Vurtẽẽn cĩk kõrõõk cĩ Ethau
36
Thaaryiok cĩk vurtẽẽn cĩk dõõlĩ cĩk Ethau cĩ athĩ thar õõgĩ Ẽdõm cĩkkõ.
2 Attĩha balna Ethau ngaay cĩgĩnĩk looca cĩ Kananĩ. Ẽẽn Adaa doo cĩ Ẽlõnĩ cĩ ẽẽn et cĩ Hiiti, ĩthõng Oholibama baatĩnnĩ cĩnnĩ Ana, ĩthõng baatĩ Ana Thibionĩ wũ ẽẽn Hivit,
3 ĩthõng naboo itiha Ethau Bathmath doo cĩ Ĩthĩmaĩlĩ, ĩthõng ngõõnĩ Nebaioth cĩ ẽẽn ngẽrtĩ Ĩthĩmaĩlĩ.
4 Arittiai balna Adaa Ethau logoo cĩ athĩ Elivath, ĩthõng itirria Bathmathĩ logoo cĩ athĩ Reul.
5 Ĩthõng itirria Oholibama Jeuth, Jalam kĩ Kõõra. Lõgõõ balna cĩkkõ cĩk Ethau, wũk balna arittia nẽ looca cĩ Kananĩ.
6 Ma baa natẽ, ũlũta Ethau ngaay kĩ dõõlĩ kĩ tionniok kĩ kaal kĩ ijjio cĩgĩnĩk vẽlẽk wũk balna amũda nẽ looca cĩ Kananĩ, ĩthõng uluuk ũtũngek nẽ gõtõnĩ cĩnnĩ Yokob natẽ, ĩthõng ũũk looca ĩcĩ rẽẽnĩ,
7 nyatarka ayak balna nẽẽgẽ kaal cĩk meelĩk cĩgĩk õrrõt ngatĩ arũmẽẽnĩ kõdõwẽ, athii baa lõõcĩ cĩ aatẽ nẽẽgẽ ẽẽ, cĩ ẽlẽnõy kĩ ĩnõõgõ kĩ kaal buu.
8 Ngaatĩ thĩ baa õkkõ abaaĩ Ethau wũ athĩ ĩnõõnõ thar õõgĩ Ẽdõm wo, thiiryiowẽy ĩcĩk looc cĩ Thẽĩrĩ.
9 Thaaryiok cĩk vurtẽẽn cĩk dõõlĩ cĩk Ethau cĩkkõ, baatĩ eet cĩk looc cĩ Ẽdõmĩ thiiryiowẽy ĩcĩk Thẽĩrĩ.
10 Thaaryiok cĩk lõgõõ cĩk Ethau cĩkkõ, Elivathi logoo cĩ Adaa, Reul logoo cĩ Bathmathĩ.
11 Lõgõõ cĩk Elivathi cĩkkõ, Tẽman, Õmar, Thevo, Gatam kĩ Kẽnaath.
12 Ayak balna naboo Elivathi ngaa ĩmma cĩ athĩ Timna, cĩ balna aritai ĩnõõnõ logoo cĩ athĩ thar Amalek. Lõgõõ cĩk Adaa ngaa cĩ Ethau wo cĩkkõ.
13 Thar cĩk lõgõõ cĩk Reuli cĩkkõ. Nahath, Thẽẽra, Thammaa kĩ Mithaa. Lõgõõ cĩk Bathmathĩ ngaa cĩ Ethau balna cĩkkõ.
14 Athĩ balna ngaa cĩ Ethau ĩmma Oholibama, ĩthõng ẽẽn balna Oholibama baatĩnnĩ cĩnnĩ Ana, ĩthõng baatĩ Ana Thibionĩ. Ĩthõng itirria Oholibama lõgõõ cĩk athĩ Jeuth, Jalam kĩ Kõõra.
Alaanẽt kĩ makayyiok cĩk looc cĩ Ẽdõmĩ
15 Ẽẽn balna doolia cĩk dõõlĩ cĩk dõõlĩ cĩk Ethau makayyiok.
Logoo balna cĩ ẽẽn abuu cĩ Ethau Elivathi. Ĩthõng itirria nẽ makayyiok õõ Tẽmanĩ, Õmarĩ, Thevo, kĩ Kẽnaath,
16 Kõõra kĩ Gatam kĩ Amalek. Dõõlĩ kĩ makayyiok cĩk Elivathi looca cĩ Ẽdõmĩ, ẽẽn balna nẽẽgẽ dõõlĩ cĩk dõõlĩ cĩk Adaa.
17 Makayyiok balna cĩk avvu ĩcĩ vurut cĩ Ethau kĩ Bathmath lõgõõ cĩk õõ Reuli looca ĩcĩ Ẽdõmĩ wo, Nahath, Thẽẽra, Thammaa, kĩ Mithaa.
