𖼳𖽡𖾐 𖼄𖽡𖽺 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼳𖽡𖽪
19
1 𖼳𖽡𖾐 𖼄𖽡𖽺 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼐𖽑𖽡 𖼷𖽑𖽺𖾐 𖼞𖽑𖽶𖾑 𖼷𖽑𖽺𖾐 𖼞𖽻𖾐，𖼽𖽻 𖼈𖽳𖾐 𖼞𖽻𖾐 𖽂𖽙𖾐 𖼺𖽪𖾐 𖼄𖽡𖾐 𖼊𖽺𖾐，𖼞𖽑𖽶𖾑 𖼽𖽚 𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼠𖽻𖾐 𖼊𖽑𖽺 𖼮𖽻𖾐．2 𖼽𖽻 𖼈𖽳𖾐 𖼞𖽻𖾐 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪，𖼞𖽑𖽶𖾑 𖼂𖽡𖽦 𖼳𖽶𖾑 𖼂𖽔𖾐 𖼖𖽪𖾐、 (𖼂𖽡𖽦 𖼳𖽶𖾑 𖼂𖽔𖾐 𖼞𖽑𖽶𖾑 𖼳𖽶𖾑 𖼂𖽔𖾐 𖼣𖽻𖾐)、 𖼄𖽚 𖼖𖽔𖾐 𖼍𖽕𖾑 𖼖𖽪𖾐、 3 𖼦𖽔𖾐 𖼺𖽕𖾑 𖼳𖽪𖾐 𖼽𖽕𖾑 𖼖𖽪𖾐、 𖼂𖽔𖾐 𖼖𖽔𖾐 𖼖𖽪𖾐、 𖼽𖽡 𖼺𖽜𖾐 𖼖𖽪𖾐、 4 𖼽𖽡𖾐 𖼖𖽡𖾑 𖼍𖽙𖾐 𖼖𖽔𖾐 𖼖𖽪𖾐、 𖼂𖽡 𖼊𖽑𖽪 𖼖𖽧𖾑 𖼖𖽪𖾐、 𖼦𖽴 𖽃𖽳 𖼄𖽔 𖼖𖽪𖾐、 5 𖼳𖽡 𖼠𖽴 𖼖𖽔𖾐 𖼖𖽪𖾐、 𖼂𖽚 𖼄𖽔 𖼰𖽡𖽔𖾐 𖼂𖽚 𖼖𖽪𖾐、 𖼦𖽔𖾐 𖼺𖽕𖾑 𖼺𖽪𖾐 𖼺𖽔 𖼖𖽪𖾐、 6 𖼂𖽚 𖼖𖽡𖾑 𖼂𖽔𖾐 𖼈𖽪𖾑 𖼖𖽪𖾐、 𖼳𖽔𖾐 𖼖𖽪 𖼳𖽡𖽺 𖼖𖽪𖾐 𖼣𖽻𖾐，𖼖𖽪𖾐 𖼄𖽳𖾑 𖼄𖽳 𖼷𖽑𖽡𖾐 𖼺𖽙𖾐 𖼊𖽝𖾐 𖼮𖽻𖾐，𖼦𖽑𖽔𖾐 𖼖𖽺𖾑 𖼖𖽪𖾐 𖼦𖽑𖽺𖾑 𖼹𖽻𖾐 𖼖𖽙𖾐 𖼞𖽑𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼖𖽺𖾑 𖼮𖽑𖽻𖾐． 7 𖼹𖽦𖾑 𖼽𖽕𖾑 𖼽𖽺𖾐 𖼖𖽪𖾐、 𖼖𖽡𖾑 𖼄𖽴 𖼖𖽪𖾐、 𖼽𖽡 𖼊𖽑𖽡𖽦 𖼖𖽪𖾐、 𖼽𖽕𖾑 𖼳𖽔𖾐 𖼖𖽪𖾐 𖼮𖽻𖾐 𖼺𖽺，𖼖𖽪𖾐 𖼄𖽳𖾑 𖼄𖽳 𖼖𖽡𖾐 𖼊𖽝𖾐 𖼮𖽻𖾐，𖼦𖽑𖽔𖾐 𖼖𖽺𖾑 𖼖𖽪𖾐 𖼦𖽑𖽺𖾑 𖼹𖽻𖾐 𖼖𖽙𖾐 𖼞𖽑𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼖𖽺𖾑 𖼮𖽑𖽻𖾐． 