Tẽgẽl 8
Ẽẽn tẽgẽl cĩ Davide coo, cĩ eyeleei makayyioiti belliok kebelit.
1 Makayyioit, Makayyioit cĩnang,
abulie thara cugunniek looc vẽlẽk!
Arawak dĩhĩthẽnĩtĩ cunnie tammutiddin.
2 Ebellie katĩ doolia kĩ dõõlĩ cĩk nga õrõõktĩ,
anyĩk niia ĩnõõgõ kebelit dĩhĩthẽnĩt,
nyatarka anyiwu niia mĩrõk cugunik kitivantẽ,
ĩbĩlẽ niia et cĩ aburni aniitia.
3 Mĩ kacini na tammutiddin,
ẽẽn tiic cĩ athĩn cugunik,
kĩ nyĩĩlok kĩ mũnyũny
wũk balna adĩmaneei niia ngatĩ aatẽ ẽẽ.
4 Ẽẽn eeti nyia cĩ yoko amui niia ĩnõõnõ wo,
kõdẽ ẽẽn ngẽrtĩ eeto nyia cĩ athũnnẽ niia ĩnõõnõ wo?
5 Anyi balna niia ĩnõõnõ kĩĩ dĩc kĩ anjĩlẽta,
ĩthõng anyiwu ĩnõõnõ bulẽnĩt kĩ tongolinit.
6 Anyiwu balna niia ĩnõõnõ kagam kaal
wũk balna ẽngẽnyca niia vẽlẽk,
ĩthõng anyiwu ĩnõõnõ makathĩt
cĩ agamĩ nẽ kaal vẽlẽk,
7 athaa kĩ tĩĩn vẽlẽk,
kẽlẽgẽ cĩk bõõnak buu,
8 kĩballĩ cĩk tammutiddino
kĩ kulugua cĩk bulucuanu,
kĩ kaal vẽlẽk cĩk othootti bulucuanĩy.
9 Makayyioit, Makayyioit cĩnang,
abulie thara cugunniek looc vẽlẽk!