Su Tarsilan kanu manga Wata nu Nuh
10
Nia ba su tarsilan nu manga tupu nu manga wata nu Nabi Nuh a si Sim, si Yapit enggu si Ham. Na mimbabata sa manga wata a mama su telu kataw ba a nia kanu kinaipus'u kadalem.Su manga Tupu ni Yapit
2 Nia manga wata a mama ni Yapit na si Gumir,a si Magug, si Madai, si Yaban, si Tubal, si Misik enggu si Tiras.
3 Nia menem manga wata a mama ni Gumir na si Askinas, si Ripat enggu si Tugarma.
4 Nia menem manga wata a mama ni Yaban na si Ilisa, si Tarsis, si Kit enggu si Dudanim. 5 Na ebpun kanu tupu ba a nia ni Yaban su manga taw kanu ligid'a dedsan enggu kanu manga punul. Na nakapayapat silan kanu dalepa taman sa uman i isa kanilan na aden kanilan a basa, tribu enggu bangsa.
Su manga Tupu ni Ham
6 Nia manga wata a mama ni Ham na si Kus, si Misir,b si Put enggu si Kanaan. 7 Nia menem manga wata a mama ni Kus na si Siba, si Habila, si Sabita, si Raama enggu si Sabitika. Nia menem manga wata a mama ni Raama na si Siba enggu si Didan.
8 Na aden pan wata a mama ni Kus a bedtuan sa Namrud. Na sekanin i muna-muna a nabaluy a mategel sa kambunua sia sa dunia. 9 Nabadtug sekanin sa katalinganup kanu adapan nu Kadenan a Mapulu. Tembu nabpalibasan nu manga taw i “Mana bun si Namrud a nabadtug sa katalinganupa sia kanu adapan nu Kadenan a Mapulu.” 10 Na su kinaludsu nin endatu na nia nin pindatuan na su dalepa a Babil, dalepa a Irik, dalepa a Akad enggu dalepa a Kalni a sakup'a Sinar. 11 Na iganat kanu entu a kalupan na linemu si Namrud sa dalepa a Asiria enggu pinatindeg'in su pagingedan a Ninibah, Rihubut-ir,c su Kala enggu 12 su masela a siudad a Risin a natagu sa pageletan nu Ninibah enggu Kala.
13 Nia menem manga wata a mama ni Misir na si Lud, si Anam, si Lihab, si Napitu, 14 si Patrus, si Kasluh enggu si Kaptur. Na si Kasluh ba a nia i nabpunan nu manga taw a Pilistin.
15 Nia menem manga wata a mama ni Kanaan na si Sidun a kaka sa langun kanu manga wata nin entu pan ka si Hit, 16 si Hibus a nabpunan nu manga taw a Hibus, si Amur a nabpunan nu manga taw a Amur, si Girgas a nabpunan nu manga taw a Girgas, 17 si Hib a nabpunan nu manga taw a Hib, si Ark a nabpunan nu manga taw a Ark, si Sin a nabpunan nu manga taw a Sin, 18 si Arbad a nabpunan nu manga taw a Arbad, si Zimar a nabpunan nu manga taw a Zimar enggu si Hamat a nabpunan nu manga taw a Hamat. Na ulian nu entu na namakabpapalak su manga tupu ni Kanaan. 19 Na nakauma su tupu ni Kanaan iganat sa dalepa a Sidund malalaguy den kanu dalepa a Girar taman den sa dalepa a Gasa. Nakauma bun silan taman kanu dalepa a Sudum, dalepa a Gumura, dalepa a Adma enggu kanu dalepa a Sibuy taman den kanu dalepa a Lasa.
20 Na silan ba a entu su manga tupu ni Ham. Na uman i isa kanilan na aden kanilan a basa, tribu enggu bangsa.
Su manga Tupu ni Sim
21 Na Sim a kaka ni Yapit na nakambata bun sa manga wata a mama. Na si Sim ba a nia i katupuan nu manga taw a Ibir. 22 Nia manga wata a mama ni Sim na si Ilam, si Asur, si Arpaksad, si Lud enggu si Aram. 23 Nia menem manga wata a mama ni Aram na si Yus, si Hul, si Gitil enggu si Mas. 24 Nia menem wata a mama ni Arpaksad na si Silak. Nia menem wata a mama ni Silak na si Ibir. 25 Na si Ibir na nakambata sa dua kataw a wata a mama. Na nia nin inibedtu kanu kaka a wata nin na si Palige kagina namakabpapalak su manga taw sia sa dunia kanu timpu nin. Na nia nin menem inibedtu kanu ali a wata nin na si Yuktan.
26 Na nia menem manga wata a mama ni Yuktan na si Almudad, si Silip, si Hasarmabit, si Hirah, 27 si Haduram, si Udsal, si Dikla, 28 si Ubal, si Abimail, si Siba, 29 si Upir, si Habila enggu si Yubab. Na silan ba a entu su langun nu manga wata a mama ni Yuktan. 30 Na su nasakupan nilan dalepa na iganat sa dalepa a Misa taman kanu dalepa a Sipar a lu kanu kabakuludan a mag sa sebangan.
31 Na silan ba a entu su manga tupu ni Sim. Na uman i isa kanilan na aden kanilan a basa, tribu enggu bangsa.
32 Na silan ba a entu su manga tupu nu manga wata a mama nu Nabi Nuh sia luyud kanu tarsilan nu uman i isa kanilan enggu bangsa nu uman i isa kanilan. Na silan ba entu su nabpunan nu langun nu bangsa sia sa liwawaw nu dunia ulian nu kinagkadalem.