8 𖼦𖽑𖽔𖾐 𖼖𖽺𖾑 𖼖𖽪𖾐 𖼦𖽑𖽺𖾑 𖼹𖽻𖾐 𖼞𖽕 𖼰𖽡𖽺𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽑𖽻𖾐 𖼺𖽺𖾑，𖼂𖽔𖾐 𖼖𖽔𖾐 𖼂𖽡 𖽃𖽳 𖼄𖽡𖾐 𖼊𖽺𖾐 𖼮𖽑𖽡𖾐，𖼞𖽑𖽶𖾑 𖼐𖽑𖽧 𖼠𖽴 𖼇𖽪𖾐 𖼄𖽡𖾐 𖼊𖽺𖾐 𖼞𖽳𖾐 𖼖𖽔𖾐 𖼄𖽔 𖼖𖽪𖾐 𖼣𖽻𖾐．𖼦𖽑𖽺𖾑 𖼳𖽡𖾐 𖼄𖽡𖽺 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼞𖽑𖽙𖾐 𖼀𖽜𖾐 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪 𖼣𖽻𖾐． 9 𖼳𖽡𖾐 𖼄𖽡𖽺 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼳𖽡𖽪，𖼞𖽑𖽶𖾑 𖼽𖽚 𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼠𖽻𖾐 𖼊𖽑𖽺 𖼮𖽑𖽻𖾐 𖼀𖽜𖾐 𖽂𖽙𖾐 𖼺𖽪𖾐 𖼣𖽻𖾐．𖼞𖽪𖾐 𖼮𖽡𖽺𖾐，𖼽𖽚 𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼄𖽡𖾐 𖼳𖽡𖽪 𖼀𖽜𖾐 𖽂𖽙𖾐 𖼄𖽨 𖼺𖽺𖾑，𖼳𖽡𖾐 𖼄𖽡𖽺 𖼮𖽑𖽪𖾐 𖼳𖽶 𖼷𖽑𖽻𖾐 𖼽𖽻 𖼈𖽳𖾐 𖼠𖽻𖾐 𖼊𖽑𖽺 𖼮𖽑𖽻𖾐 𖼄𖽡𖾐 𖼳𖽡𖽪 𖼀𖽜𖾐 𖽂𖽙𖾐．
𖼳𖽡𖾐 𖼂𖽪𖾑 𖼖𖽪𖽦 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼳𖽡𖽪
10 𖼳𖽡𖾐 𖼂𖽪𖾑 𖼖𖽪𖽦 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼺𖽙𖾐 𖼷𖽑𖽺𖾐 𖼞𖽑𖽶𖾑 𖼷𖽑𖽺𖾐 𖼞𖽻𖾐 𖽂𖽙𖾐．
𖼽𖽻 𖼈𖽳𖾐 𖼞𖽻𖾐 𖽂𖽙𖾐 𖼺𖽪𖾐 𖼄𖽡𖾐 𖼊𖽺𖾐 𖼞𖽑𖽶𖾑 𖼺𖽔 𖼖𖽧𖾑 𖼄𖽡𖾐 𖼊𖽺𖾐 𖼮𖽑𖽻𖾐 𖼍𖽪𖾐． 11 𖼺𖽔 𖼖𖽧𖾑 𖼄𖽡𖾐 𖼊𖽺𖾐 𖼮𖽑𖽻𖾐 𖼮𖽡𖾐 𖼖𖽻𖾑 𖼄𖽡𖾐 𖼀𖽳 𖼊𖽦𖾐 𖼽𖽡𖾐 𖼺𖽺𖾑，𖼄𖽔 𖼖𖽔𖾐 𖼖𖽔𖾐 𖼄𖽡𖾐 𖼊𖽺𖾐 𖼮𖽑𖽻𖾐 𖼍𖽕𖾑 𖼂𖽔𖾐 𖼳𖽴𖾑 𖼄𖽡𖾐 𖼊𖽺𖾐 𖼮𖽑𖽡𖾐，𖼹𖽦𖾑 𖼽𖽡𖾐 𖼺𖽺𖾑 𖼽𖽱𖾐 𖼐𖽑𖽡𖽦𖾑 𖼄𖽡𖾐 𖼊𖽺𖾐 𖽃𖽙𖾑 𖼄𖽺 𖼀𖽳 𖼖𖽻𖾐 𖼮𖽻 𖼞𖽳𖾐 𖼮𖽑𖽡𖾐．
