuꞌ e̱ꞌ Ndiosí e̱ꞌ.
39 Sa̱kuuꞌ yooꞌ,
ne̱ vi̱ꞌe̱ Israel,
xiinꞌ te̱ tyindieeꞌ taꞌanꞌ xiinꞌ sutu̱,
kuní a̱ kuꞌu̱n ndi̱a̱ka̱ ra̱ tu̱mani̱ꞌ ña̱ nduuꞌ ndi̱kinꞌ trigo,
xiinꞌ vino xa̱aꞌ,
xiinꞌ xa̱ꞌa̱n oliva ti̱xi̱n yaka̱ miiꞌ taxaꞌa ne̱ yivi̱ꞌ nda̱tyuunꞌ su̱ꞌu̱n ña̱ tiinꞌ sutu̱,
te̱ i̱kanꞌ ñuꞌuꞌ sutu̱,
xiinꞌ te̱ xitoꞌ yiꞌeꞌ,
xiinꞌ te̱ xitaꞌ ya̱a̱,
xatyuunꞌ sa̱kuuꞌ ra̱.
Sa̱kanꞌ ni̱ xa̱a̱ ndu̱ te̱ ta̱xi̱ ndu̱ kuento ndu̱ ña̱ köo̱ꞌ kivi̱ꞌ na̱ko̱o̱ ndu̱ yu̱kunꞌ kaꞌnuꞌ Ndiosí,
ña̱ xakaꞌnuꞌ e̱ꞌ.”