Ñadeꞌe xiꞌin koo kaꞌnu
12
Nanuu en sa kaꞌnu sa yuꞌu ntsaa andivi: En ñadeꞌe ñodaꞌa ña ora xiꞌin indodo ña yoo, san d̶iki ña ñoꞌon en corona neꞌe uxi-uu chodini. 2 Ñoꞌon ña daꞌa, kana ña kuan nchu kaku ña san uꞌu ntseꞌe xan. 3 Danduu nanuu enka sa nanuu andivi kuaan: Xini ni ña, en kooa kuaꞌa kaꞌnu ntseꞌe io usa d̶iki te xiꞌin uxi ndiki te, san ndi usa d̶iki te ñoꞌon en en diademab. 4 En ndiden uni chodini io andivi ñúꞌu te xiꞌin d̶uꞌma te san dakananiꞌno te ichi nuꞌu. Kukuin te jnu ñadeꞌe sa io sa kaku daꞌa, sa kaj ste daꞌa yiki kuaan ora na kaku nu. 5 Doko ña yaꞌa kaku ña en daꞌyiki en nuyee yiki, san tastuni nu xiꞌin bastonc kaa; san dita ñaꞌan xi daꞌa yiki san ntsaka ñaꞌan nu kuaꞌan sa io Ndios. 6 Danduu ña deꞌe xino ña kuaꞌan ña desiertu, san Ndios kídaguaꞌa ia en lugar sa koo ña, san koto ñaꞌan xan en mil xiꞌin ubi cientu xiꞌin uni diko kii.7 Danduu io en guerra andivi kuaan: Ángel Migueld xiꞌin ndidaa x-ángel xi naa xiꞌin koo kuaan; San koo naa xiꞌin ndidaa x-ángel xi; 8 doko ti kidanar ndidaa, san ti niꞌi lugar andivi kuaan sa kuxi ndidaa. 9 Dakana ñaꞌan xi koo kiti duꞌua ni io kiti nani Dragon, Diablu xiꞌin satanas sa dandaa ñaꞌan xi nee ñuyii, dakana niꞌno ñaꞌan xi nuꞌu ya, xiꞌin ndidaa x-ángel xi.
10 Tsaku d̶a en tsa kaꞌan niꞌi ntseꞌe ntsa andivi san kachi tsa:
—Vita saa sa nanitaꞌvi, xiꞌin sa tastuni ku Ndios ndo, ndidaa sa tastuni ia kuenta Rey xiꞌin sa tastuni ia ndekaxi iae; kuan kineꞌen ñaꞌan xi sa dakuidokuachi ñaꞌan xi ndidaa ku kiani ndo, sa xu kuin ni jnu ku Ndios ndo ndu xiꞌin niñu xu dakuidokuachi ñaꞌan xi ndidaa ku kiani ndo. 11 Ndidaa ku kiani ndo yaꞌa kidanar ñaꞌan tsa sa saꞌa j-niñi Corderu xiꞌin toꞌon ndaa xu kaꞌan tsa ndidaa tsa sa kuu Jesús, kuan ti nchoj s-tsa xuyiif tsa san ti yúꞌu tsa sa xiꞌi tsa. 12 Juandiku na ku-iꞌni andivi xiꞌin na ku-iꞌni ndidaa sa io andivi. ¡Aayg, ndaꞌvi ndidaa ñayii io nuꞌu ya xiꞌin ndidaa sa io xiti mar! Kuan koꞌio sakakuiꞌia sa io ni ndidaa ni san diko ntseꞌe xi, kuan xini sa taꞌa ni tiempu io xi.
13 Kuenta xini koo sa dakananiꞌno ñaꞌan xi nuꞌu ya, xiko ñaꞌan xi ñadeꞌe kaku daꞌayee yiki. 14 Doko sañaꞌan xi ñadeꞌe ubi nchixi kuenta kaa nchixi yaꞌakolo kaꞌnu, ndasa na ndagua ña sa io koo kuan san kuaꞌan ña ntsa desiertu, sa kuaꞌan ña ami io sa koo ña, san sañaꞌan sa saj xan en tiempuh, uu tiempu xiꞌin dagua tiempui. 15 Danduu koo kuaan dakana ntsaa te ndutsa xuꞌu kuenta en yutsa ndasa na tsani ña. 16 Doko ñuꞌu kuaan chintsee ñaꞌan xan deꞌe, san nakaan xuꞌu xi san xiꞌi ñaꞌan xi yutsa kee xuꞌu koo. 17 Danduu koo kuaan nadiko ntseꞌe ka ste kida ñadeꞌe; juandiku kuaꞌan te ku naa te xiꞌin ndidaa ka d̶aꞌa ña, ndidaa ñayii kida sa taꞌvichiion Ndios xiꞌin kaꞌan sa ndaa sa kuu Jesucristu. 18 Kukuin da sata ñuꞌu kuchi io mar.