Han tɛmu miniman?
13
Dauda la beete do le ka, beeti bɔɔlanu la kuntige ye.
2 Ee Alatala, i si naa ɲina n ma han tɛmu miniman?
I be i ɲakɔtɔ dogonna n na han muntuma?
3 N ni hanmɛ n sondoŋɛ tɔ,
ka to jusu tiɲa tɔ wagate bɛ han muntuma?
N be tola n jague sagoe tɔ han muntuma?
4 Ee Alatala, i ɲa sɔ n na!
N na Ala, n jaabi!
I ni n ɲanu lakɛnɛ,
ka wo ma n si faga le.
5 N jague kana a fɔ aa a bata nɔ sɔtɔ n kunma,
n na boere kana n kɛlɛɲɔgɛnu lasɛɛwa.
6 Kɔnɔ nde be laaren i la fonisireya la,
n juse be sɛɛwaren i la kise la ko la.
N si beete bɔɔ le Alatala ye,
bayi a bata ko ɲinma banba ma n ɲɛ.