Tẽgẽl 85
Ẽẽn tẽgẽl coo cĩ lõgõõ cĩk lõgõõ cĩk Kõõra, cĩ eyeleei makayyioiti belliok kebelit.
1 Makayyioit, agatanu balna niia looc cunni,
anyiwu niia eet cĩk Yokobĩ kaavutõ jurrung naboo.
2 Atamatiwu balna niia gerthetin cĩ eet cugunik,
kĩĩ bung niia thoothonniok cĩgĩk cĩk gerthek vẽlẽk.
3 Ĩbĩlẽ balna niia varac cunni ĩcĩnĩng,
ĩthõng nyẽẽĩ varac cunni cĩ tiiri õrrõt wo.
4 Nyekuc Ellioit cĩnang, bõdaet ageeta,
ĩthõng nyĩ ngaanĩ avaracĩcet ageeta.
5 Avaracĩcet katĩ niia ageeta kũdũt?
Avaracii katĩ niia eet vẽlẽk cĩk katĩ ngaanĩ arittiay buu?
6 Anyet katĩ niia ageeta kiittia tiirti naboo katĩngan,
kĩĩ katĩ woccia kidihiththi eeta cugunniek aniitia?
7 Makayyioit, yelehet mĩnan cunni cĩ alna kũdũt ageeta,
ĩthõng anyet ageeta elinit cunni.
8 Kathĩrari katĩ na thõõth cĩ katĩ õthõõth Makayyioiti Nyekuci.
Aduwaai nẽ ganõn eet cĩgĩnĩk cĩk callĩk,
ĩthõng thĩ, athii woccia nẽẽgẽ cĩ amiirothi gerthetin naboo.
9 Dĩdĩ obokci elinti cĩnnẽ ĩcĩ eet cĩk ongollie ĩnõõnõ,
ĩthõng aavu woccia bulẽnĩtĩ cĩnnẽ looca cĩnac.
10 Aruumõy mĩnanĩ cĩnnẽ kĩ thõõth cĩnnĩ cĩ athũnnĩ nẽ kõdõwẽ,
arabũũtõy bũnnathĩtĩ kĩ ganõn nyaguana dõ.
11 Akula thõõth cĩnnẽ cĩ athũnnĩ nẽ loota,
ĩthõng ẽdẽnya bũnnathĩtĩ looc tammuatiddina.
12 Anyet katĩ Makayyioiti ageeta gii cĩ abũnna dĩdĩ,
ĩthõng katĩ ibbir lõõcĩ cĩnac.
13 Õkkõ bũnnathĩtĩ ĩcĩ nguum cĩnnĩ,
ĩthõng ĩdĩmanek nẽ gõõl cĩnnĩ kũbũna.