Nduu kitivii
13
San xini da sa kee en kitivii xiti mar san io usa d̶iki te xiꞌin uxi ndiki te; ndiden en ndiki te ñoꞌon en en diademaa; san ndiden d̶iki te yodotuni en toꞌon sakuntsaa ñaꞌan xi Ndios. 2 Kitivii xini da kaa te kuenta kaa en leopardub; saꞌa te kuenta kaa saꞌa oso kaa, san xuꞌu te kuenta kaa xuꞌu ndikaꞌa kaa. Koo sañaꞌan te sa tastuni te xiꞌin sa sakuntsaku ndodo te sa tastuni te xiꞌin sa kunaꞌnu ntseꞌe te.3 San xini da sa en d̶iki te nchu kuu kuan takueꞌe, doko sa takueꞌe yaꞌa nduguaꞌa. Ndidaa ñayii io nuꞌu ya oni sanaa san nchiko ñaꞌan ste, 4 San kidakaꞌnu ñayii koo kiti sañaꞌan sa tastuni kitivii san kidakaꞌnu ñayii kitivii san kachi tsa ndidaa tsa:
—Andu ku kuu kuenta kitivii ya, san andu kuu naa xi te?
5 Semani sa na ku iꞌni te xiꞌin na kuakuntsaa te Ndios, san semani sa na kada te nasa nchukada mee te uvidiko uu yoo. 6 Nakaan te yuꞌu te san kaꞌan kuiꞌia te xi Ndios, sa kaꞌan kuiꞌia te xi sa kuu ia, xiꞌin kaꞌan kuiꞌia te xi s-tabernaculo Ndios xiꞌin kaꞌan kuiꞌia te xi ndidaa sa nchito io andivi. 7 San semani sa na naa te xiꞌin ndidaa ñayii nduu ii xiꞌin sa na kadanar ñaꞌan te. Kuemani sa na tastuni te ndidaa raza, ñuu, ndidaa ñayii kaꞌan deen deen daꞌan xiꞌin ndidaa nacion. 8 Kidakaꞌnu ñaꞌan ndidaa ñayii io nuꞌu ya, ndidaa ñayii ti yodotuni tutu natuu sa yodotuni ñayii koo ndidaa tiempu xiꞌin Corderuc saꞌni ñaꞌan xi ntsa kesaꞌa ñuyii ya.
9 Tu andu io d̶oꞌo xi, na kunini: 10 Doko tu andu chintsadi san chintsadi ñaꞌan xi tuku; san tsa saꞌni xiꞌin machiti san kaꞌni ñaꞌan xiꞌin machiti s-tsa. Ora duꞌua na taꞌan, ndidaa ñayii ndu ii nandeꞌe sa kuyakui xiꞌin kininchisa.
11 Danduu xini da enka kitivii kee te nuꞌu ya; san io ubi ndiki te kuenta kaa ndiki carneru kaa ndiki te, doko kaꞌan te kuenta en koo. 12 Ndidaa sa tastuni kitivii diꞌna nuu kida kitiaꞌa sa kuxi kiti diꞌna nuu, san kída te sa nuꞌu ya xiꞌin ndidaa ñayii io na kadakaꞌnu ñaꞌan xi kitivii diꞌna nuu, kiti takueꞌe san xiꞌid te doko nandoto nituku te. 13 San naꞌnu ntseꞌe sa kida te, san oni kida te sa nakoꞌio ñuꞌu andivi sata nuꞌu ya ndasa na kini ndidaa ñayii. 14 San duꞌua dandaa ñaꞌan te xi ndidaa ñayii io nuꞌu ya xiꞌin ndidaa sa naꞌnu semani sa kada te jnu enka kitivii, san táꞌvichiion te xi ndidaa ñayii io nuꞌu ya sa na kadaguaꞌa en x-imagen sa na kagua kuenta kaa kitivii takueꞌe san xiꞌi kida machiti san ndikuu nituku xanaa xi. 15 Semani sa na kuañaꞌan te ñuyii xi x-imangen kitivii, ndasa na kaꞌan xiꞌin nataꞌvichiion sa na kaꞌni ñaꞌan xi ndidaa ñayii ti chiñuꞌu ñaꞌan ste. 16 San kitivii kida te sa ndidaa ñayii, ñayii ku naꞌnu xiꞌin ñayii ti kunaꞌnu, tsa kuika xiꞌin tsa ku ndaꞌvi, esclavue ña adii esclavu, kida sa nayii tuni ndaꞌa kuaꞌa tsa adi s-tsaan tsa, 17 Nisa en ñayii ma kachi kueen adi diko, maska sa ñayii ni neꞌe tuni yukua, adi sa nani kitivii kuaan, adi numero sa nani te. 18 Jaꞌa nandeꞌe sa kutuni xi: Andu sakuituni xanaa xi san na kada kuenta numero kitivii ya, kuan kuu numero en ñayii; san numero kuu iñu cientu xiꞌin unidiko iñu.