Su Tarsilan kanu manga Tupu nu Isaw
36
Nia ba su tarsilan kanu manga tupu nu Isaw a bedtuan bun sa Idum.2 Na nangaluma su Isaw sa manga babay a Kanaan a si Ada enggu si Uhulibama. Si Ada na wata ni Ilun a taw a Hit. Na si Uhulibama na wata ni Ana a wata ni Sibiun a taw a Hib. 3 Na pinangaluma nin bun su wata nu Ismail a si Basimat a suled'i Nibayut. 4 Nia wata a mama nu Isaw kani Ada na si Ilipas enggu sia menem kani Basimat na si Ruil. 5 Na sia menem kani Uhulibama na si Yius, si Yalam enggu si Kura. Na lu pimbata sa dalepa a Kanaan su langun nu entu a manga wata a mama ni Isaw.
6 Na pinitas'u Isaw su suled'in a su Yakub ka minalat sekanin kanu ped a kalupan. Pinaunut'u Isaw su manga kaluma nin, su manga wata nin enggu su manga taw nin. Na init'in bun su manga ayam'in taman den kanu manga tamuk'in a napantiali nin lu sa Kanaan. 7 Minitas sekanin kagina su dayag'u pendadalepan nilan na di den 'bpagedtun kanu manga ayam'ilan ka 'bpagiseg bun i kadakel'in. 8 Daka lu mindalepa su Isaw a bedtuan bun sa Idum kanu kabakuludan nu dalepa a Sir.
9 Na nia su tarsilan kanu manga tupu nu Isaw a katupuan nu manga taw a Idum a lu pendalepa kanu manga bakulud'u dalepa a Sir. 10-12 Na su wata a mama nu Isaw kani Ada na si Ilipas na nia nin memen manga wata a mama na si Timan, si Umar, si Sipu, si Gatam enggu si Kinas. Na si Amalik menem i wata ni Ilipas kanu ikadua a kaluma nin a si Timna. Na silan ba a nia su manga muliataw nu Isaw kanu kaluma nin a si Ada.
Na su wata menem a mama nu Isaw kani Basimat a si Ruil 13 na nia nin manga wata a mama na si Nahat, si Sira, si Sama enggu si Misa. Silan ba a nia su manga muliataw nu Isaw kanu kaluma nin a si Basimat. 14 Nia menem manga wata nu Isaw kanu kaluma nin a si Uhulibama na si Yius, si Yalam enggu si Kura. Na si Uhulibama a nia na wata ni Ana a wata menem ni Sibiun.
15 Nia su 'gkangaunutana a manga wata ni Isaw. Nia manga wata a mama ni Ilipas a kaka a wata nu Isaw na si Timan, si Umar, si Sipu, si Kinas, 16 si Kura, si Gatam enggu si Amalik. Na silan ba a entu su 'gkangaunutan lu kanu kalupan nu dalepa a Idum a manga wata a mama ni Ilipas a wata ni Ada kani Isaw.
17 Na nia menem muliataw nu wata nu Isaw a si Ruil na si Nahat, si Sira, si Sama enggu si Misa. Na silan ba a entu su 'gkangaunutan lu kanu kalupan nu dalepa a Idum a manga wata a mama ni Ruil a wata ni Basimat kani Isaw.
18 Na nia menem muliataw nu kaluma nu Isaw a si Uhulibama na si Yius, si Yalam enggu si Kura. Na silan ba a entu su 'gkangaunutan lu kanu kalupan a manga wata a mama nu Isaw kanu kaluma nin a si Uhulibama a wata ni Ana. 19 Silan ba a entu su 'gkaunutan nu manga lumpukan a nakabpun kanu Isaw a bedtuan bun sa Idum.
Su Tarsilan kanu Danden a manga Taw lu sa Dalepa a Sir
20-21 Nia su tarsilan kanu manga wata a mama ni Sir a taw a Hur. Na nia ba a entu manga wata a mama ni Sir na si Lutan, si Subal, si Sibiun, si Ana, si Disun, si Isir enggu si Disan. Silan ba a entu su 'gkangaunutan nu lumpukan nu manga taw a Hur a danden a manga taw kanu kalupan a dalepa a Idum. 22 Na su manga wata a mama menem'i Lutan na si Huri enggu si Himam. Si Lutan na aden suled'in a babay a bedtuan sa Timna. 23 Su manga wata a mama ni Subal na si Alban, si Manahat, si Ibal, si Sipu enggu si Unam. 24 Na su manga wata a mama menem'i Sibiun na si Aya enggu si Ana. Sekanin su Ana a nakatun sa bualan a mayaw a ig lu kanu pabpanadtaban kanu timpu a kapedtuganul'in kanu manga kimarb nu ama nin. 25 Na su manga wata ni Ana na si Disun enggu su wata nin a babay na si Uhulibama. 26 Na su manga wata a mama menem'i Disun na si Himdan, si Isban, si Itran enggu si Kiran. 27 Su manga wata a mama menem'i Isir na si Bilhan, si Saban enggu si Akan. 28 Na su manga wata a mama menem'i Disan na si Yus enggu si Aran. 29 Na nia 'gkangaunutan nu lumpukan nu manga taw a Hur na si Lutan, si Subal, si Sibiun, si Ana, 30 si Disun, si Isir enggu si Disan. Na silan ba a entu su 'gkangaunutan nu manga taw a Hur kanu kalupan nu dalepa a Sir.
Su manga Sultan nu Idum
31 Na unan nu kinaaden na manga sultan nu manga taw a Israil na aden den sultan kanu kalupan nu dalepa a Idum. Nia su kinadtundug-tundug'u kinadsultan nilan. 32 Na nia nauna a midsultan na si Bila a wata ni Biur. Na binedtuan sa Dinhaba su siudad'in. 33 Na guna matay si Bila na nia menem nakatundug edsultan na si Yubab a wata ni Zira a taw sa dalepa a Budsra. 34 Na guna menem matay si Yubab na nia nakatundug edsultan na si Husam a taw sa dalepa a Timan. 35 Na guna menem matay si Husam na nia nakatundug edsultan na si Hadad a taw sa Abit a wata a mama ni Bidad. Na si Hadad na tinemaban nin su manga sundalu nu manga taw a Midian lu sa dalepa a Muab. 36 Na guna menem matay si Hadad na nia nakatundug edsultan na si Samla a lu ganat sa dalepa a Masrika. 37 Na guna menem matay si Samla na nia nakatundug edsultan na si Saul a taw sa dalepa a Rihubut a lu tampal kanu lawas'a ig'u Yupratis. 38 Na guna menem matay si Saul na nia nakatundug edsultan na si Baal-Hanan a wata ni Akbul. 39 Na guna menem matay si Baal-Hanan na nia menem nakatundug edsultan na si Hadar a taw sa dalepa a Pau. Na nia kaluma ni Hadar na si Mihitabil a wata a babay ni Matrid a wata a babay ni Misahab.
Su 'Gkangaunutan a manga Wata ni Isaw
40 Na nia manga ngala nu 'gkangaunutan a manga wata nu Isaw kanu kanilan a dalepa enggu pamilia na si Timna, si Alba, si Yitit, 41 si Uhulibama, si Ila, si Pinun, 42 si Kinas, si Timan, si Mibsal, 43 si Magdil enggu si Iram. Na silan ba a entu su 'gkangaunutan nu manga taw a Idum kanu kalupan a pindalepan nilan. Na su Isaw i katupuan nu manga taw a Idum.