Duꞌua sadaa Jesús toꞌon dadaguataꞌan sa kuu xeꞌe ndikachi
10
Kachitoꞌon ndaa ntsu xo ñayii ti yii ichi ndieꞌe x-korra ndikachi, tsa yukua kuu ñaduꞌu xiꞌin ñayii kuiꞌia. 2 Doko tsa yii ichi ndieꞌe kuan kuu tsa sadi ndikachi. 3 San ora nakaan tsa ntsaa ndieꞌe kuaan s-tsa, san ndidaa ndikachi tsa tsaku ste s-tachi tsa san ndiden ndiden kana tsa te xiꞌin sa nani te san kee te. 4 San tuꞌu kee ndidaa ndikachi kuu xaꞌan tsa san sakundodonuu tsa jnu te san sa kunchiko ñaꞌan te kuan nakini te s-tachi tsa. 5 Doko ti sa kunchiko te tsa ti xini te, kuan xini io ñaꞌan te, kuan ti nakini te s-tachi tsa.6 Duꞌua sadaa Jesús tsa ndidaa tsa, doko ndidaa tsa yaꞌa ti sakuituni xanaa tsa nasa nchu kachi sa káꞌan ia.
Jesús kuu pastor nchisa
7 Danduu kaꞌan nituku ia:
—Kachitoꞌon ndaa ntsu yo sa ntsuꞌu ku ndieꞌe x-korra ndikachi 8 Ndidaa nu kíxi diꞌna ka sa kuj ntsu nuyaꞌa kúu ñayii kuiꞌia xiꞌin ñaduꞌu, doko ndidaa ndikachi kuaan ti kida kasu ñaꞌan te. 9 Ntsuꞌu kuu ndieꞌe. Nu na yii ichi ndieꞌe yaꞌa, ma kuita nu; ku kuu nu na en ndikachi, kee te nayii te san niꞌi te itsa kuii sa kaj ste.
10 Kuan ña duꞌu kuaan kij ni tsa duꞌu tsa saꞌni tsa xiꞌin datani tsa. Doko ntsuꞌu vaj ntsu sa nakoo vida xi ndidaa ñayii, san na koo ntseꞌe. 11 Ntsuꞌu kuu tsa sadi guaꞌa ndikachi;a kuan tsa sadi guaꞌa ndikachi kuan sañaꞌan tsa vida tsa sa saꞌa ndikachi tsa. 12 Doko tsa kidachiion yaꞌvi, xini tsa vaxi ndikuaan san xino tsa san dandoo tsa ndidaa ndikachi, kuan adi ndikachi mee tsa kuu te. San ndikuaan xiko te ndikachi san saꞌntsa dagua ñaꞌan te. 13 Tsayee yaꞌa xino tsa kuan sa nduku tsa ku xaꞌvi tsa, san nisa ti ndiꞌi xanaa tsa ndikachi.
14 Ntsuꞌu kuu tsa sadi guaꞌa ndikachi san xini ntsu ku ndikachi ntsu, san duꞌua ni mee te xini ñaꞌan te ku ntsu. 15 Ku Tata ntsu xini ñaꞌan tsa ku ntsu, san ntsuꞌu xini ñaꞌan ntsu s-tsa;b san kuu ntsu sa saꞌa ndidaa ku ndikachi ntsu. 16 Io ka uu ku ndikachi ntsu sa ti io te veꞌe yaꞌa; san nandeꞌe sa kiꞌin ntsu ku nakuaka ntsu te. San kitiaꞌa tsaku ste ku tachi ntsu, san koo te en dii nika veꞌe xiꞌin en dii ni ka tsa kadi ñaꞌan ste.
17 Ntsuꞌu kuañaꞌan ntsu ku vida ntsu san naniꞌin nituku ntsu juandiku ku Tata ntsu xinimani ñaꞌan ia ku ntsu. 18 Ntsuꞌu kuañaꞌan ntsu ku vida ntsu sa kuu ntsu san adi sa kachi ñayii kuu. Kuan ntsuꞌu tastuni, san kuu ntsu xiꞌin sa nandoto ni tuku ntsu. Jaꞌa táꞌvichiion ku Tata ntsu.
—Sakakuiꞌia ñoꞌon nu xan. Naku nini ñaꞌan yo nu?
