Tẽgẽl 133
Ẽẽn tẽgẽl cĩ Davide coo, cĩ kõvvõyyĩ naaga tiddina Yeruthalẽma.
1 Õgõõn ngĩ abũnna, ĩthõng ẽmẽdẽ kuu,
katĩ ngĩ abaak gotoonogua ngatĩ odoi rũmẽnta jurrung!
2 Õgõõn kĩ ngooroc cĩ abũnna cĩ atduutothi õõwa,
cĩ arik õkkõ camũnẽẽĩ
cĩ arik õkkõ camũnẽẽĩ ĩcĩk Aarõnĩ,
loota teteboca cĩ cẽrẽm cĩnnĩ.
3 Õgõõn woccia kĩ thĩĩthĩ cĩk Thiir cĩ Hermoni
cĩk atduutothi Thiira cĩ Thionĩ.
Ngatĩ abũtanẽcĩ Makayyioiti gatan cĩnnĩ eet cĩgĩnĩk
rũgẽt cĩ alna kũdũt.