En ángel nundaꞌa en tutu yiki
10
Xini da enka ángel ntsee ntseꞌe nono andivi, duku en viko, en koviaꞌanchi kandodo d̶iki xi. Jnu xi kaa kuenta kaa ora kaa, san ndiden en saꞌa xi kaa kuenta kaa en poste san xiko, 2 nundaꞌa en tutu yiki nandatsa. Sani ndodo saꞌa xi ichi ladu kuaꞌa sata mar san saꞌa xi ichi ladu ichi indodo sata ñuꞌu yichi, 3 danduu niꞌi ntseꞌe kana, kuenta ndaꞌyu en ndikaꞌa; san kuenta kana, tsaku usa s-tachi xi kuenta kida sa kaꞌan ñuꞌu. 4 Kuenta tuꞌu tsaku sa kaꞌan kuenta ñuꞌu kuaan, sa io sa tsaa da, doko tsaku da en tsa kaꞌan ntsa andivi san kachi tsa:—Choꞌon xanaa yoa sa káꞌan ndi usa sa tsaku xo xan; doko ma tsaa yo.
5 Ángel xini da indodo mar xiꞌin ñuꞌu yichi ndaneꞌe ndaꞌa kuaꞌa xi ichi andivi, 6 San chonaꞌa sa saꞌa ia nchito ndidaa tiempu, ia kídaguaꞌa andivi xiꞌin ndidaa sa io, ia kídaguaꞌa nuꞌu xiꞌin ndidaa sa io, ia kida kídaguaꞌa mar xiꞌin ndidaa sa io san kachi:
—sa ndéꞌe tiempu, 7 ndidaa kii na kaꞌan ángel ku usa, ora na kesaꞌa tivi trompeta, ndidaa sa sani ini Ndios sa ku kuu xínotaꞌan, duꞌua kuenta sadaa ia xi ndidaa x-profeta ia tsa xu kuinokuachi xi ia.
8 Danduu tsa kaꞌan d̶a andivi kachi nituku tsa:
—Kuaꞌan, teen tutu yiki nandatsa nundaꞌa ángel indodo sata mar xiꞌin sata ñuꞌu yichi.
9 Saꞌan da sa io ángel san sadaa da sa na taxi tutu yiki natuu kuaan, san kachi d̶a:
—Teen sa kaxi; san ku ugua ntseꞌe xiti yo kada doko xuꞌu yo xan ku bidi ntseꞌe kuenta ndudi.
10 Teen da tutu yiki nu ndaꞌa ángel san saj da. San ku bidi ntseꞌe xuꞌu da kuenta ndudi, doko kuenta tuꞌu saj da, ugua ntseꞌe tuxi xiti da. 11 Danduu kachi d̶a:
—Na ndeꞌe sa kada profetizar nituku yo xi kuaꞌa ntseꞌe ñuu, nacion, daꞌan xiꞌin kuaꞌan ntseꞌe rey.