12 𖼹𖽦𖾑 𖼺𖽔 𖼖𖽧𖾑 𖼄𖽡𖾐 𖼊𖽺𖾐 𖼮𖽑𖽻𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼰𖽻𖾐 𖼺𖽺𖾑，𖼰𖽧 𖼺𖽶𖾐 𖼖𖽲𖾑 𖼊𖽑𖽔𖾐 𖼂𖽚 𖼄𖽡𖾐 𖼊𖽺𖾐 𖼮𖽑𖽻𖾐，𖼍𖽕𖾑 𖼂𖽡 𖼖𖽔𖾐 𖼄𖽡𖾐 𖼊𖽺𖾐 𖼮𖽑𖽡𖾐，𖼹𖽦𖾑 𖼊𖽦𖾐 𖼽𖽡𖾐 𖼽𖽔 𖼇𖽺𖾐 𖼽𖽕𖾑 𖼄𖽡𖾐 𖼊𖽺𖾐 𖼮𖽑𖽡𖾐． 13 𖼹𖽦𖾑 𖼞𖽑𖽶𖾑 𖼠𖽻𖾐 𖼮𖽑𖽻𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼽𖽡𖾐，𖼰𖽡𖽔𖾐 𖼊𖽑𖽴𖾑 𖼳𖽡𖾐 𖼇𖽮 𖼄𖽡𖾐 𖼊𖽺𖾐 𖼮𖽑𖽻𖾐 𖼺𖽺𖾑，𖼽𖽡 𖼊𖽑𖽴𖾑 𖼰𖽡𖽔𖾐 𖼳𖽲𖾑 𖼄𖽡𖾐 𖼊𖽺𖾐 𖼐𖽺𖾐 𖼖𖽧 𖼄𖽴 𖼄𖽡𖾐 𖼊𖽺𖾐 𖼮𖽑𖽡𖾐，𖼹𖽦𖾑 𖼽𖽡𖾐 𖼺𖽺𖾑 𖼐𖽑𖽧 𖼽𖽕𖾑 𖼄𖽡𖾐 𖼊𖽺𖾐 𖼮𖽑𖽡𖾐． 14 𖼦𖽑𖽔𖾐 𖼖𖽺𖾑 𖼐𖽑𖽧 𖼽𖽕𖾑 𖼄𖽡𖾐 𖼊𖽺𖾐 𖼞𖽳𖾐 𖼳𖽶 𖼐𖽑𖽡𖽻𖾐 𖼄𖽡𖾐 𖼀𖽳 𖼰𖽻𖾐 𖼠𖽚 𖼽𖽡𖾐，𖼦𖽔𖾐 𖼐𖽕 𖼍𖽪𖽺𖾑 𖼄𖽡𖾐 𖼊𖽺𖾐 𖼮𖽑𖽻𖾐 𖼺𖽺𖾑，𖼽𖽡𖾐 𖼇𖽮 𖼊𖽑𖽔𖾐 𖼽𖽡𖾐 𖼖𖽴𖾑 𖼖𖽻𖾐 𖼞𖽑𖽪 𖼮𖽑𖽡𖾐． 15 𖼽𖽻 𖼈𖽳𖾐 𖼀𖽜𖾐 𖽂𖽙𖾐 𖼺𖽪𖾐 𖼖𖽪𖾐 𖼷𖽑𖽡𖾐 𖼐𖽑𖽡 𖼊𖽝𖾐 𖼮𖽻𖾐，𖼦𖽑𖽺𖾑 𖼹𖽻𖾐 𖼠𖽻𖾐 𖼞𖽑𖽶𖾐 𖼰𖽡𖽔𖾐 𖼊𖽑𖽔𖾐 𖼖𖽪𖾐、 𖼐𖽕 𖼦𖽔𖾐 𖼖𖽔𖾐 𖼖𖽪𖾐、 𖼳𖽜𖾐 𖼖𖽪𖽦 𖼖𖽪𖾐、 𖼽𖽡 𖼍𖽕𖾑 𖼖𖽔𖾐 𖼖𖽪𖾐 𖼐𖽺𖾐 𖼂𖽚 𖼖𖽡𖾑 𖼦𖽴 𖼖𖽪𖾐 𖼖𖽺𖾑 𖼞𖽑𖽻𖾑 𖼮𖽑𖽻𖾐，𖼦𖽑𖽔𖾐 𖼖𖽺𖾑 𖼖𖽪𖾐 𖼦𖽑𖽺𖾑 𖼹𖽻𖾐 𖼖𖽙𖾐 𖼞𖽑𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼖𖽺𖾑 𖼮𖽑𖽻𖾐．
16 𖼦𖽑𖽺𖾑 𖼹𖽻𖾐 𖼳𖽡𖾐 𖼂𖽪𖾑 𖼖𖽪𖽦 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼞𖽑𖽙𖾐 𖼀𖽜𖾐 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪 𖼣𖽻𖾐．
𖼽𖽡 𖼺𖽕𖾑 𖼰𖽡𖽔𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼳𖽡𖽪
