Yoꞌoꞌ kaꞌán a̱ xaꞌa̱ꞌ ña̱ ni̱ ta̱va̱ꞌ Nehemías te̱ ki̱ꞌi̱n i̱tyiꞌ nuu̱ꞌ ne̱ yivi̱ꞌ
7
Kii̱ꞌ ni̱ sa̱xinu̱ ndu̱ nama̱ ñu̱u̱,
te̱ ni̱ na̱ka̱ta̱ ndu̱ yiꞌeꞌ a̱ ndii,
ni̱ ta̱va̱ꞌ ndu̱ te̱ yivi̱ꞌ,
te̱ ko̱to̱ yiꞌeꞌ,
xiinꞌ te̱ ka̱ta̱,
xiinꞌ te̱ tyindieeꞌ taꞌanꞌ xiinꞌ sutu̱.
2 Ña̱ni̱ i̱ Hanani ni̱ nda̱sa̱nduuꞌ i̱ te̱ xaꞌndia tyuunꞌ kuuꞌ nu̱uꞌ ñu̱u̱ Jerusalén,
te̱ Hananías ni̱ nda̱sa̱nduuꞌ i̱ te̱ xíinꞌ kuuꞌ nu̱uꞌ nuu̱ꞌ te̱ xitoꞌ yiꞌeꞌ,
sa̱kanꞌ ña̱ i̱i̱n te̱ xatyuunꞌ nda̱ku va̱ nduuꞌ ra̱,
te̱ i̱ni̱ va̱ tu̱ ra̱ xini ra̱ Ndiosí yaꞌa̱ ka̱ te̱ sa̱kanꞌ kuaꞌa̱ꞌ ka̱ te̱ yivi̱ꞌ.
3 Te̱ ni̱ kaꞌa̱n tyuunꞌ i̱ xiinꞌ ra̱ ndii:
―Nde̱e̱ xka̱tyiꞌ ke̱ta̱ vi̱ꞌ ñu̱ꞌu̱ te̱ sa̱kanꞌ nu̱niaꞌ ndo̱ꞌ yiꞌeꞌ ñu̱u̱ Jerusalén,
te̱ nda̱si̱ ndo̱ꞌ yiꞌeꞌ ja̱a̱nꞌ ña̱ kuní ka̱ kuꞌu̱n te̱ xíinꞌ te̱ xitoꞌ a̱,
tyi̱ꞌni̱ ndo̱ꞌ tunꞌ taꞌnuꞌ ndi̱xi̱n ti̱xi̱n yiꞌeꞌ.
Sa̱kanꞌ tu̱ sa̱kuuꞌ ne̱ ndieeꞌ ñu̱u̱ Jerusalén ndii,
ko̱to̱ ni̱a̱ ñu̱u̱ ja̱a̱nꞌ.
Sa̱va̱ ni̱a̱ ku̱i̱ta̱ vi̱ꞌe̱ sukun te̱ ko̱to̱ ni̱a̱ a̱,
te̱ sa̱va̱ ni̱a̱ ku̱i̱ta̱ yiꞌeꞌ miiꞌ ndieeꞌ ni̱a̱ te̱ ko̱to̱ ni̱a̱ a̱ ―ni̱ katyi i̱.
4 Ni̱ xa̱a̱ i̱ sa̱kanꞌ ku̱a̱tyi̱ ndii,
tyiee̱ va̱ ñu̱u̱,
ndisu̱ köo̱ꞌ kuaꞌa̱ꞌ ne̱ yivi̱ꞌ ndieeꞌ,
sa̱kanꞌ ña̱ tiäa̱ꞌan nda̱sa̱va̱ꞌa̱ ndu̱ sa̱kuuꞌ vi̱ꞌe̱.
Yoꞌoꞌ ku̱a̱xi̱ kivi̱ꞌ ne̱ ni̱ na̱ndi̱koꞌ ñu̱u̱ Jerusalén xiinꞌ Zorobabel
5 Sa̱kanꞌ te̱ ni̱ sa̱kaꞌán Ndiosí nimá i̱ ña̱ nda̱sa̱i̱i̱n i̱ sa̱kuuꞌ te̱ kaꞌnuꞌ,
xiinꞌ te̱ xaꞌndia tyuunꞌ nuu̱ꞌ ñu̱u̱,
xiinꞌ sa̱kuuꞌ ne̱ yivi̱ꞌ,
te̱ ndiee̱ sa̱kuuꞌ ni̱a̱ tu̱tu̱ sa̱a̱ niiꞌ yoso̱ꞌ kivi̱ꞌ ne̱ i̱tyiꞌ ya̱taꞌ i̱ꞌi̱n ni̱a̱.
