Ndi usa ángel nundaꞌa ndi usa nika sa kida uꞌu xi ñayii
15
Xini da andivi kuaan enka sa kaꞌnu xiꞌin sa yuꞌu ndo: Usa ángel sa nundaꞌa ndi usa ni ka sa uꞌu kixi; san xiꞌin ndidaa sa uꞌu yaꞌa ndeꞌe sa diko ini sani ini Ndios.2 Xini da kuenta en mar vidriu tuku san dakaa taꞌan xiꞌin ñuꞌu; xiꞌin xini da ndidaa ñayii kidanar ñaꞌan xi kitivii xiꞌin x-imagen xi xiꞌin marca xi xiꞌin numero sanani te, san in tsa ndidaa tsa jnu mar vidriu, san nundaꞌa tsa en en x-arpa Ndios. 3 Xita tsa kantu xu kata Moisés, tsa xínokuachi xi Ndios, xiꞌin x-kantu Corderu, san kachi tsa ndidaa tsa:
Naꞌnu xiꞌin sa yuꞌu kuu sa kida ni,
Toꞌo Ndios tastuni ntseꞌe.
Ndidaa sa ndakakuachi ni ku sa ndaa xiꞌin sa ndaa,
rey ndidaa ñayii nduu ii.
4 Andu ma kadakaꞌnu sa kuu ni Toꞌo,
Andu ma chiñuꞌu ñaꞌan ni?
Kuan meni dini kuu ia iia;
juandiku ndidaa nacion kixi sa chiñuꞌu ñaꞌan ni,
kuan ndidaa ñayii xini sa ndaka kuachi ndaa ni.
5 Danduu ntsaꞌa da san xini ni ña, xini da nakaan templu sa kuu s-tabernaculo Ndios andivi, sa oni tuu arca s-tratu ia xiti xi. 6 “Xiti Templu kee ndi usa ángel nundaꞌa ndi usa sa kida uꞌu xi ñayii” san niꞌno doꞌno kuguaꞌa xiꞌin linu finu io ndoo xiꞌin sandutsa, san nuꞌni ndodo en pañu oro nchika xi. 7 Danduu en ndi kumi sanchito sañaꞌan xi ndi usa ángel en en copa oro, chitu sa diko-ini Ndios ia nchito ndidaa tiempu. 8 San s-templu ia chitu ñuꞌma sa saꞌa sa sandutsa ia xiꞌin sa saꞌa sa tastuni ia, ti en kachi yii templu ntsa na ndeꞌe ndi usa sa kida uꞌu xi ñayii nu ndaꞌa ndi usa ángel kuaan.