17 𖼽𖽡 𖼺𖽕𖾑 𖼰𖽡𖽔𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼖𖽡𖾐 𖼷𖽑𖽺𖾐 𖼞𖽑𖽶𖾑 𖼷𖽑𖽺𖾐 𖼞𖽻𖾐 𖽂𖽙𖾐． 18 𖼽𖽻 𖼈𖽳𖾐 𖼞𖽻𖾐 𖽂𖽙𖾐 𖼺𖽪𖾐 𖼄𖽡𖾐 𖼊𖽺𖾐，𖼞𖽑𖽶𖾑 𖼽𖽺𖾐 𖼺𖽶𖾐 𖼖𖽡𖽦𖾑 𖼖𖽪𖾐、 𖼰𖽡𖾐 𖼺𖽪𖾐 𖼖𖽲𖾑 𖼖𖽪𖾐、 𖼳𖽪𖾐 𖼐𖽑𖽡𖽦𖾑 𖼖𖽪𖾐、 19 𖼦𖽔𖾐 𖼇𖽮 𖼖𖽡𖽦 𖼖𖽪𖾐、 𖼳𖽶𖾑 𖽃𖽕𖾑 𖼖𖽪𖾐、 𖼽𖽕𖾑 𖼐𖽕 𖼦𖽔𖾐 𖼖𖽔𖾐 𖼖𖽪𖾐、 20 𖼖𖽔𖾐 𖼂𖽧𖾑 𖼖𖽪𖾐、 𖼰𖽡𖾐 𖼳𖽕𖾑 𖼖𖽪𖾐、 𖼽𖽕𖾑 𖼂𖽡𖽦 𖼖𖽪𖾐、 21 𖼖𖽡𖾑 𖼄𖽡𖽦𖾑 𖼖𖽪𖾐、 𖼽𖽺 𖼠𖽔𖾐 𖼐𖽑𖽧 𖼖𖽪𖾐、 𖼽𖽺 𖼦𖽔𖾐 𖼍𖽕𖾑 𖼖𖽪𖾐 𖼐𖽺𖾐 𖼂𖽚 𖼀𖽑𖽕𖾑 𖼳𖽡𖽱𖾐 𖼖𖽪𖾐 𖼣𖽻𖾐． 22 𖼹𖽦𖾑 𖼊𖽑𖽔𖾐 𖼂𖽚 𖼖𖽪𖾐、 𖼳𖽔𖾐 𖼦𖽔𖾐 𖼳𖽡 𖼄𖽔 𖼖𖽪𖾐 𖼐𖽺𖾐 𖼂𖽚 𖼳𖽶𖾑 𖼄𖽦𖾑 𖼖𖽪𖾐 𖼞𖽳𖾐 𖼮𖽑𖽻𖾐 𖼺𖽺𖾑，𖼽𖽱𖾐 𖼍𖽗𖾑 𖼖𖽻𖾐 𖼮𖽻 𖼖𖽙𖾐 𖼮𖽑𖽡𖾐，𖼖𖽪𖾐 𖼄𖽳𖾑 𖼄𖽳 𖼷𖽑𖽡𖾐 𖼮𖽑𖽡𖽚 𖼊𖽝𖾐 𖼮𖽻𖾐，𖼦𖽑𖽔𖾐 𖼖𖽺𖾑 𖼖𖽪𖾐 𖼦𖽑𖽺𖾑 𖼹𖽻𖾐 𖼖𖽙𖾐 𖼞𖽑𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼖𖽺𖾑 𖼮𖽑𖽻𖾐．
23 𖼦𖽑𖽺𖾑 𖼹𖽻𖾐 𖼽𖽡 𖼺𖽕𖾑 𖼰𖽡𖽔𖾐 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼞𖽑𖽙𖾐 𖼀𖽜𖾐 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪 𖼣𖽻𖾐．
𖼽𖽕𖾑 𖼳𖽴𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼳𖽡𖽪
24 𖼽𖽕𖾑 𖼳𖽴𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼣𖽙 𖼷𖽑𖽺𖾐 𖼞𖽑𖽶𖾑 𖼷𖽑𖽺𖾐 𖼞𖽻𖾐 𖽂𖽙𖾐． 25 𖼽𖽻 𖼈𖽳𖾐 𖼞𖽻𖾐 𖽂𖽙𖾐 𖼺𖽪𖾐 𖼄𖽡𖾐 𖼊𖽺𖾐，𖼞𖽑𖽶𖾑 𖼦𖽺𖾐 𖼰𖽡𖽕 𖼖𖽪𖾐、 𖼦𖽔𖾐 𖼖𖽡𖾑 𖼖𖽪𖾐、 𖼂𖽡 𖼊𖽑𖽡𖽦 𖼖𖽪𖾐、 𖼽𖽔𖾐 𖼳𖽕𖾑 𖼖𖽪𖾐、 26 𖼽𖽕𖾑 𖼖𖽔𖾐 𖼄𖽡 𖼖𖽴𖾑 𖼖𖽪𖾐、 𖼽𖽕𖾑 𖼄𖽚𖾑 𖼖𖽪𖾐、 𖼄𖽡 𖼳𖽔𖾐 𖼖𖽴𖾑 𖼖𖽪𖾐，𖼮𖽡𖾐 𖼖𖽻𖾑 𖼄𖽡𖾐 𖼀𖽳 𖼰𖽡𖽔𖾐 𖼄𖽧𖾑 𖽂𖽙 𖼰𖽡𖽺𖾐 𖼐𖽺𖾐 𖼳𖽡𖾐 𖼦𖽴 𖼖𖽡𖾑 𖼐𖽕𖾑 𖼖𖽪𖾐 𖼞𖽳𖾐 𖼮𖽑𖽡𖾐． 