Nakini ñaꞌan sa saꞌa sa xinimani yo Ndios
3
Dandaku s-tsa sa na kueniꞌno tsa ñayii tastuni xiꞌin ndidaa tsa xinokuachi xi ñuu, san na kininchisa ñaꞌan tsa, san na koꞌon xanaa tsa sa kada tsa sa ndaa. 2 Ma kaꞌan kuiꞌia tsa xi nisa en ñayii, ma ku kuu tsa ñayii meni sa nchu naa guaꞌa ka na ku kuu tsa ñayii guaꞌa, san na ku kuu vii tsa xi ndidaa ñayii.3 Kuan ntso ndidaa ndo kúu ndo ñayii ntsee d̶iki xi xiꞌin ñayii ti xu kininchisa ñaꞌan; ñayii sa xíta kuan ti xini sa ndaa, ñayii kaniꞌni ndaꞌa ndidaa sa nchoxi xikikoño xiꞌin nadataꞌa nadatuꞌu sa dee-ini, sa kuadu xiꞌin sa kuiꞌia, xu kini uꞌu ñaꞌan ku ndo san xu kini uꞌu ñaꞌan ndo tuku.
4 Doko kuenta nanuu sa guaꞌa ku Ndios ndo ndidaa ndo ia kida sa nanitaꞌvi ndo san xínimani ñaꞌan ia ku ndo ndidaa ndo, 5 ia yaꞌa kída sa nanitaꞌvi ndo, san adi sa saꞌa ndidaa sa guaꞌa kida ndo, maska sa sa saꞌa sa kunda-ini ia; sa saꞌa xi sa na katsa ñaꞌan xiꞌin sa ndadasaa ñaꞌan ia sa saꞌa Espíritu Santu, 6 sa táxi vaa ia ku ndo, sa saꞌa Jesucristu ia kida sa naniꞌi tavi ndo, 7 ndasa sa saꞌa j-gracia ia, na niꞌi ndo sa guaꞌa kachi ia sa niꞌi ndo, kuenta guaꞌa ñoꞌon ku kuanaa ndo sa niꞌi ndo ñuyii ma ndeꞌe.
8 Toꞌon yaꞌa kuu sa ndaa, san nchoj ntsu sa na taꞌvichiion ni on yo, ndasa ndidaa tsa xininchisa ñaꞌan xi Ndios na kada tsa sa guaꞌa. Ndidaa jaꞌa kuu sa guaꞌa xiꞌin sa nandeꞌe xi ñayii. 9 Doko ma danuu yo toꞌon yaꞌa toꞌon yukua adi ndidaa ñayii kaꞌan andu ku kuu xayii yo, san nisa ma nandodo yo sa kuu leya; kuan atuu sa niꞌi ndo xiꞌin tu na nandodo ndo.
10 Tu andu saꞌntsa dagua ñaꞌan xi ñayii, kana ñaꞌan s-tsa san nduden s-tsa en uu viaji, doko tu ti tediki tsa san ma kuen on ka yo sa na nataka tsa xiꞌin yo ndidaa yo, 11 kuan xini guaꞌa yo sa tsa yaꞌa dána tsa san ndichiion kida tsa sa kuiꞌia san kida tsa kuachi, san meni tsa kida sa xidokuachi tsa.
Jaꞌa kada
12 Ora na tsandaꞌa ntsu Artemas adi Tíquico sa io yo, koto kij ni yo ki koto ñaꞌan yo ku ntsu Nicópolis, kuan jaꞌa koo ntsu ora na taꞌan sa vixib. 13 Koꞌno ichi ñaꞌan xi Zenas, tsa dadana ñaꞌan leyc, xiꞌin Apolos, ndasa ma nandeꞌe nisadana s-tsa. 14 San ndidaa nu xininchisa xiꞌin ndo Jesucristu na kutuꞌua nu sa kada nu sa guaꞌa ora io nisidaa, ndasa ma ku kuu nu kuenta en tukuiꞌi ti kee kuiꞌi.
Kada ntse-ini yo ndidaa yo
15 Ndidaa tsa io sa io ntsu ya kachi sa na kada ntse-ini xo ndidaa yo. Na kada ntse-ini xi ndidaa tsa xinimani ñaꞌan ku ndo xiꞌin xininchisa sa xininchisa ndo. San j-gracia Ndios na koo xiꞌin yo ndidaa yo. Duꞌua na kuu.