Alatala la kɔɔri ɲinmanu matɔgɔ koe
127
Hijilanu la beete yɛlɛla Darisalamu,
Sulemani la beete le ka.
Ka Alatala ma boŋɛ min sɔ,
a sɔlanu be walila fu.
Ka Alatala ma saa min kanta,
a kantalanu be kinnɔgɛ tiɲala fu.
2 Wo be wulila ɲɔ lakɛnɛ ma fu,
wo be mɛla kinnɔgɔ baliya tɔ sue tɔ fu.
Wo be tɔɔrɔla wo balue sɔtɔ koe la fu.
Kɔnɔ Alatala si a kanunteŋɛ kɔ le a sa tɛmuɛ.
3 Awa, deŋɛnu be mala Alatala la kɔɔri ɲinma la mɔgɛ ye.
A be barikɛ sala mɔgɛ ma anu sɔtɔ koe la.
4 Mɔgɛ be deŋɛ minnu sɔtɔla a kamaren tɛmuɛ,
wonu sɔdula si to iko ndaka sɔdula kɛlɛmalá bole tɔ.
5 Mɔgɛ min ka wo den siyama sɔtɔ a kamaren tɛmuɛ,
wo be toren de iko min na ndaka safeŋɛ be lafaren a ɲinma la.
Hɛra be wo tigi ye.
Ale nun a jaguenu be kuma masarala lun min na,
a te naa malu jama ɲala.