27 𖼹𖽦𖾑 𖼰𖽻𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼂𖽚 𖼍𖽕𖾑 𖼠𖽱 𖼖𖽪𖾐 𖼞𖽳𖾐 𖼽𖽡𖾐 𖼺𖽺𖾑，𖼳𖽡𖾑 𖼂𖽪𖾑 𖼖𖽪𖽦 𖼄𖽡𖾐 𖼊𖽺𖾐 𖼖𖽙𖾐 𖼐𖽳 𖼞𖽳𖾐 𖼮𖽑𖽡𖾐．𖼳𖽶 𖼐𖽑𖽡𖽻𖾐 𖼄𖽡𖾐 𖼀𖽳 𖼽𖽡𖾐 𖼇𖽮 𖼊𖽑𖽔𖾐 𖼽𖽡𖾐 𖼖𖽴𖾑 𖼖𖽻𖾐 𖼞𖽑𖽪、 𖼂𖽚 𖼽𖽡 𖼄𖽚𖾑 𖼖𖽪𖾐 𖼐𖽺𖾐 𖼐𖽑𖽧 𖼽𖽦𖾑 𖼖𖽪𖾐 𖼞𖽳𖾐 𖼮𖽑𖽡𖾐，𖼹𖽦𖾑 𖼽𖽡𖾐 𖼺𖽺𖾑 𖼰𖽡𖽔𖾐 𖼂𖽪𖾑 𖼖𖽴𖾑 𖼖𖽪𖾐 𖼈𖽳𖾑 𖼀𖽳 𖼮𖽑𖽡𖾐， 28 𖼹𖽦𖾑 𖼽𖽡𖾑 𖼂𖽚 𖼖𖽪𖽦 𖼖𖽪𖾐、 𖼖𖽡𖾑 𖼦𖽴 𖼖𖽪𖾐、 𖼦𖽔𖾐 𖼄𖽴 𖼖𖽪𖾐、 𖼰𖽡𖽔𖾐 𖼐𖽕 𖼖𖽪𖾐 𖼮𖽑𖽻𖾐 𖼺𖽺𖾑，𖼳𖽡𖾐 𖼍𖽪𖽺𖾑 𖼖𖽪𖾐 𖼈𖽳 𖼞𖽳𖾐 𖼮𖽑𖽡𖾐． 29 𖼹𖽦𖾑 𖼰𖽻𖾐 𖼖𖽔𖾐 𖼄𖽔 𖼖𖽪𖾐 𖼞𖽳𖾐 𖼮𖽑𖽻𖾐 𖼺𖽺𖾑，𖼻𖽺𖾑 𖼻𖽺𖾐 𖼊𖽴𖾐 𖼍𖽙𖾑 𖼺𖽪𖾐 𖼊𖽑𖽪𖽺𖾐 𖼖𖽚 𖼖𖽪𖾐 𖼞𖽳𖾐 𖼮𖽑𖽡𖾐，𖼹𖽦𖾑 𖼰𖽻𖾐 𖼦𖽴 𖼺𖽕𖾑 𖼖𖽪𖾐 𖼞𖽳𖾐 𖼮𖽑𖽻𖾐 𖼺𖽺𖾑，𖼮𖽡𖾐 𖼖𖽻𖾑 𖼄𖽡𖾐 𖼀𖽳 𖼦𖽜𖾐 𖼄𖽙𖾐 𖼦𖽜 𖼞𖽳𖾐 𖼽𖽕𖾑 𖼠𖽴 𖼳𖽡𖾐 𖼄𖽡𖾐 𖼊𖽺𖾐 𖼮𖽑𖽡𖾐． 30 𖼹𖽦𖾑 𖼈𖽪𖾐 𖼄𖽔 𖼖𖽪𖾐、 𖼽𖽕𖾑 𖼇𖽮 𖼖𖽪𖾐、 𖼖𖽡𖾑 𖼦𖽴 𖼖𖽪𖾐 𖼮𖽻𖾐，𖼖𖽪𖾐 𖼄𖽳𖾑 𖼄𖽳 𖼐𖽑𖽡 𖼷𖽑𖽡𖾐 𖼐𖽑𖽡 𖼊𖽝𖾐 𖼮𖽻𖾐，𖼦𖽑𖽔𖾐 𖼖𖽺𖾑 𖼖𖽪𖾐 𖼦𖽑𖽺𖾑 𖼹𖽻𖾐 𖼖𖽙𖾐 𖼞𖽑𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼖𖽺𖾑 𖼮𖽑𖽻𖾐．
31 𖼦𖽑𖽺𖾑 𖼹𖽻𖾐 𖼽𖽕𖾑 𖼳𖽴𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼞𖽑𖽙𖾐 𖼀𖽜𖾐 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪 𖼣𖽻𖾐．
𖼐𖽕 𖼇𖽮 𖼊𖽑𖽔𖾐 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼳𖽡𖽪