Te̱ ni̱ xaꞌa̱n ku̱ni̱ i̱ naá tu̱tu̱ miiꞌ ni̱ yo̱so̱ꞌ kivi̱ꞌ ne̱ i̱tyiꞌ ya̱taꞌ i̱ꞌi̱n ne̱ i̱i̱n kuuꞌ xiinꞌ ne̱ ni̱ xa̱a̱ ña̱ nu̱uꞌ.
Te̱ nuu̱ꞌ tu̱tu̱ ja̱a̱nꞌ yoso̱ꞌ kivi̱ꞌ ña̱ ku̱a̱xi̱ yoꞌoꞌ:
6 Ña̱ yo̱ꞌo̱ꞌ nduuꞌ kivi̱ꞌ ne̱ ni̱ xa̱ka̱ uꞌvi̱ rey Nabucodonosor,
te̱ ni̱ xa̱ꞌndi̱a̱ tyuunꞌ ñu̱'uꞌ Babilonia,
te̱ ni̱ xaꞌa̱n ni̱a̱ ñu̱'uꞌ Babilonia ja̱a̱nꞌ xiinꞌ ra̱,
te̱ ni̱ na̱ndi̱koꞌ ni̱a̱ ñu̱u̱ Jerusalén xiinꞌ nuu̱ꞌ ñu̱ꞌuꞌ Judá vi̱ti̱n,
te̱ i̱ꞌi̱n ni̱a̱ kuaꞌa̱n nuꞌu̱ꞌ ñu̱u̱ mi̱iꞌ ni̱a̱.
7 Te̱ kuuꞌ nu̱uꞌ nuu̱ꞌ ne̱ ni̱ xa̱a̱ xi̱ꞌna̱ ndii,
Zorobabel xiinꞌ Jesúa,
xiinꞌ Nehemías,
xiinꞌ Azarías,
xiinꞌ Raamías,
xiinꞌ Nahamani,
xiinꞌ Mardoqueo,
xiinꞌ Bilsán,
xiinꞌ Mísperet,
xiinꞌ Bigvai,
xiinꞌ Nehum,
xiinꞌ Baana,
ni̱ nduu̱ ra̱.
Yoꞌoꞌ ku̱a̱xi̱ sa̱a̱ taꞌan kuuꞌ ne̱ vi̱ꞌe̱ Israel,
ne̱ ni̱ xa̱a̱ xiinꞌ te̱ kuuꞌ nu̱uꞌ ja̱a̱nꞌ:
8 Te̱ i̱i̱n kuuꞌ xiinꞌ Paros ndii,
uvi̱ mií siento uni̱ xi̱ko̱ uxi̱ uvi̱ ni̱ ku̱u̱ ra̱.
9 Te̱ i̱i̱n kuuꞌ xiinꞌ Sefatías ndii,
uni̱ siento uni̱ uxi̱ uvi̱ ni̱ ku̱u̱ ra̱.
10 Te̱ i̱i̱n kuuꞌ xiinꞌ Ara ndii,
iñu̱ siento uvi̱ xi̱ko̱ uxi̱ uvi̱ ni̱ ku̱u̱ ra̱.
11 Te̱ i̱i̱n kuuꞌ xiinꞌ Pahat-moab,
te̱ si̱a̱niꞌ xikaꞌ te̱ naniꞌ tu̱ Jesúa xiinꞌ Joab ndii,
uvi̱ mií uni̱a̱ siento xaꞌu̱n uni̱ ni̱ ku̱u̱ ra̱.
12 Te̱ i̱i̱n kuuꞌ xiinꞌ Elam ndii,
i̱i̱n mií uvi̱ siento uvi̱ xi̱ko̱ uxi̱ ku̱miꞌ ni̱ ku̱u̱ ra̱.
13 Te̱ i̱i̱n kuuꞌ xiinꞌ Zatu ndii,
uni̱a siento uvi̱ xi̱ko̱ uꞌu̱n ni̱ ku̱u̱ ra̱.
