Tẽgẽl 87
Ẽẽn tẽgẽl coo cĩ lõgõõ cĩk lõgõõ cĩk Kõõra, cĩ eyeleei makayyioiti belliok kebelit.
1 Ẽtẽngẽnya balna Nyekuci Yeruthalẽm thiira cĩ dĩhĩmĩ,
2 amĩnan Makayyioiti araanet cĩk Thionĩ
kijiar korookjiok vẽlẽk cĩk eet cĩk Yokobĩ.
3 Kõrõõgĩ cĩ gaalawu cobbi cĩ Nyekuco,
õthõõth eeta thoothonniok cugunik cĩk abulanneta.
4 “Keheedi katĩ na Rahaba kĩ Babilonia loota,
eetĩnẽy ĩcĩk ẽlẽmnya aneeta,
kĩ Vilithia kĩ Tire buu kõdõwẽ kĩ Kuuth,
ĩthõng katĩ ĩĩtõ nẽẽgẽ ne,
‘Arittiay balna eeti coo Thiona.’ ”
5 Dĩdĩ, õthõõth katĩ eeta, nyatarka Thion athĩ ne,
“Arittiay balna eeti coo kĩ et nĩcẽ Thiona,
ĩthõng katĩ ẽtẽngẽny Nyekuci cĩ Ijiar vẽlẽk Thion.”
6 Ẽhẽẽd katĩ Makayyioiti Nyaragawa ĩcĩ eetu athĩ ne,
“Arittiay balna eeti coo Thiona.”
7 Kĩcĩ abũ eeta tulẽlẽt, ĩthõng ebelliõy ĩĩtõ ne,
“Aku gatanĩ vẽlẽk Thiona.”