Su Tupu nu Adam taman den kanu Nuh
5
Nia ba su nakasulat makapantag kanu tarsilan nu manga tupu ni Adam.Kanu gay a pinangaden nu Kadenan su taw na pinangaden nin a sia luyud kanu alung-alung'in.a 2 Pinangaden nin silan a mama enggu babay taman sa pinalihalan nin silan. Na kanu entu bun ba a gay na binedtuan nin silan sa Manusia.b
3 Na guna su nakamagatus enggu telupulu lagun den su umul'i Adam na pimbata su wata nin a nia nin lun inibedtu na si Sit a sinemegedc a benal sa lekanin. 4 Na iganat kanu kinambata kani Sit na naumanan pan sa walu gatus lagun su umul'i Adam enggu nakambata pamun sa manga wata a mama enggu babay. 5 Tembu nakasaut pan su umul'i Adam sa nakasiyaw gatus enggu telupulu lagun entu pan ka minatay sekanin.
6 Guna su nakamagatus enggu lima lagun den su umul'i Sit na pimbata su wata nin a si Inus. 7 Na iganat kanu kinambata kani Inus na naumanan pan sa walu gatus enggu pitu lagun su umul'i Sit enggu nakambata pamun sa manga wata a mama enggu babay. 8 Tembu a nakasaut pan su umul'i Sit sa nakasiyaw gatus enggu sapulu enggu dua lagun entu pan ka minatay sekanin.
9 Guna su nakasiyawpulu lagun den su umul'i Inus na pimbata su wata nin a si Kinan. 10 Na iganat kanu kinambata kani Kinan na naumanan pan sa walu gatus enggu sapulu enggu lima lagun su umul'i Inus enggu nakambata pamun sa manga wata a mama enggu babay. 11 Tembu nakasaut pan su umul'i Inus sa nakasiyaw gatus enggu lima lagun entu pan ka minatay sekanin.
12 Guna su nakapitupulu lagun den su umul'i Kinan na pimbata su wata nin a si Mahalalil. 13 Na iganat kanu kinambata kani Mahalalil na naumanan pan sa walu gatus enggu patpulu lagun su umul'i Kinan enggu nakambata pamun sa manga wata a mama enggu babay. 14 Tembu nakasaut pan su umul'i Kinan sa nakasiyaw gatus enggu sapulu lagun entu pan ka minatay sekanin.
15 Guna su nakanempulu enggu lima lagun den su umul'i Mahalalil na pimbata su wata nin a si Yarid. 16 Na iganat kanu kinambata kani Yarid na naumanan pan sa walu gatus enggu telupulu lagun su umul'i Mahalalil enggu nakambata pamun sa manga wata a mama enggu babay. 17 Tembu nakasaut pan su umul'i Mahalalil sa nakawalu gatus enggu siyawpulu enggu lima lagun entu pan ka minatay sekanin.
18 Guna su nakamagatus enggu nempulu enggu dua lagun den su umul'i Yarid na pimbata su wata nin a si Inuk. 19 Na iganat kanu kinambata kani Inuk na naumanan pan sa walu gatus lagun su umul'i Yarid enggu nakambata pamun sa manga wata a mama enggu babay. 20 Tembu nakasaut pan su umul'i Yarid sa nakasiyaw gatus enggu nempulu enggu dua lagun entu pan ka minatay sekanin.
21 Guna su nakanempulu enggu lima lagun den su umul'i Inuk na pimbata su wata nin a si Mitusila. 22 Na iganat kanu kinambata kani Mitusila na naguyag-uyag pamun si Inuk sa dalem'a nakatelu gatus lagun a inidtagapeda nin su Kadenan enggu nakambata pamun sekanin sa manga wata a mama enggu babay. 23 Tembu nakasaut pan su umul'i Inuk sa nakatelu gatus enggu nempulu enggu lima lagun. 24 Na naguyag-uyag si Inuk a ikelas kanu Kadenan tembu dala sekanin ukit sa kapatay kagina kinua sekanin nu Kadenan.
25 Guna su nakamagatus enggu walupulu enggu pitu lagun den su umul'i Mitusila na pimbata su wata nin a si Lamik. 26 Na iganat kanu kinambata kani Lamik na naumanan pan sa pitu gatus enggu walupulu enggu dua lagun su umul'i Mitusila enggu nakambata pamun sa manga wata a mama enggu babay. 27 Tembu nakasaut pan su umul'i Mitusila sa nakasiyaw gatus enggu nempulu enggu siyaw lagun entu pan ka minatay sekanin.
28 Guna su nakamagatus enggu walupulu enggu dua lagun den su umul'i Lamik na pimbata su wata nin a mama. 29 Daka nia nin lun inibedtu na Nuhd ka nia nin pidtalu na “Su wata ba a nia i makalimpang sa lekitanu kanu mapasang a galebek a ebpun kanu lupa a inidsinta nu Kadenan a Mapulu.” 30 Na iganat kanu kinambata kanu Nuh na naumanan pan sa lima gatus enggu siyawpulu enggu lima lagun su umul'i Lamik enggu nakambata pamun sa manga wata a mama enggu babay. 31 Tembu nakasaut pan su umul'i Lamik sa nakapitu gatus enggu pitupulu enggu pitu lagun entu pan ka minatay sekanin.
32 Guna su nakalima gatus lagun i umul'i Nuh na pimbata su wata nin a si Sim, si Yapit enggu si Ham.