Dõõlĩ cĩk lõgõõ cĩk Nõõwa
10
Ma baa vurtia cĩ towono, ivitia itiryia lõgõõ cĩk Nõõwa õõ Thẽm, Ham kĩ Javeth lõgõõ cĩgĩk cĩk meelĩk õrrõt.
Vurtẽẽn cĩk Javethĩ
2 Ayak balna Javethĩ lõgõõ cĩk maacĩk cĩk athĩ thar cĩgĩk, Gõmẽr, Magõg, Madaĩ, Javan, Tubal, Mẽthẽk kĩ cĩ athĩ Tirath.
3 Ĩthõng ikiyyia balna ayak Gõmẽrĩ lõgõõ cĩk maacĩk athĩ thar cĩgĩk, Athkenath, Rivath kĩ Togarma.
4 Ĩthõng balna ikiyyia ayak Javanĩ buu lõgõõ cĩk maacĩk athĩ thar cĩgĩk, Elithaa, Tarthith, Kittim kĩ cĩ athĩ Rodanĩm.
5 Ĩthõng balna ivitia vurtẽẽna cĩk Javethĩ wũk eet wũk balna õwõ kõvõwõlẽtẽy bũlũca, ĩthõng athaantothĩk loociok cĩgĩk, õthõõth nẽẽgẽ thõõtha ĩcĩnĩng mĩn mĩn.
Vurtẽẽn cĩk Hamĩ
6 Ayak balna Hamĩ buu lõgõõ cĩk maacĩk cĩk athĩ thar cĩgĩk, Kuuth, Mĩthraim, Puut kĩ Kanan.
7 Ĩthõng balna ikiyyia ayak Kuuthi buu dõõlĩ cĩk maacĩk cĩk athĩ thar cĩgĩk, Thẽba, Havila, Thabta, Raama kĩ Thabteka. Ĩthõng balna ayak Raama lõgõõ cĩk athĩ Thẽbaa kĩ Dedan.
8 Ayak balna Kuuthi ngẽrĩnĩ ĩmma naboo cĩ athĩ Nimrod cĩ baa aku ẽẽn dootit õrrõt looca.
9 Ẽẽn balna nẽ et cĩ alĩhẽ agayyi õrrõt nguuma cĩ Makayyiokto, ĩnõõnõ thĩ cĩ athĩ eeta ne, “Aduwõy eeti coo kĩ Nimrod wo, et wũ alĩhẽ õrrõt nguuma ĩcĩ Makayyiokto.”
10 Ithianaĩ balna Nimrodĩ agam eet cĩk korookjiok cĩk gaalawu cĩk Babilonia, kĩ cĩk Eriki, kĩ Akaad, kĩ cĩk Calne looca ĩcĩ athĩ Thinaar.
11 Ma natẽ, ũũk nẽ looca cĩ Athiria, ĩthõng ẽtẽngẽny korookjiok cĩk gaalawu cĩk obbitik cĩk balna athĩ Nineve, Rehoboth, Ir, Caala,
12 kĩ cĩ Rẽthẽnĩ cĩ ẽẽn kõrõõk cĩ gaalawu cobbi, cĩ balna aavĩ kõrgẽna cĩ Nineve kĩ Caala.
13 Ĩthõng balna ĩthĩ Mĩthraĩmĩ baatĩ eet cĩk Ludi, Anaamĩ, Lehabĩmĩ, Navtuhĩm,
14 Pathruthi kĩ cĩk Kathlu, cĩk aritianĩ eeta cĩk athĩ Vilithia kĩ Kavtorit.
15 Ayak balna Kananĩ logoo cĩ ẽẽn abuu cĩ athĩ thar cĩgĩnĩk, Thidon, kĩ eet cĩk athĩ Hiit,
16 Jebu, Amõrĩt, Girgathĩt,
17 Hivit, Arkit, Thiniti,
18 Arvadi, Thẽmarĩ kĩ Hamĩ.
Ma baa vurtia ivitia athaantẽ vurtẽẽna cĩk eet cĩk Kananĩ,
19 ithiananĩ balna lõkõrẽ cĩ looc cĩ Kananĩ, Thidona kõdõlan Gẽrar ngatĩ õbõwõy kĩ Gatha, ĩthõng ũũk lõkõrẽ ĩcĩ Thõdõmĩ, Gõmõra, Adma, Theboim, ngatĩ õbõwõy kĩ Latha.
20 Ĩthõng balna lõgõõ cĩk Hamĩ wo cĩkkõ, vurtẽẽnĩy ĩcĩgĩk kĩ thoothiowẽy ĩcĩgĩk, lõkõrẽtẽy kĩ loociowẽy.
Vurtẽẽn cĩk Thẽmĩ
21 Ẽẽn balna Thẽmĩ gõtõnĩ Javeth cobbi, ĩthõng balna ayak nẽ lõgõõ cĩk maacĩk. Ẽẽn balna Thẽmĩ baatĩ baatĩ lõgõõ cĩk Ẽbẽrĩ vẽlẽk.
22 Ĩthõng ayak balna Thẽmĩ lõgõõ cĩk athĩ thar cĩgĩk, Elam, Athhur, Arpaththad, Lud kĩ Aram.
23 Ayak balna Aramĩ buu lõgõõ cĩk athĩ thar cĩgĩk, Uth, Hul, Gẽthẽr kĩ Mẽthẽth.
24 Ma baa natẽ, ikiyyia ĩthĩ Arpaththadĩ baatĩ Thẽẽla, ĩthõng ikiyyia ĩthĩ Thẽẽla baatĩ Ẽbẽrĩ.
25 Ayak balna Ẽbẽrĩ dõõlĩ cĩk maacĩk ramma, athĩ cĩ ẽẽn abuu thar Pẽlẽk,a nyatarka balna engeryiõy eeta loota ngato vẽlẽk wathinniowẽy wũk balna aritianĩ nẽnẽ. Ĩthõng athĩ gõtõnĩ Jõktan.
26 Ẽẽn balna Joktanĩ baatĩ Almodadi, Thelevi, Hatharmaveth, Jera,
27 Hadoram, Uthal, Dikila,
28 Obal, Abimael, Thẽbaa,
29 Ovir, Havila kĩ Jobab. Ẽẽn balna cĩkkõ vẽlẽk lõgõõ cĩk Joktanĩ.
30 Ma balna ngĩ ĩvĩjak lõkõrẽ ithiananĩ ĩcĩ Mẽtha kõdõlan Theva tõõna ĩcĩ alibanĩ kõr thiiryiowẽy.
31 Ẽẽn balna cĩkkõ lõgõõ cĩk ẽẽn tatũgẽt cĩk Thẽmĩ, ĩthõng agayyi balna nẽẽgẽ kabicõnĩnẽy, thoothiowẽy ĩcĩgĩk, lõkõrẽtẽy ĩcĩk loociowu.
32 Ẽẽn eeta cĩkkõ vẽlẽk tatũgẽt cĩk dõõlĩ cĩk Nõõwa. Aatĩ balna nẽẽgẽ loociowẽy kĩ goolliowẽy wũk balna aritianĩ nẽẽgẽ vurtẽẽnĩy cĩgĩk. Ĩnõõgõ thĩ balna cĩk avvu athanothi looc vẽlẽk vurtia cĩ towono.