4
Guaꞌa ntseꞌe Ndios juandiku sémani ia sa kuinokuachi da ndidaa da xi ia. Juandiku ti nayuꞌu da ndidaa da. 2 San ti kida da ndidaa da sa kuiꞌia sa kada sa kukaꞌan jnu da. San ti nduku da ndidaa da sa dandaa da ñayii san nisa ti nadama da sa kuu s-toꞌon Ndios, kuan Ndios xini ia sa kaꞌan da sa ndaa. Juandiku guaꞌa ni kukaꞌnu ini ñaꞌan ndidaa ñayii d̶a ndidaa da. 3 Doko tu ndidaa toꞌon guaꞌa kaꞌan da ya yeꞌe guaꞌa xi dagua ñayii, duꞌua kuu kuan ndidaa ñayii yaꞌa kuíta. 4 San ndidaa ñayii yaꞌa ti kida sa kini tsa, kuan sakakuiꞌia tastuni ñuyii yaꞌa sádi nduchi nuu tsa ndidaa tsa ndasa ma kukuintuni xanaa tsa ndidaa toꞌon guaꞌa sa kuu kuenta en sa dayeꞌe io xi Jesucristu ia kuu sa kuu Ndios. 5 Kuan ti kaꞌan da ndidaa da sa kuu mee da, kuan dan kaꞌan da ndidaa da sa Jesucristu ku ia kuu ku Toꞌo ndo, san dan ndidaa da xinokuachi da jni, kuan xinimani da ndidaa da Jesucristu. 6 Kuan kuenta táꞌvichiion Ndios ia kuu ku Tata ndo sa na dayeꞌe xiti xi sa naa,a san duꞌua kída ia sa na dayeꞌe xanaa da ndidaa da, ndasa na kini da ndidaa sa naꞌnu kuu Ndios sa saꞌa Jesucristu.Na koo sa xininchisa ndo Ndios
7 Doko ndidaa jaꞌa kuu en sa xaꞌvi ntseꞌe xi io d̶a ndidaa da, sa ñoꞌon en tindoꞌo ñuꞌun, ndasa na danaꞌan sa sa kaꞌnu ntseꞌe xiꞌin sa tastuni kuu xaꞌan Ndios, san adi xaꞌan mee da ndidaa da. 8 Juandiku kuani daa taꞌan ntseꞌe da ndidaa da doko ti nayuꞌu da, kuani kuaꞌa ntseꞌe sa nayaꞌia da ndidaa da doko ku yakui da; 9 kuani xiko ñaꞌan ñayii d̶a doko Ndios ti dandoo ñaꞌan ni mee ia d̶a ndidaa da. Dandugua ñaꞌa ñayii d̶a ndidaa da doko ti kida sa datani ñaꞌa tsa. 10 Ndidaa sa taꞌan da ndidaa da xikikoño da ya, jaꞌa danaꞌa sa xíꞌi Jesucristu ndasa dini xikikoño da ya ndidaa da na danaꞌa xuyii Jesucristu tuku. 11 Kuan neni nchito da san ndikii nchukaꞌni ñaꞌan d̶a ndidaa da sa saꞌa Jesucristu ndasa modo yaꞌa na danaꞌa xuyii Jesucristu io xi xikikoño da sa kuu ya. 12 Juandiku dan ndidaa da ndikii ii io da sa kuu da, ndasa dini ndidaa ni na niꞌi ni vida jnu Ndios.
13 Doko eni sa xininchisa da ndidaa da, duꞌua kuenta yodotuni: Dan xíninchisa da juandiku káꞌan da,b san duꞌua ni dan ndidaa da tuku xininchisa juandiku kaꞌan da. 14 San xini da ndidaa da, sa Ndios kída ia sa nandoto Jesucristu, san kada ia sa nandoto da ndidaa da kuenta nandoto Jesucristu, san duꞌua kuntsaka ñaꞌan ia d̶a ndidaa da kiꞌin xiꞌin ni ndidaa ni sa io ia. 15 Ndasa na niꞌi ni ndidaa ni sa guaꞌa taxi Ndios juandiku duꞌua taꞌan da ndidaa da. Kuan tu kuaꞌa ka ñayii na niꞌi j-gracia Ndios xiꞌin sa xinimani ia san kuaꞌa ka ñayii kuañaꞌan taxaꞌvi xi Ndios, san duꞌua kuaꞌa ka ñayii kadakaꞌnu ñaꞌan xi ia.
16 Juandiku ti nayuꞌu da ndidaa da kuan kuani xikikoño da ndidaa da yee kuaꞌan, doko xanaa da ndidaa da ndu saa ndikii. 17 Kuan ndidaa sa taꞌan da ndidaa da ñuyii yaꞌa, ndeꞌe en kii, doko jaꞌa kida san na niꞌin da ndidaa da en sa kaꞌnu ntseꞌe ma ndeꞌe san saꞌnu ndikii; 18 Ti kida kasu da ndidaa da, ndidaa sa danaꞌa xiꞌin io ñuyii yaꞌa maska sa ndidaa sa ti danaꞌa, kuan ndidaa sa io xiꞌin danaꞌa ñuyii yaꞌa ndeꞌe, doko ndidaa sa ti danaꞌa ma ndeꞌe, kuan koo ndidaa tiempu.