Su Pugi kanu Kadenan a Mapulu
150
Pugin su Kadenan a Mapulu!Pugin su Kadenan lu kanu suti a 'bpangadapan lun,
pugin sekanin lu kanu sulega a su mabagel a kuta nin.
2 Pugin sekanin sabap kanu makagaip a penggulan nin,
pugin sekanin sabap kanu sangat a kabarakat'in!
3 Pugin sekanin sa ukit'a kapauni kanu palabuni-bunian a tambuli;
pugin sekanin sa ukit'a kapauni kanu palabuni-bunian a bedtuan sa alpa enggu kutiapi!
4 Pugin sekanin sa ukit'a kadtambul enggu kadsagayan.
Pugin sekanin sa ukit'a kapauni kanu palabuni-bunian a aden manga iket'in enggu palendag.
5 Pugin sekanin sa ukit'a kapengganding kanu manga gandingan,
pugin sekanin sa ukit'a kapengganding sa matanug kanu manga gandingan!
6 Langun nu sekanu a aden uyag-uyag'in na mugi kanu Kadenan a Mapulu!
Pugin su Kadenan a Mapulu!
Wassalam