21 Dagua tsa kachi:
—Ndidaa toꞌon yaꞌa adi xaꞌan sakakuiꞌia kuu. Ama guaꞌani nakaan sakakuiꞌia nduchinuu en nu kuaa ña?
Ndidaa judiu ti xininchisa tsa Jesús
22 Sáa tiempu vixi ntseꞌe, san ndidaa kii yukua ío viko ñuu Jerusalén sa nani sa na kuañaꞌan nituku templu xi Ndios, 23 san Jesús ndinoo ia ndikeꞌe templu ichi io portal sa kúu xaꞌan Salomón. 24 Danduu chikorra ñaꞌan ndidaa judiu tastuni san sadaa tsa:
—Na ntsa ora chiguaꞌa yo kuntsu. Tu yoꞌo kuu Cristu, kachitoꞌon da oon.
25 San sadaa Jesús:
—Sa káchitoꞌon ntsu san yoꞌo ti xininchisa yo. Ndidaa sa kida ntsu kida ntsu modo taꞌvichiion ku Tata ntsu, jaꞌa kachitoꞌon ndaa sa kuu ntsu; 26 doko yoꞌo ti xininchisa ñaꞌan yo kuntsu, kuan adi ku ndikachi ntsu kuu yo. 27 Ku ndikachi ntsu tsaku ste ku tachi ntsu, san ntsuꞌu xini ñaꞌan ntsu ste, san sakunchiko ñaꞌan te ku ntsu. 28 San ntsuꞌu sañaꞌan ntsu vida ma ndeꞌe ste, san ma en te kuita, san ma en dita te ku ntsu. 29 Ku Tata ntsu ia tas te kuntsu, kaꞌnu ka ia sa kuxi ndidaa; san ma en dita te xi ia. 30 Ntsuꞌu xiꞌin Tata eni kuntsu.
—Kuaꞌa ntseꞌe sa guaꞌa dadana ñaꞌan ntsu yo sa saꞌa ku Tata ntsu. Sa saꞌa xi dakaa juan nchu chiyuu ñaꞌan yo kuntsu.
33 Ndidaa tsa yaꞌa sadaa tsa:
—Ti nchu chidoyuu ñaꞌan ntsu xo sa saꞌa xi sa guaꞌa kida yo, nchu chidoyuu ñaꞌan ntsu xo kuan kaꞌan kuiꞌia yoc kuan yoꞌo ku yo ñayii, san ndada yo sa kuu yo Ndios.
34 Sadaa Jesús:
—Ama adii yodotuni s-tutu ii Ndios, Ntsuꞌu kachi: “Kuu yo Ndios ndidaa yo.”d 35 San tu danani ñaꞌan Ndios xi ndidaa tsa niꞌi s-toꞌon Ndios san s-tutu ia ti kida naꞌntsa, 36 San tu Ndios ndekaj xaꞌan ia ku ntsu san táꞌvichiion ia sa nakij ntsu ñuyii ya, naku kachi yo san ntsuꞌu kaꞌan kuiꞌia ntsu xi ia sa kachi ntsu sa kuu ntsu D̶aꞌa Ndios? 37 Tu ntsuꞌu ti kida ntsu ndidaa sa kida ku Tata ntsu san ma kininchisa ñaꞌan yo kuntsu. 38 Doko tu juan kida ntsu, kuani ma kininchisa ñaꞌan yo ku ntsuꞌu, doko kininchisa sa kida ntsu, kuan ndasa na kini da oon yo sa ntsuꞌu io ntsu xiꞌin ku Tata ntsu san mee ia io xiꞌin ntsu.
39 Nchu teen ñaꞌan nituku tsa ndidaa tsa xi ia, doko kéexio niꞌni ia san kuaꞌan ia.
40 San kuaꞌan ia enka ndodo yutsa Jordán luguar xu dakuendutsa Juan, san kendoo ia jukua. 41 Kuaꞌa ntseꞌe ñayii saꞌan sa ntsaꞌa ñaꞌan xi ia san kachi tsa:
—Sa ndaa kuu, kuani Juan ti kida tsa nisa en señal, doko ndidaa sa kachi tsa sa ku kuu tsa yaꞌa kuu sa ndaa.
42 San kuaꞌa ntseꞌe tsa xíninchisa ñaꞌan xi ia.