Sellu ku usa xiꞌin kuu oro
8
Danduu nakaan Corderu sellu ku usa, san kadi nika kuu ndidaa sa io andivi kuenta dagua ora. 2 San xini da ndi usa ángel sa in jnu Ndios, san niꞌi en en trompeta. 3 Kixi enka ángel san kukuin yachi jnu altar oro. Nundaꞌa en kuu oro, san niꞌi vaa ntseꞌe dusa sa na nadaka taꞌan xiꞌin sa xikataꞌvi ndidaa tsa ndada ii Ndios, jnu altar oro in jnu s-trono ia. 4 Kuu nundaꞌa ángel kuaan kee ñuꞌma sa kuu dusa xiꞌin ndidaa sa xikataꞌvi ndidaa ñayii nduu ii san ndaa ichi intsaku Ndios. 5 Danduu ángel teen kuu, sa dachitu ñuꞌu yodo jnu altar kuaan san chintsayu sata nuꞌu ya; san kaꞌan ñuꞌu, xiꞌin kuaꞌa ntseꞌe sa tsaku, sandutsa ntseꞌe, xiꞌin niꞌi ntseꞌe kanda.Diꞌna nuu trompeta
6 Ndi usa ángel nundaꞌa en en trompeta san sa ntsatu sa tivi.
7 Diꞌnanuu ángel kuaan tivi trompeta. San dakana niꞌno sata nuꞌu ya ñiñi xiꞌin ñuꞌu dakaa taꞌan xiꞌin niñi. Ndi uni parte ñuyii ya en parte kayu yutu xiꞌin ndidaa kuꞌu kuii.
Trompeta ku uu
8 Ángel ku uu tivi trompeta. San kuenta ka en tinduu kaꞌnu kanandaꞌa duꞌua kaa sa kikagua niꞌno xiti mar. Uni parte mar kuaan en nduu niñi; 9 san ndiden uni kiti ndutsa io xiti mara kuaan en te xiꞌi, xiꞌin ndiden uni barku io xiti ndutsa en ndeꞌe.
Trompeta ku uni
10 Ángel ku uni tivi trompeta, san andivi kikagua en chodini kaꞌnu ntseꞌe, kanandaꞌa kuenta en tuñuꞌu kaꞌnu; san ndiden uni yutsa kikaguaniꞌno xiti en yutsa xiꞌin sa kana ndutsa. 11 Chodini kuaan nani sa ugua ntseꞌe. En terciu ndidaa ndutsa nduu ugua ntseꞌe, san kuaꞌa ntseꞌe ñayii xiꞌi kida ndutsa, kuan nduu ugua ntseꞌe.
Trompeta ku kumi
12 Ángel ku kumi tivi trompeta. San en terciu ora takueꞌe, en terciu yoo takueꞌe, en terciu ndidaa chodini takueꞌe, san ndunaa en terciu ndidaa jaꞌa, en terciu kii ti dayeꞌe, xiꞌin duꞌua ni taꞌan niñu.
13 San ntsaꞌa da, san tsaku d̶a sa niꞌi ntseꞌe kána en ángel ndagua dagua dagua andivi:
—¡Aaya, ndaꞌvi ndidaa nu io ñuyii ya, ora na tivi ndi uni ka ángel kuan trompeta kuan sa io vii sa tivi!