Nyaraga cĩ ẽẽn Ramma cĩ ẽhẽẽd
Pẽtũrũ
Yelinit cĩ Nyaraga cĩ ẽẽn Ramma cĩ Pẽtũrũ
Eheedi balna Pẽtũrũ tionniaiti cĩ Yesu Kiristo Nyaraga cĩ ẽẽn ramma, lemnyiok õõgĩ balna kõr cĩ aga, nẽ ngatĩ katĩ aruwẽẽnĩ tamanoko. Adiim ngĩ aduwaai nẽ wobjiak cĩk Kiristo kaavutõ dõõkĩthĩ gõõla cĩ anyi Nyekuc kẽbẽlbẽl. Nyaragawa ĩcoo, adiim Pẽtũrũ ĩnõõgõ kithii cĩ ũũngnĩcẽ gẽẽnyĩth cĩ Nyekuco kĩ cĩ Yesu Kiristo, wũ balna arũba nẽẽgẽ ĩcĩnnĩ, kĩ cĩ eet õõgĩ buu cĩk balna arũmẽ kĩ Yesu. Atĩrĩth nẽ ĩnõõgõ, nyatarka limanniok cĩk ẽẽn volongnyiak cĩk balna avvu kõrgẽna cĩ eet cĩk kelethianya cĩgĩk. Alimaneei balna limanniowa cĩk ẽẽn volongnyiak wobjiak cĩk Kiristo avuthit cĩ adĩmanĩ gerthetin, kĩ thõõth cĩ akidanĩ nẽẽgẽ wueet cĩ katĩ õbõdanĩ Kiristo. Ĩthõng thĩ, aduwa Pẽtũrũ athĩ ne, õbõda thẽk katĩ Kiristo, ĩthõng athaan katĩ Nyekuci tammutiddin kĩ looc, ĩthõng ẽtẽngẽnya katĩ nẽ tammutiddin kĩ looc cĩ jõr, ĩthõng ẽẽn katĩ ngineccie, ngĩtĩ arũmẽẽnĩ nẽ kĩ eet cĩgĩnĩk cĩk kolli gerthetin.