14 Te̱ i̱i̱n kuuꞌ xiinꞌ Zacai ndii,
uxa̱ siento uni̱ xi̱ko̱ ni̱ ku̱u̱ ra̱.
15 Te̱ i̱i̱n kuuꞌ xiinꞌ Binúi ndii,
iñu̱ siento uvi̱ xi̱ko̱ uni̱a̱ ni̱ ku̱u̱ ra̱.
16 Te̱ i̱i̱n kuuꞌ xiinꞌ Bebai ndii,
iñu̱ siento oko̱ uni̱a̱ ni̱ ku̱u̱ ra̱.
17 Te̱ i̱i̱n kuuꞌ xiinꞌ Azgad ndii,
uvi̱ mií uni̱ siento oko̱ uvi̱ ni̱ ku̱u̱ ra̱.
18 Te̱ i̱i̱n kuuꞌ xiinꞌ Adonicam ndii,
iñu̱ siento uni̱ xi̱ko̱ uxa̱ ni̱ ku̱u̱ ra̱.
19 Te̱ i̱i̱n kuuꞌ xiinꞌ Bigvai ndii,
uvi̱ mií uni̱ xi̱ko̱ uxa̱ ni̱ ku̱u̱ ra̱.
20 Te̱ i̱i̱n kuuꞌ xiinꞌ Adín ndii,
iñu̱ siento uvi̱ xi̱ko̱ xaꞌu̱n ni̱ ku̱u̱ ra̱.
21 Te̱ i̱i̱n kuuꞌ xiinꞌ Ater,
siꞌe̱ Ezequías ndii,
ku̱miꞌ xi̱ko̱ xaꞌu̱n uni̱ ni̱ ku̱u̱ ra̱.
22 Te̱ i̱i̱n kuuꞌ xiinꞌ Hasum ndii,
uni̱ siento oko̱ uni̱a̱ ni̱ ku̱u̱ ra̱.
23 Te̱ i̱i̱n kuuꞌ xiinꞌ Bezai ndii,
uni̱ siento oko̱ ku̱miꞌ ni̱ ku̱u̱ ra̱.
24 Te̱ i̱i̱n kuuꞌ xiinꞌ Harif ndii,
siento uxi̱ uvi̱ ni̱ ku̱u̱ ra̱.
25 Te̱ i̱i̱n kuuꞌ xiinꞌ Gabaón ndii,
ku̱miꞌ xi̱ko̱ xaꞌu̱n ni̱ ku̱u̱ ra̱.
26 Te̱ ni̱ ki̱e̱e̱ ñu̱u̱ Belén xiinꞌ ñu̱u̱ Netofa ndii,
siento ku̱miꞌ xi̱ko̱ uni̱a̱ ni̱ ku̱u̱ ra̱.
27 Te̱ ni̱ ki̱e̱e̱ ñu̱u̱ Anatot ndii,
siento oko̱ uni̱a̱ ni̱ ku̱u̱ ra̱.
28 Te̱ ni̱ ki̱e̱e̱ ñu̱u̱ Bet-azmavet ndii,
uvi̱ xi̱ko̱ ni̱ ku̱u̱ ra̱.
29 Te̱ ni̱ ki̱e̱e̱ ñu̱u̱ Quiriat-jearín,
xiinꞌ ñu̱u̱ Cafira,
xiinꞌ ñu̱u̱ Beerot ndii,
uxa̱ siento uvi̱ xi̱ko̱ uni̱ ni̱ ku̱u̱ ra̱.
30 Te̱ ni̱ ki̱e̱e̱ ñu̱u̱ Ramá xiinꞌ ñu̱u̱ Geba ndii,
iñu̱ siento oko̱ i̱i̱n ni̱ ku̱u̱ ra̱.
31 Te̱ ni̱ ki̱e̱e̱ ñu̱u̱ Micmas ndii,
siento oko̱ uvi̱ ni̱ ku̱u̱ ra̱.
32 Te̱ ni̱ ki̱e̱e̱ ñu̱u̱ Bet-el xiinꞌ ñu̱u̱ Hai ndii,
siento oko̱ uni̱ ni̱ ku̱u̱ ra̱.
33 Te̱ ni̱ ki̱e̱e̱ tu̱ku̱ ñu̱u̱ Nebo ndii,
uvi̱ xi̱ko̱ uxi̱ uvi̱ ni̱ ku̱u̱ ra̱.
