Nyaraga cĩ ẽhẽẽd
Jemithi
Yelinit cĩ Nyaraga cĩ Jemithi
Ẽhẽẽd balna Nyaraga coo, Jemithi gõtõnĩ Yesu, cĩ balna aku ẽẽn makayyioit cĩ eet cĩk kelethiawak Yeruthalẽma. Eheedi balna nẽ Nyaraga coo lemnyiok cĩk balna athanni Yeruthalẽma, ĩthõng õõt korookjiowẽy ĩcĩk gaalawu ĩcĩk aatĩ mĩn mĩn kĩ loociok.
Thõõth kir cĩ tiiri Nyaragawa ĩcoo, cĩ balna aduwacĩ Jemithi lemnyiok ẽthẽcĩ ne, adiim thẽk eyeliay leminiti cĩ ẽlẽmĩ nẽẽgẽ Kiristo tiicanẽy cĩgĩk, kĩ avuthita cĩ aatẽ nẽẽgẽ jurrung. Ĩthõng thĩna, ngato atĩrĩthei nẽ ĩnõõgõ gõõl, cĩ woccia athii nẽẽgẽ cĩ adĩmanĩ, thoothonniok cĩk gerthek cĩk õgõõn, kĩ ngẽrẽn, kĩ ngarubitin, kĩ thõõth cĩ abarritẽcĩ nẽẽgẽ thoothonniok cĩk gerthek, kĩ tĩman, kĩ gẽrẽnyõn. Ĩthõng kĩ gõõl cĩ ẽẽlĩ nẽẽgẽ eet ngĩjurrathẽtĩna cĩnĩng. Ĩthõng naboo, eyeleei ĩnõõgõ ngatĩ tiir bũnnathĩtĩ, kĩ ngatĩ athii cĩ ẽngẽrẽnĩ eeti, kĩ lawinit, kĩ moginit, kĩ gẽẽnyĩth rũgẽta cĩ et cĩ ẽẽn lemnyioit cĩ Kiristo.