Nyaraga cĩ ẽẽn Codoi cĩ ẽhẽẽd
Yoanẽ
Yelinit cĩ Nyaraga cĩ ẽẽn Codoi cĩ Yoanẽ
Eheedi balna Yoanẽ tionniaiti cĩ Yesu Kiristo Nyaraga codoi coo, Kirithtianẽt õõgĩ cĩk balna amĩnan nẽ kaavutõ, kĩ doolia cĩgĩnnẽk. Ẽthẽr balna Yoanẽ ĩnõõgõ kallia kiirioit, kĩ Nyekuc, kĩ Yesu Kiristo, ĩthõng ĩtĩrĩth ĩnõõgõ kũtũbũrĩt thoothonniok cĩk limanniok cĩk ẽẽn volongnyiak, cĩk balna aatĩ meelitina cĩ lemnyiowu. Aduwaai balna nẽ lemnyiok ethei ne, ũrũmtẽ balna nẽ kir kĩ Yesu, ĩthõng aga dĩdĩ ngatĩ ẽnnẽ Yesu et cĩ olli, ĩthõng ĩthĩ Ngẽrtĩ Nyekuco buu. Ĩthõng uduwak ĩnõõgõ jurrung ethek ne, ayak katĩ nẽẽgẽ rũgẽt cĩ alna kũdũt, katĩ ngĩ alna ẽlẽmĩ nẽẽgẽ Yesu. Ĩthõng naboo uduwak ĩnõõgõ ethek ne, adiim lemnyiok kĩmĩnanit Nyekuc dõõkĩthĩ, ĩthõng ĩmĩnantõy nẽẽgẽ vẽlẽk. Ẽhẽẽd balna naboo Yoanẽ nyaraga cĩ Nyemut cĩ Abũnna cĩ Yoanẽ.