Tẽgẽl 61
Ẽẽn tẽgẽl cĩ Davide coo, cĩ eyeleei makayyioiti belliok kebelit, ĩthõng uruit kidõrẽta.
1 Nyekuc, thĩk tuluwi cannĩ,
thĩrar lawinit cannĩ.
2 Kavvuyyi na aniitia ma ngĩ keeni rẽẽn kĩ kõrõõk,
ĩthõng kavvuyyi na aniitia katĩ ngĩ apĩrna thĩnĩn cannie,
bitia thiira ĩcĩ obbi cĩ kalugunyẽnẽ nana.
3 Nyatarka eeni niia ngĩtĩ kalugunyẽnẽ nana,
ngĩtĩ alũwẽ kõkõm katamac mĩrõk.
4 Kadiimi ngĩ kaavẽ õlõõ cunni rũgẽta cannĩ vẽlẽk,
anya kulugunyie kavutẽnẽy cugunik.
5 Nyekuc, ithiwu balna niia kõngan cannĩ,
ĩthõng anya kabarĩc gii cĩ eet cĩk ongollie thar cugunik.
6 Toorĩk erkinya cĩk alaanak kĩĩ mẽẽlĩ,
erkinya cĩgĩnĩk cĩk meelĩk cĩk eet cĩk katĩ ngaanĩ avvu.
7 Nyekuc, anyĩk woccia ĩnõõnõ kagam eet,
nguuma cunni kũdũt,
thũũtĩ ĩnõõnõ mĩnana cunni ĩcĩ alna kũdũt,
kĩ thõõtha ĩcĩ athũnnẽ niia.
8 Ĩthõng thĩ, kebelei katĩ na dĩhĩthẽnĩt thar cugunik,
ĩthõng kũthũtẽ katĩ thoothonniok
cĩk kõngan cannĩ dõõkĩthĩ.