Tẽgẽl 100
Tẽgẽl cĩ dĩhĩthẽntõ.
1 Ebelliothĩk niigia Makayyioit talintia,
niigia eeta cĩk loocu vẽlẽk.
2 Alaac niigia Makayyioit talintia,
ivitia nguuma cĩnnĩ tegeluanĩy cĩk talintiak.
3 Agaac niigia ĩĩtõ ne, ẽẽn Makayyioiti Nyekuc,
ĩnõõnõ wũ balna ẽngẽnycanet ageeta, keegin naaga cĩgĩnĩk,
ĩthõng keegin naaga eet cĩgĩnĩk, keegin athaa cĩk ũũwa nẽnẽ.
4 Itioth niigia araan cĩnnĩ, ĩthõng entewu ĩnõõnõ ne, ibalallẽ,
itioth reerung cĩnnĩ, ĩthõng idihiththu ĩnõõnõ,
entek ĩnõõnõ ne, ibalallẽ, ĩthõng idihiththu thar cĩgĩnĩk.
5 Abũnna Makayyioiti, alna mĩnanĩ cĩnnẽ kũdũt,
alna thõõth cĩnnẽ cĩ athũnnĩ nẽ kũdũt,
kõdõlan eet vẽlẽk cĩk ngaanĩ avvu kõr ĩmma.