34 Te̱ ni̱ ki̱e̱e̱ tu̱ku̱ ñu̱u̱ Elam ndii,
i̱i̱n mií uvi̱ siento uvi̱ xi̱ko̱ uxi̱ ku̱miꞌ ni̱ ku̱u̱ ra̱.
35 Te̱ ni̱ ki̱e̱e̱ ñu̱u̱ Harim ndii,
uni̱ siento oko̱ ni̱ ku̱u̱ ra̱.
36 Te̱ ni̱ ki̱e̱e̱ ñu̱u̱ Jericó ndii,
uni̱ siento uvi̱ xi̱ko̱ uꞌu̱n ni̱ ku̱u̱ ra̱.
37 Te̱ ni̱ ki̱e̱e̱ ñu̱u̱ Lod,
xiinꞌ ñu̱u̱ Hadid,
xiinꞌ ñu̱u̱ Ono ndii,
uxa̱ siento oko̱ i̱i̱n ni̱ ku̱u̱ ra̱.
38 Te̱ vi̱ꞌe̱ Senaa ndii,
uni̱ mií íin siento oko̱ uxi̱ ni̱ ku̱u̱ ra̱.
39 Te̱ ña̱ yo̱ꞌo̱ nduuꞌ kivi̱ꞌ sa̱kuuꞌ sutu̱ si̱a̱niꞌ xikaꞌ Jedaías,
xiinꞌ si̱a̱niꞌ xikaꞌ Jesúa,
te̱ ni̱ na̱ndi̱koꞌ ñu̱u̱ Jerusalen,
íin siento oko̱ xaꞌu̱n uvi̱ ni̱ ku̱u̱ ra̱.
40 Te̱ i̱i̱n kuuꞌ xiinꞌ Imer ndii,
i̱i̱n mií uvi̱ xi̱ko̱ uxi̱ uvi̱ ni̱ ku̱u̱ ra̱
41 Te̱ i̱i̱n kuuꞌ xiinꞌ Pasur ndii,
i̱i̱n mií uvi̱ siento uvi̱ xi̱ko̱ uxa̱ ni̱ ku̱u̱ ra̱.
42 Te̱ i̱i̱n kuuꞌ xiinꞌ Harim ndii,
i̱i̱n mií xaꞌu̱n uvi̱ ni̱ ku̱u̱ ra̱.
43 Te̱ si̱a̱niꞌ xikaꞌ Jesúa,
xiinꞌ si̱a̱niꞌ xikaꞌ Cadmiel,
te̱ nduuꞌ kuenta te̱ vi̱ꞌe̱ Hodavías,
te̱ tyindieeꞌ taꞌanꞌ xiinꞌ sutu̱ ndii,
uni̱ xi̱ko̱ uxi̱ ku̱miꞌ ni̱ ku̱u̱ ra̱.
44 Te̱ xitaꞌ ti̱xi̱n yu̱kunꞌ,
te̱ nduuꞌ si̱a̱niꞌ xikaꞌ Asaf ndii,
siento uvi̱ xi̱ko̱ uni̱a̱ ni̱ ku̱u̱ ra̱.
45 Te̱ ña̱ yo̱ꞌo̱ꞌ nduuꞌ kivi̱ꞌ te̱ xitoꞌ yiꞌeꞌ:
Te̱ nduuꞌ si̱a̱niꞌ xikaꞌ Salum,
xiinꞌ si̱a̱niꞌ xikaꞌ Ater,
xiinꞌ si̱a̱niꞌ xikaꞌ Talmón,
xiinꞌ si̱a̱niꞌ xikaꞌ Acub,
xiinꞌ si̱a̱niꞌ xikaꞌ Hatita,
xiinꞌ si̱a̱niꞌ xikaꞌ Sobai ndii,
siento oko̱ xaꞌu̱n uni̱ ni̱ ku̱u̱ ra̱.
