Adait Nyekuci kĩ Abraham Ngẽrẽmngẽrẽm
15
Ma baa vurtia cĩ thoothonniok cĩkkõ vẽlẽk, ikiyyia ayak Abramĩ ngonothinet ĩmma. Ma balna ngĩ ongonothi nẽ, athĩrar Makayyioit Nyekuc ngatĩ ẽthẽcĩ ĩnõõnõ ne, “Abram, nyĩ ongollie, keeni na kilib cunni, kagatanni katĩ na aniitia õrrõt.”
2 Ẽdẽcĩ kẽnnẽ Abramĩ ĩnõõnõ ethei ne, “Makayyioit cĩ eeni Tiiryioit, keeni na et cĩ athiina doolec tõ. Mĩ kadaaha, abarĩc katĩ nyakapanaiti cannie Eliẽthẽrĩ cĩ Damathkathĩ balinit cannĩ. Aanya woccia katĩ niia aneeta nyia?
3 Ĩthõng thĩ, kĩcĩ athii cĩ anya niia aneeta dõõlĩ wo, abarĩc katĩ nyakapanaiti kaganoko balinit cĩ kõrõõk cannĩ wo.”
4 Ma natẽ, ethek Makayyioiti Abram ne, “Athii katĩ cĩ abarĩc Eliẽthẽrĩ balinit cunni, ngeruni kir cĩ katĩ abarĩcĩ.”
5 Ma natẽ, ũũwĩ Nyekuci Abram ngatĩvõrĩ, ĩthõng ethek ne, “Dẽẽnya da nõõnõ tammutiddin, ĩthõng icinu katĩ woccia ngĩ ekebi mũnyũny, mĩ woccia ekebi ĩnõõgõ, ekebi katĩ dõõlĩ cĩk kõkkõ kaanyi na aniitia buu.”
6 Ngaatĩ ẽlẽmĩ balna Abramĩ thõõth cĩ Makayyiokto, ĩthõng nyatarka leminit cĩnnĩ, ikiyyia ẽlẽm Makayyioiti ĩnõõnõ ngatĩ ẽnnẽ et cĩ abũnna.
7 Ma natẽ, othoothĩk nẽ Abram ethek ne, “Keeni na Makayyioit wũ balna kayahani aniitia õlõõ cĩ gaalawu ĩcĩ Uri looca cĩ Kaldea kikiyyia kaanyi aniitia looc coo wo.”
8 Ma naboo natẽ, ijin Abramĩ Nyekuc ethek ne, “Makayyioit cĩ eeni Tiiryioit, kagga katĩ na ngatĩ ẽnnẽ lõõcĩ coo cannĩ kuu?”
9 Ẽdẽcĩ Makayyioiti ĩnõõnõ ethei ne, “Yehaha da moolet cĩ ngayyi kĩ ẽẽth cĩ ngayyi kĩ mĩrkĩc cĩk ayak nẽẽgẽ vẽlẽk erkinya iyyio, ĩthõng ayaha ballo kĩ kurrie buu.”
10 Ngaatĩ ayahacĩ Abramĩ Nyekuc kaal cĩkkõ vẽlẽk, ĩthõng apak kĩĩtõ ramma ramma, ĩthõng ẽthẽdanẽk kabariciõy cĩk ẽẽn ramma. Ĩthõng athii balna nẽ cĩ ẽtẽd ballo kĩ kurrie kõrgẽna.
11 Ma natẽ, ukullia kodobbwuana ivitia adait kẽlẽgẽ nĩĩkẽ, ĩthõng itingka Abramĩ ĩnõõgõ.
12 Ma balna ngĩ õbõwẽ okolothĩk kõr, ivitia agamtaĩ Abram kĩnyaha õrrõt, ĩthõng ikiyyiak ĩnõõnõ muwuri, ĩthõng agam ĩnõõnõ tongolinti cobbi õrrõt.
13 Ngaatĩ ẽthẽcĩ Makayyioiti ĩnõõnõ ne, “Gaa thĩ ngatĩ avvu katĩ abaak doolia cugunniek looca ĩcĩ rẽẽng pir. Adĩman katĩ eeta cĩk looc nĩcẽ ĩnõõgõ buth, ĩthõng aritõ ĩnõõgõ kĩĩtõ nyakapanak erkinya eet etĩmma (400).
14 Ĩthõng thĩ, kõkkõ katĩ kedethi na eet cĩk looc cĩ anyi ĩnõõgõ kĩĩtõ nyakapanak ẽẽ. Ĩthõng vurtia cĩnnĩ, aluuga katĩ nẽẽgẽ looca ĩcĩ rẽẽng ẽẽ. Õyõwõta katĩ nẽẽgẽ balinit cobbi õrrõt.
15 Ĩthõng niinia Abramĩ, arugi katĩ niia erkinya cĩk meelĩk õrrõt. Ĩthõng adaai katĩ niia jurrung, ĩthõng õõt ũrũmtewu kĩ baajigu cugunik.
16 Ayak katĩ doolia cĩk dõõlĩ cĩk dõõlĩ cugunik erkinya eet etĩmma (400) ngaanĩ koboddia kivitia ngato. Athii katĩ cĩ kingka na eet cĩk Amõrĩ tamanoko, nyatarka ngaanĩ gerthetini cĩnĩng kĩthĩ maka õrrõt.”
17 Ma balna ngĩĩ lõõcĩ muwur, acĩn kẽnnẽ Abramĩ kithinga cĩk ayak guo cĩ aburrut õrrõt, ĩthõng naboo ĩcĩn lanyĩt cĩ atũũthĩ kõrgẽna ngatĩ õbõwõy kĩ kẽlẽgẽ wũk balna apak nẽ.
18 Ĩthõng kõr nĩcẽ, ikiyyia adait Makayyioiti kĩ Abram ngẽrẽmngẽrẽm. Ngaatĩ ẽthẽcĩ nẽ Abram ne, “Kẽlẽma na ngatĩ kaanyĩcẽ eet cĩk tatũk cunni looc nĩcẽ vẽlẽk. Ithianaĩ katĩ lõkõrẽa cĩ Ijibi kõdõlan Lĩĩl cobbi cĩ Yuvarẽthĩ,
19 ẽẽn lõõcĩ coo cĩ eet cĩk Keini, Kẽnathĩ kĩ cĩk Kadmonĩ,
20 Hiiti, Perithiti, kĩ cĩk Rẽvaĩtĩ,
21 Amõrĩ, kĩ cĩk Kananĩ, Girgathĩt, kĩ cĩk Jebu buu.”