18 Lõgõõ cĩk Ethau kĩ ngaa cĩnnĩ Oholibama cĩ ẽẽn baatĩnnĩ cĩnnĩ Ana õõ, Jeuthi, Jalam kĩ Kõõra.
19 Lõgõõ balna cĩk Ethau cĩkkõ, cĩ athĩ thar õõgĩ Ẽdõm.
Lõgõõ cĩk Thẽĩrĩ cĩkkõ
20 Ẽẽn balna Thẽĩrĩ et cĩ eet cĩk Hõõrĩ, abaak looca nĩcẽ. Lõgõõ cĩgĩnĩk õõ, Lotanĩ, Thobal, Thibion kĩ Ana,
21 Dithon, Ether kĩ Dithan. Lõgõõ cĩk Thẽĩrĩ cĩkkõ cĩk aatĩ looca ĩcĩ Ẽdõmĩ ẽẽn balna makayyiok cĩk Hõõrĩ.
22 Lõgõõ balna cĩk Lotanĩ õõ, Hõõrĩ, Homam, ngõõnĩ balna cĩ Lotanĩ Timna.
23 Lõgõõ balna cĩk Thobalĩ õõ, Alvani, Manahath, Ebal, Theevo kĩ Õnam.
24 Lõgõõ balna cĩk Thibionĩ õõ, Aia kĩ Ana. Ana coo noko wũ balna ijiowa duwwo cĩ aaburi maama baatha, baa ngĩ ẽgẽwanĩ nẽ thigirie cĩk baatĩnnĩ Thibionĩ.
25 Dõõlĩ balna cĩk Ana cĩkkõ. Ẽẽn Dithonĩ logoo cĩ maacĩ, ĩthõng ẽẽn Oholibama doo cĩ ngayyi.
26 Lõgõõ cĩk Dithonĩ balna õõ, Hemdan, Ethban, Ithran kĩ Ceran.
27 Lõgõõ cĩk Ethẽrĩ balna õõ, Bĩlhan, Thaavan kĩ Akan.
28 Lõgõõ cĩk Dithanĩ balna õõ, Uth kĩ Aran.
29 Makayyiok cĩk eet cĩk Hõõrĩ õõ, Lotan, Thobal, Thibion, Ana,
30 Dithon, Ether kĩ Dithan. Makayyiok balna cĩk Hõõrĩ cĩkkõ balna ngĩ abaak nẽẽgẽ vatĩkẽy mĩn mĩn looca ĩcĩ Thẽĩrĩ.
Makayyiok cĩk looc cĩ Ẽdõmĩ
31 Alaanẽt cĩk balna agam looc cĩ Ẽdõmĩ baa ngaanĩ kagamit alaanẽta cĩk Ĩthraĩlĩ looc.
32 Ikiyyia balna Bẽẽla ngẽrtĩ Beorĩ, ĩthĩ alaan cĩ looc cĩ Ẽdõmĩ. Akanothi balna kõrõõk cĩnnĩ cĩ gaalawu thara cĩk athĩ Dinhaba.
33 Ma baa ngĩ adaak Bẽẽla, ikiyyia abarĩc Jobabĩ ngẽrtĩ Thẽẽra cĩ looc cĩ Bothra ĩthĩ alaan.
34 Ma baa ngĩ adaak Jobabĩ, ikiyyia Huthamĩ cĩ aku eetĩnẽy ĩcĩk ẽẽn Tẽman abarĩc ĩnõõnõ ĩthĩ alaan.
35 Ma baa ngĩ adaak Huthamĩ, ikiyyia Hadadĩ ngẽrtĩ Bẽdaadĩ, wũ balna umur Midian looca cĩ Mõabĩ, abarĩc ĩnõõnõ kĩĩ alaan. Akanothi balna kõrõõk cĩnnĩ cĩ gaalawu thara cĩk athĩ Avith.
36 Ma baa ngĩ adaak Hadadĩ, ikiyyia abarĩc ĩnõõnõ eeti cĩ athĩ Thamla cĩ aku looca cĩ Mathrẽka ĩthĩ alaan.
37 Ma baa ngĩ adaak Thamla, ikiyyia abarĩc ĩnõõnõ Thaul eeti cĩ aku looca cĩ Rehobothĩ Lĩĩla cobbi cĩ Yuvarẽthĩ ĩthĩ alaan.
38 Ma baa ngĩ adaak Thaul, ikiyyia Bal Hananĩ ngẽrtĩ et cĩ athĩ Acbor abarĩc ĩthĩ alaan.
39 Ma baa ngĩ adaak Bal Hananĩ ngẽrtĩ Acborĩ, ikiyyia abarĩc eeti cĩ athĩ thar Hadad ĩthĩ alaan. Athĩ baa kõrõõk cĩnnĩ cĩ gaalawu thar Pau, ĩthõng athĩ baa ngaa cĩnnĩ thar Mẽhẽtabẽl bũwẽnyĩ Mẽtẽrẽd, Mẽtẽrẽdĩ bũwẽnyĩ Mẽthahab.