46 Te̱ ña̱ yo̱ꞌo̱ꞌ nduuꞌ kivi̱ꞌ te̱ ni̱ xa̱tyuunꞌ ti̱xi̱n yu̱kunꞌ:
Te̱ nduuꞌ si̱a̱niꞌ xikaꞌ Ziha,
xiinꞌ si̱a̱niꞌ xikaꞌ Hasufa,
xiinꞌ si̱a̱niꞌ xikaꞌ Tabaot,
47 xiinꞌ si̱a̱niꞌ xikaꞌ Queros,
xiinꞌ si̱a̱niꞌ xikaꞌ Siaha,
xiinꞌ si̱a̱niꞌ xikaꞌ Padón,
48 xiinꞌ si̱a̱niꞌ xikaꞌ Lebana,
xiinꞌ si̱a̱niꞌ xikaꞌ Hagaba,
xiinꞌ si̱a̱niꞌ xikaꞌ Salmai,
49 xiinꞌ si̱a̱niꞌ xikaꞌ Hanán,
xiinꞌ si̱a̱niꞌ xikaꞌ Gidel,
xiinꞌ si̱a̱niꞌ xikaꞌ Gahar,
50 xiinꞌ si̱a̱niꞌ xikaꞌ Reaía,
xiinꞌ si̱a̱niꞌ xikaꞌ Rezín,
xiinꞌ si̱a̱niꞌ xikaꞌ Necoda,
51 xiinꞌ si̱a̱niꞌ xikaꞌ Gazam,
xiinꞌ si̱a̱niꞌ xikaꞌ Uza,
xiinꞌ si̱a̱niꞌ xikaꞌ Paseah,
52 xiinꞌ si̱a̱niꞌ xikaꞌ Besai,
xiinꞌ si̱a̱niꞌ xikaꞌ Mehunim,
xiinꞌ si̱a̱niꞌ xikaꞌ Nefisesim,
53 xiinꞌ si̱a̱niꞌ xikaꞌ Bacbuc,
xiinꞌ si̱a̱niꞌ xikaꞌ Hacufa,
xiinꞌ si̱a̱niꞌ xikaꞌ Harhur,
54 xiinꞌ si̱a̱niꞌ xikaꞌ Bazlut,
xiinꞌ si̱a̱niꞌ xikaꞌ Mehída,
xiinꞌ si̱a̱niꞌ xikaꞌ Harsa,
55 xiinꞌ si̱a̱niꞌ xikaꞌ Barcos,
xiinꞌ si̱a̱niꞌ xikaꞌ Sísara,
xiinꞌ si̱a̱niꞌ xikaꞌ Tema,
56 xiinꞌ si̱a̱niꞌ xikaꞌ Nezía,
xiinꞌ si̱a̱niꞌ xikaꞌ Hatifa.
57 Te̱ si̱a̱niꞌ xikaꞌ te̱ ni̱ xika̱ nu̱u̱ nuu̱ꞌ Salomón ndii,
te̱ yo̱ꞌo̱ꞌ nduuꞌ ra̱:
Si̱a̱niꞌ xikaꞌ Sotai,
xiinꞌ si̱a̱niꞌ xikaꞌ Soféret,
xiinꞌ si̱a̱niꞌ xikaꞌ Perida,
58 xiinꞌ si̱a̱niꞌ xikaꞌ Jaala,
xiinꞌ si̱a̱niꞌ xikaꞌ Darcón,
xiinꞌ si̱a̱niꞌ Gidel,
59 xiinꞌ si̱a̱niꞌ xikaꞌ Sefatías,
xiinꞌ si̱a̱niꞌ xikaꞌ Hatil,
xiinꞌ si̱a̱niꞌ xikaꞌ Poqueret-hazebaim,
xiinꞌ si̱a̱niꞌ xikaꞌ Amón.
60 Ña̱ sa̱kuuꞌ te̱ ni̱ xika̱ nu̱u̱ ti̱xi̱n yu̱kunꞌ,
xiinꞌ sa̱kuuꞌ siꞌe̱,
te̱ ni̱ xika̱ nu̱u̱ nuu̱ꞌ Salomón ndii,
uni̱ siento ku̱miꞌ xi̱ko̱ uxi̱ uvi̱ ni̱ ku̱u̱ ra̱.
