Tẽgẽl 93
1 Agam Makayyioiti looc,
ahimit Makayyioiti makathĩt cĩnnĩ kĩ cẽrẽm cĩ alaano,
ĩthõng tiirti ĩbaati cĩgĩnnẽk.
Ẽngẽnyẽt balna nẽ looc kõkõm,
kithii woccia cĩ õmmõnnĩ eeti ĩmma.
2 Aavu balna niia taabawa cunni baa lõõla,
aavu niia balna ngaanĩ ketengenciay kaala vẽlẽk.
3 Makayyioit, õtõmõthõ balna bulucuana,
egerenyit balna bulucuana moloowuanĩy cĩk obbitik,
õtõmõõĩ ngõõtĩ bũlũc õrrõt.
4 Ijiar Makayyioiti moloowua cĩk bulucua cĩk obbitik,
ijiar nẽ moloowua cĩk bulucua cĩk õmmõnnĩ ngõõtĩ,
agam nẽ kaal vẽlẽk tammuatiddina.
5 Makayyioit, tiirti goolliowa cugunniek,
anyĩk dihimitini Ciith cunni kĩdĩhĩmẽ
wathinniok vẽlẽk kũdũt.