32 𖼐𖽕 𖼇𖽮 𖼊𖽑𖽔𖾐 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼮𖽑𖽡𖽚 𖼷𖽑𖽺𖾐 𖼞𖽑𖽶𖾑 𖼷𖽑𖽺𖾐 𖼞𖽻𖾐 𖽂𖽙𖾐． 33 𖼽𖽻 𖼈𖽳𖾐 𖼞𖽻𖾐 𖽂𖽙𖾐 𖼺𖽪𖾐 𖼄𖽡𖾐 𖼊𖽺𖾐，𖼞𖽑𖽶𖾑 𖼳𖽡𖾐 𖼇𖽮 𖼖𖽡𖾑 𖼖𖽪𖾐、 𖼺𖽔 𖼐𖽕 𖼽𖽺𖾐 𖼖𖽪𖾐 𖼞𖽳𖾐 𖼺𖽧𖾐 𖼈𖽳 𖼷𖽡𖾐 𖼽𖽕𖾑 𖼍𖽕𖾑 𖼄𖽡 𖼐𖽑𖽧 𖼰𖽧 𖼖𖽪𖾐 𖼐𖽺𖾐 𖼽𖽔 𖼂𖽡 𖼐𖽑𖽡𖽦𖾑 𖼖𖽪𖾐 𖼞𖽳𖾐 𖼮𖽑𖽻𖾐 𖼍𖽪𖾐 𖼖𖽔𖾐 𖼠𖽙𖾑 𖼖𖽪𖾐 𖼮𖽑𖽡𖾐，𖼹𖽦𖾑 𖼽𖽱𖾐 𖼍𖽗𖾑 𖼖𖽻𖾐 𖼮𖽻 𖼮𖽑𖽡𖾐． 34 𖼹𖽦𖾑 𖼮𖽡𖾐 𖼖𖽻𖾑 𖼄𖽡𖾐 𖼀𖽳 𖼰𖽻𖾐 𖼽𖽕𖾑 𖼺𖽶𖾐 𖼐𖽕𖾑 𖼊𖽑𖽔𖾐 𖼀𖽑𖽙𖾐 𖼖𖽪𖾐 𖼞𖽳𖾐 𖼮𖽑𖽡𖾐，𖼞𖽑𖽶𖾑 𖼠𖽻𖾐 𖼮𖽑𖽻𖾐 𖼺𖽺𖾑 𖼦𖽪𖾑 𖼠𖽜𖾐 𖼖𖽪𖾐 𖼞𖽳𖾐 𖼮𖽑𖽡𖾐．𖼠𖽳𖾐 𖼻𖽸 𖼄𖽡𖾐 𖼀𖽳 𖼳𖽡𖾐 𖼂𖽪𖾑 𖼖𖽪𖽦 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼮𖽑𖽡𖾐，𖼮𖽡𖾐 𖼖𖽻𖾑 𖼄𖽡𖾐 𖼀𖽳 𖼽𖽕𖾑 𖼳𖽴𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼮𖽑𖽡𖾐，𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼽𖽱𖾐 𖼍𖽗𖾑 𖼖𖽻𖾐 𖼮𖽻 𖼞𖽳𖾐 𖼽𖽚 𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼮𖽑𖽡𖾐．
35 𖼻𖽺𖾑 𖼻𖽺𖾐 𖼊𖽴𖾐 𖼍𖽙𖾑 𖼺𖽪𖾐 𖼖𖽪𖾐，𖼞𖽑𖽶𖾑 𖼳𖽡𖾐 𖼍𖽡𖽺𖾐 𖼖𖽪𖾐、 𖼷𖽑𖽴𖾑 𖽃𖽳 𖼖𖽪𖾐、 𖼦𖽔𖾐 𖼄𖽚𖾑 𖼖𖽪𖾐、 𖼖𖽔𖾐 𖼰𖽡𖽕 𖼖𖽪𖾐、 𖼰𖽡𖾐 𖼐𖽑𖽧 𖼖𖽡𖽦𖾑 𖼖𖽪𖾐、 36 𖼽𖽕𖾑 𖼍𖽕𖾑 𖼄𖽔 𖼖𖽪𖾐、 𖼖𖽔𖾐 𖼄𖽔 𖼖𖽪𖾐、 𖼳𖽡𖽕𖾑 𖼺𖽙 𖼖𖽪𖾐、 37 𖼰𖽡𖾐 𖼍𖽡 𖼺𖽶𖾐 𖼖𖽪𖾐、 𖼽𖽡 𖼍𖽴 𖼖𖽦 𖼖𖽪𖾐、 𖼽𖽺 𖼳𖽡𖽕𖾑 𖼺𖽙 𖼖𖽪𖾐、 38 𖼽𖽡 𖼖𖽡𖾑 𖽂𖽜 𖼖𖽪𖾐、 𖼄𖽧𖾑 𖼍𖽕𖾑 𖼽𖽡𖾐 𖼖𖽴𖾑 𖼖𖽪𖾐、 𖼦𖽴 𖼖𖽡𖽦 𖼖𖽪𖾐、 𖼂𖽚 𖼽𖽕𖾑 𖼐𖽕𖾑 𖼖𖽪𖾐 𖼐𖽺𖾐 𖼂𖽚 𖼳𖽶𖾑 𖼄𖽦𖾑 𖼖𖽪𖾐，𖼖𖽪𖾐 𖼄𖽳𖾑 𖼄𖽳 𖼷𖽑𖽡𖾐 𖼠𖽶𖾐 𖼊𖽝𖾐 𖼮𖽻𖾐，𖼦𖽑𖽔𖾐 𖼖𖽺𖾑 𖼖𖽪𖾐 𖼦𖽑𖽺𖾑 𖼹𖽻𖾐 𖼖𖽙𖾐 𖼞𖽑𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼖𖽺𖾑 𖼮𖽑𖽻𖾐．