61 Te̱ ni̱ ndiee̱ nuu̱ꞌ ñu̱ꞌuꞌ Tel-mela,
xiinꞌ nuu̱ꞌ ñu̱ꞌuꞌ Tel-harsa,
xiinꞌ nuu̱ꞌ ñu̱ꞌuꞌ Querub,
xiinꞌ nuu̱ꞌ ñu̱ꞌuꞌ Adón,
xiinꞌ nuu̱ꞌ ñu̱ꞌuꞌ Imer,
te̱ nï̱ ku̱vi̱ niaꞌa̱ ra̱ ña̱ kuenta te̱ vi̱ꞌe̱ Israel nduuꞌ ra̱,
uun si̱a̱niꞌ xikaꞌ te̱ ja̱a̱nꞌ nduuꞌ ra̱ ndii,
62 ña̱ yo̱ꞌo̱ꞌ nduuꞌ kivi̱ꞌ te̱ i̱tyiꞌ ya̱taꞌ ra̱:
I̱i̱n ra̱ ni̱ na̱niꞌ Delaía,
te̱ i̱nga̱ ra̱ ni̱ na̱niꞌ Tobías,
te̱ i̱nga̱ ra̱ ni̱ na̱niꞌ Necoda,
iñu̱ siento uvi̱ xi̱ko̱ uvi̱ ni̱ ku̱u̱ si̱a̱niꞌ xikaꞌ ra̱.
63 Sa̱va̱ te̱ i̱i̱n kuuꞌ xiinꞌ sutu̱ te̱ nï̱ ku̱vi̱ niaꞌa̱ ña̱ kuenta ne̱ vi̱ꞌe̱ Israel nduuꞌ ra̱,
te̱ ku̱vi̱ ku̱ndu̱u̱ na ra̱ sutu̱ ndii,
ña̱ yoꞌoꞌ nduuꞌ kivi̱ꞌ ra̱:
Habaía,
xiinꞌ Cos,
xiinꞌ Barzilai.
Te̱ Barzilai kaa̱ꞌ ndii,
ni̱ tu̱ndaꞌa̱ꞌ ra̱ xiinꞌ ñaꞌ siꞌe̱ i̱i̱n te̱ naniꞌ Barzilai,
te̱ nduꞌu̱ꞌ nuu̱ꞌ ñu̱ꞌuꞌ Galaad.
Te̱ ni̱ na̱ꞌi̱ ra̱ nde̱e̱ kivi̱ꞌ ti̱so̱ ra̱ nduuꞌ kivi̱ꞌ ra̱.
64 Te̱ yivi̱ꞌ ja̱a̱nꞌ ndii,
ni̱ xika̱ ra̱ nandukuꞌ ra̱ kivi̱ꞌ ra̱ nuu̱ꞌ tu̱tu̱ miiꞌ yoso̱ꞌ kivi̱ꞌ ne̱ xíiꞌ ya̱taꞌ ra̱,
ndisu̱ xaꞌa̱ꞌ a̱ ña̱ köo̱ꞌ a̱ ni̱ na̱ꞌi̱ ra̱ ndii,
nï̱ ku̱vi̱ ku̱ndu̱u̱ ra̱ sutu̱.
65 Te̱ ni̱ kaꞌa̱n te̱ xaꞌndia tyuunꞌ xiinꞌ sa̱kuuꞌ te̱ ja̱a̱nꞌ ña̱ kü̱xi̱ ra̱ ña̱ xaxi̱ꞌ ña̱ ni̱ ku̱ñuꞌuꞌ,
nde̱e̱ ska̱tyiꞌ ka̱ti̱n sutu̱ xaꞌa̱ꞌ ra̱ xiinꞌ Urim xiinꞌ Tumim,
te̱ ku̱ni̱ ra̱ ndee ña̱ kuní Ndiosí sa̱a̱ ra̱ xaꞌa̱ꞌ te̱ ja̱a̱nꞌ.
66 Te̱ ña̱ sa̱kuuꞌ ne̱ yivi̱ꞌ,
ne̱ ni̱ na̱kaya̱ i̱kanꞌ ndii,
uvi̱ xi̱ko̱ uvi̱ mií uni̱ siento uni̱ xi̱ko̱ ni̱ ku̱u̱ ni̱a̱.
67 Ña̱ ka̱ꞌvi̱ e̱ꞌ sa̱kuuꞌ tiaa̱,
te̱ xikaꞌ nuuꞌ so̱ꞌo̱,
xiinꞌ ña̱ꞌaꞌ ne̱ xikaꞌ nuuꞌ so̱ꞌo̱ ndii,
uxa̱ mií uni̱ siento oko̱ xaꞌu̱n uvi̱ ni̱ kuuꞌ ni̱a̱.
