Ika-isa a Sulat'i Yuhan
Bismillah Hir-Rahman Nir-Raheem
Assalamu Alaikum Warahmatullahi Ta'ala Wabarakatuh
Na nia sinemulat kanu nia a kitab na su mama a bedtuan sa Yuhan a wata ni Zabidi. Pinadtaya sekanin nu Isa al-Masih enggu isa bun sekanin kanu napamili nu Isa al-Masih a makaunut lun kanu langun nu galebekan nin. Na su kinasulat'in sa nia na lu sekanin natabu sa kanu dalepa a Ipisu kanu manga nempulu lagun ulian nu kinapambibiag 'bpaluman kanu Isa al-Masih. Na su dalepa a Ipisu na sakup'u Turkey sa saguna a timpu.
Nia kahanda ni Yuhan kanu kinasulat'in kanu ika-isa a sulat'in na asal'a kapamapatan nin su manga taw pantag kanu 'bpamamandu a di pakasugat ka papedsibayn nilan su manga taw a 'bpamaginugut kanu Kadenan. Ibpamandu bun ni Yuhan kanu nia a kitab su kagkakalimua nu uman i isa. Papedsabutan nin bun kanu nia i apia entain i malusud kanu Isa al-Masih na makatalima kanu uyag-uyag a da taman nin.