Tẽgẽl 58
Ẽẽn tẽgẽl cĩ Davide coo, cĩ eyeleei makayyioiti belliok kebelit.
1 Aduwuanu woccia niigia makayyiowa thõõth cĩ abũnna?
Engeryu woccia thoothonniok kõrgẽna ĩcĩ eetu bũnnatina?
2 Athii tõ, amukcu niigia thinnetinẽy cuguk thõõth cĩ gerthe,
ĩthõng gẽrthẽ niigia õrrõt jora.
3 Ẽgẽrẽthan eeta cĩk gerthek thoothonniok rũgẽta cĩnĩng vẽlẽk.
Aduwa volongnyiok ngaatĩ balna aritianĩ.
4 Abbĩththĩ madocĩ ĩcĩnĩng,
kaavu kĩ madocĩ cĩ kũwaato.
Adĩĩt nẽẽgẽ kĩĩn cĩgĩk kaavutõ
kĩ kũwaat cĩ athii cĩ athĩhĩ molook,
5 athii kũwaat cĩ athĩhĩ molook cĩ et cĩ ebelei ĩnõõnõ tẽgẽl,
kõdẽ woyyia ngĩ ẽgẽẽnyĩ eeti cĩ ẽbẽl tẽgẽl wo.
6 Nyekuc, lib nyĩgĩt cĩgĩk,
Makayyioit, lib nyĩgĩt cĩgĩk
cĩk õgõõn kĩ nyĩgĩta cĩk maatu.
7 Anyĩk woccia ĩnõõgõ kithiicõ
kĩ maama cĩk arik kithiicõ.
Mĩ agurut nẽẽgẽ kirihinya cĩgĩk,
anyĩk nyarangĩt cĩgĩk kũmũtũnycẽ.
8 Anyĩk ĩnõõgõ kaavutõ kĩ logoruana
cĩk uungni maam cĩk obooyi kithiicõ.
Anyĩk ĩnõõgõ kaavutõ kĩ doolec cĩ dĩcĩ
cĩ uukciay cĩ adaak vẽlẽk,
cĩ athii cĩ acĩn lanyĩt.
9 Aviil katĩ Nyekuci ĩnõõgõ ngatĩvõrĩ vẽlẽk,
tamanoko kĩ ijjia cĩ akci guyyia cobbi rĩmmay.
10 Ẽbẽlbẽl katĩ eeta cĩk abũnna,
katĩ ngĩ ẽtẽd Nyekuci thoothonniok cĩk gẽrẽthanniowu,
õwõ katĩ nẽẽgẽ biyyietĩy cĩk eet cĩk gerthek.
11 Ĩthõng thĩ, athĩ katĩ eeta ne,
“Amũda katĩ eeta cĩk abũnna kaal cĩk abũnna,
ĩthõng dĩdĩ aavĩ Nyekuci
cĩ ẽngẽr thoothonniok cĩk loocu.”