Te̱ ni̱ yoo̱ tu̱ tiaa̱,
te̱ xitaꞌ,
xiinꞌ ña̱ꞌaꞌ,
ne̱ xitaꞌ,
te̱i̱n ne̱ ja̱a̱nꞌ,
te̱ uvi̱ siento uvi̱ xi̱ko̱ uꞌu̱n ni̱ ku̱u̱ ne̱ ja̱a̱nꞌ.
68 Te̱ ni̱ ku̱miꞌ ne̱ Israel ja̱a̱nꞌ uxa̱ siento oko̱ xaꞌu̱n i̱i̱n kuei,
te̱ ni̱ ku̱miꞌ tu̱ ni̱a̱ uvi̱ siento uvi̱ xi̱ko̱ uꞌu̱n mula.
69 Ni̱ ku̱miꞌ tu̱ ni̱a̱ ku̱miꞌ siento oko̱ xaꞌu̱n camello,
te̱ ni̱ ku̱miꞌ tu̱ ni̱a̱ iñu̱ mií uxa̱ siento oko̱ mburru.
70 Sa̱va̱ yu̱vaꞌ siꞌiꞌ ndii,
ni̱ na̱soko̱ꞌ ra̱ te̱ ku̱vi̱ nda̱sa̱va̱ꞌa̱ ne̱ yivi̱ꞌ nama̱ ñu̱u̱ ja̱a̱nꞌ.
Te̱ xaꞌndia tyuunꞌ nuu̱ꞌ ñu̱u̱ ja̱a̱nꞌ ndii,
i̱i̱n míi kilo oro ni̱ na̱soko̱ꞌ ra̱,
xiinꞌ uvi̱ xi̱ko̱ uxi̱ taꞌan taza oro naꞌnuꞌ,
xiinꞌ uꞌu̱n siento oko̱ uxi̱ taꞌan toto̱ nani̱ꞌ ña̱ ku̱i̱ꞌnu̱ sutu̱.
71 Te̱ yu̱vaꞌ siꞌiꞌ ni̱ ta̱xi̱ siento oko̱ mií kilo oro xiinꞌ i̱i̱n mií uvi̱ siento uxi̱ kilo plata.
72 Te̱ sa̱kuuꞌ i̱nga̱ ne̱ yivi̱ꞌ ndii,
oko̱ mií kuuꞌ xu̱ꞌunꞌ yuu̱ꞌ oro ni̱ ta̱xi̱ ni̱a̱,
xiinꞌ i̱i̱n mií uvi̱ siento xu̱ꞌunꞌ yuu̱ꞌ plata ni̱ ta̱xi̱ ni̱a̱,
xiinꞌ uni̱ xi̱ko̱ uxa̱ taꞌanꞌ toto̱ nani̱ꞌ ña̱ ku̱i̱ꞌnu̱ sutu̱ ni̱ ta̱xi̱ ni̱a̱.
73 Ña̱ sa̱kuuꞌ ne̱ vi̱ꞌe̱ Israel,
naa kuuꞌ sutu̱,
xiinꞌ te̱ tyindieeꞌ ña̱ꞌaꞌ,
xiinꞌ te̱ xitoꞌ yiꞌeꞌ,
xiinꞌ te̱ xitaꞌ,
xiinꞌ sa̱kuuꞌ ne̱ yivi̱ꞌ,
xiinꞌ te̱ xatyuunꞌ ti̱xi̱n yu̱kunꞌ,
xiinꞌ sa̱kuuꞌ ne̱ vi̱ꞌe̱ Israel,
taꞌanꞌ i̱ ndii,
i̱ꞌi̱n ni̱a̱ ni̱ na̱ku̱ndiee̱ ñu̱u̱ mi̱iꞌ ni̱a̱.
Yoꞌoꞌ kaꞌán a̱ xaꞌa̱ꞌ ña̱ ni̱ ka̱ꞌvi̱ Esdras tu̱ꞌu̱n nde̱iꞌ Ndiosí nuu̱ꞌ ne̱ yivi̱ꞌ
Te̱ kii̱ꞌ ni̱ xa̱a̱ yoo̱ꞌ tiꞌ uxa̱ ndii,
xa̱ ndi̱ꞌi̱ ni̱ na̱ku̱ndiee̱ sa̱kuuꞌ ne̱ vi̱ꞌe̱ Israel,
taꞌanꞌ i̱,
ñu̱u̱ mi̱iꞌ ni̱a̱.