39 𖼦𖽑𖽺𖾑 𖼹𖽻𖾐 𖼐𖽕 𖼇𖽮 𖼊𖽑𖽔𖾐 𖼖𖽡𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼞𖽑𖽙𖾐 𖼀𖽜𖾐 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪 𖼣𖽻𖾐．
𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼳𖽡𖽪
40 𖼍𖽗𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐，𖼳𖽶 𖼷𖽑𖽺𖾐 𖼞𖽑𖽶𖾑 𖼷𖽑𖽺𖾐 𖼞𖽻𖾐 𖽂𖽙𖾐．
41 𖼽𖽻 𖼈𖽳𖾐 𖼞𖽻𖾐 𖽂𖽙𖾐 𖼺𖽪𖾐 𖼄𖽡𖾐 𖼊𖽺𖾐，𖼞𖽑𖽶𖾑 𖼺𖽙 𖼖𖽔𖾐 𖼖𖽪𖾐、 𖼽𖽡 𖼳𖽸 𖼊𖽑𖽘 𖼖𖽪𖾐、 𖼽𖽡𖾐 𖽃𖽳 𖼳𖽶𖾑 𖼄𖽦𖾑 𖼖𖽪𖾐、 42 𖼳𖽔𖾐 𖼖𖽔𖾐 𖼂𖽡𖽺𖾐 𖼖𖽪𖾐、 𖼽𖽕𖾑 𖼽𖽔 𖼖𖽪𖽦 𖼖𖽪𖾐、 𖼽𖽡𖾐 𖼊𖽑𖽧 𖼖𖽔𖾐 𖼖𖽪𖾐、 43 𖼽𖽡 𖼖𖽪𖽦 𖼖𖽪𖾐、 𖼊𖽑𖽧 𖼐𖽕 𖼊𖽑𖽔𖾐 𖼖𖽪𖾐、 𖼽𖽡 𖼠𖽴 𖼖𖽪𖽦 𖼖𖽪𖾐、 44 𖼽𖽡𖾐 𖼖𖽡𖾑 𖼊𖽑𖽧 𖼰𖽡𖾐 𖼖𖽪𖾐，𖼰𖽡𖾐 𖼂𖽡 𖼍𖽪𖽺𖾑 𖼖𖽪𖾐、 𖼂𖽔𖾐 𖼖𖽔𖾐 𖼖𖽪𖾐、 45 𖼽𖽡𖾐 𖼦𖽮 𖼍𖽴 𖼖𖽪𖾐、 𖼂𖽡 𖼐𖽑𖽧 𖼂𖽡 𖼖𖽔𖾐 𖼖𖽪𖾐、 𖼰𖽡𖽔𖾐 𖼊𖽑𖽴𖾑 𖼖𖽧 𖼄𖽴 𖼖𖽪𖾐、 46 𖼄𖽺 𖼽𖽺𖾐 𖼞𖽑𖽱𖾐 𖼖𖽪𖾐、 𖼖𖽔𖾐 𖼞𖽑𖽱𖾐 𖼖𖽪𖾐 𖼐𖽺𖾐 𖼽𖽱𖾐 𖼀𖽑𖽕𖾑 𖼖𖽪𖾐 𖼍𖽦 𖼠𖽚 𖼀𖽙 𖼞𖽳𖾐 𖼄𖽡𖾐 𖼊𖽺𖾐 𖼣𖽻𖾐． 47 𖼦𖽑𖽻𖾐 𖼊𖽑𖽻𖾐，𖼍𖽗𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼄𖽡𖾐 𖼊𖽺𖾐 𖼺𖽙𖾐 𖼮𖽑𖽢𖾑 𖼐𖽻𖾑 𖼦𖽑𖽙𖾐 𖼺𖽺𖾑，𖼽𖽻 𖼈𖽳𖾐 𖼊𖽦𖾐 𖼽𖽡𖾐 𖼖𖽡𖾑 𖼳𖽕𖾑 𖼖𖽪𖾐 𖼊𖽑𖽺 𖼊𖽝，𖼖𖽪𖾐 𖼞𖽑𖽶𖾑 𖼊𖽑𖽺 𖼊𖽝 𖽂𖽙𖾐，𖽃𖽔𖾑 𖼊𖽑𖽙 𖼻𖽜 𖼖𖽪𖾐 𖼞𖽑𖽶𖾐 𖼷𖽑𖽻𖾐 𖼊𖽑𖽺 𖼺𖽦 𖼦𖽑𖽙𖾐．𖼽𖽻 𖼈𖽳𖾐 𖼖𖽡𖾑 𖼳𖽕𖾑 𖼖𖽪𖾐 𖼊𖽑𖽺 𖼊𖽝 𖽂𖽙𖾐 𖼺𖽺𖾑，𖼖𖽪𖾐 𖼞𖽑𖽶𖾑 𖼞𖽑𖽶𖾐 𖼮𖽻𖾐，𖼽𖽻 𖼈𖽳𖾐 𖼞𖽳𖾐 𖽃𖽔𖾐 𖼂𖽸𖾑 𖽃𖽔𖾑 𖼄𖽻 𖼍𖽕𖾑 𖼞𖽳𖾐 𖼄𖽡𖾐 𖼻𖽜 𖼺𖽺𖾑，𖼖𖽡𖾑 𖼳𖽕𖾑 𖼖𖽪𖾐 𖼞𖽑𖽶𖾑 𖼊𖽑𖽺 𖼍𖽕𖾑 𖼐𖽺𖾐 𖼄𖽡𖾐．
