Alatala be a la jama lamilinden
125
Hijilanu la beete yɛlɛla Darisalamu.
Min be a hakkile tola Alatala ma,
wo tigi be tola le iko Siyɔn kɔnkɛ.
A te lamaga, a be sabatiren de kudai.
2 Darisalamu be lamilinden kɔnkɛnu la.
Alatala tugun be a la jama lamilinden ɲɔgɔnna le,
bɔɔla kɔtɛ ma han kudai.
3 Telenbaganu be duge min masɔtɔren anu tɛŋɛ la,
mansa yo la koronya te to kɛ duge tɔ.
Ka wo ma, telenbaganu tugun si miila le nun anu ni koronya.
4 Ee Alatala, i la ɲinmaya lakoti mɔgɔ ɲinmanu ye.
Minnu juse kaɲin, ko ɲinma ma anu ye.
5 Kɔnɔ minnu be sɔren kila dalindeŋɛnu kɔma,
ile Alatala ni wonu bee, anun minnu be ko koroŋɛ mala.
Jususa kan ni to bani Isirayila ye!