48 𖼦𖽑𖽺𖾑 𖼹𖽻𖾐 𖼍𖽕𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼈𖽴 𖼮𖽑𖽪𖾐 𖼞𖽑𖽙𖾐 𖼀𖽜𖾐 𖽂𖽙𖾐 𖼺𖽪𖾐 𖼄𖽡𖾐 𖼳𖽡𖽪 𖼣𖽻𖾐．
𖼽𖽱𖾐 𖼳𖽪𖾐 𖼽𖽕𖾑 𖼞𖽳𖾐 𖼄𖽡𖾐 𖼳𖽡𖽪
49 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼄𖽡𖾐 𖼳𖽡𖽪 𖼀𖽜𖾐 𖽂𖽙𖾐 𖼦𖽑𖽻𖾐 𖼠𖽙𖾑 𖼍𖽻𖾐，𖼹𖽦𖾑 𖼽𖽻 𖼈𖽳𖾐 𖼠𖽻𖾐 𖼊𖽑𖽺 𖼮𖽑𖽻𖾐 𖼄𖽡𖾐 𖼳𖽡𖽪 𖼀𖽜𖾐 𖼐𖽜𖾑 𖼞𖽳𖾐 𖼻𖽙 𖼽𖽱𖾐 𖼳𖽪𖾐 𖼽𖽕𖾑 𖼊𖽑𖽺 𖼞𖽜．
50 𖼽𖽻 𖼈𖽳𖾐 𖼽𖽺𖾐 𖼦𖽴 𖼦𖽫 𖼞𖽑𖽙𖾐 𖼄𖽪𖾑 𖼍𖽴𖾑 𖼖𖽙𖾐 𖼮𖽑𖽻𖾐，𖼽𖽱𖾐 𖼳𖽪𖾐 𖼽𖽕𖾑 𖼞𖽑𖽙𖾐 𖼖𖽡𖾐 𖼺𖽪𖾐 𖼽𖽡 𖼇𖽕 𖼖𖽡𖽦 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖽂𖽙 𖼰𖽡𖽺𖾐 𖼀𖽙，𖼊𖽑𖽧 𖼐𖽕 𖼳𖽡𖾐 𖼖𖽔𖾐 𖼖𖽪𖾐 𖼀𖽑𖽨 𖼽𖽻 𖼊𖽑𖽺 𖼞𖽜 𖼦𖽑𖽻𖾐．𖽃𖽔𖾐 𖼺𖽺𖾑，𖼽𖽱𖾐 𖼳𖽪𖾐 𖼽𖽕𖾑 𖼖𖽪𖾐 𖼞𖽑𖽶𖾑 𖼊𖽑𖽺 𖼊𖽴𖾐 𖼂𖽚𖾐，𖼖𖽪𖾐 𖼞𖽑𖽶𖾑 𖼞𖽑𖽶𖾐 𖼮𖽻𖾐． 51 𖼦𖽑𖽺𖾑 𖼍𖽡𖾐 𖼄𖽻 𖼽𖽡 𖼖𖽡𖾑 𖼽𖽕𖾑 𖼺𖽔、 𖼐𖽜𖾑 𖼞𖽳𖾐 𖼻𖽙 𖼽𖽱𖾐 𖼳𖽪𖾐 𖼽𖽕𖾑 𖼐𖽺𖾐 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼞𖽳𖾐 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐，𖼳𖽶𖾑 𖼖𖽚 𖼖𖽪𖾐 𖼞𖽳𖾐 𖼍𖽡𖾐 𖼦𖽑𖽺𖾐 𖽃𖽔𖾑 𖼊𖽪 𖼞𖽳𖾐 𖼽𖽺𖾐 𖼦𖽴 𖼦𖽫 𖽃𖽙𖾑 𖼄𖽺 𖼮𖽑𖽡𖽺 𖼷𖽑𖽺𖾐 𖼞𖽻𖾐，𖼀𖽜𖾐 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼊𖽑𖽺 𖼞𖽜 𖼺𖽪𖾐 𖼄𖽡𖾐 𖼳𖽡𖽪 𖼣𖽻𖾐．𖼽𖽻 𖼈𖽳𖾐 𖼦𖽑𖽺𖾑 𖼖𖽙𖾐 𖼺𖽶𖾑 𖼄𖽡𖾐 𖼳𖽡𖽪 𖼀𖽜𖾐 𖼦𖽑𖽙𖾐．